#/ Harei 9/8 Ủy viên mintri chính trị, Akaok UB TƯMT negar VN  Nguyễn Thiện Nhân song kapul ngak bruk hu nao rivang dom boh sang sarak karja dok di palei C , xã Gào, ban sit  Pleiku, tỉnh Gia Lai.  Ong Nguyễn Thiện Nhân sangka tangi sua rai duik di dom boh sang. Klah rabha dom kan kandah dalam bruk PAtruh kathaot, ong Nguyễn Thiện Nhân cong khin, hadei di tuk patruh kathaot, dom boh sang kham merat piah jeng dom boh sang ginup meda dalam palei, jang yau klah rabha ilamu di drei ka dom boh sang karei piah dong gauk patruh kan kathaot. Pok meyaom palei C lac sa palei pachreih bac, oh hu anek naih klah bac .

# Dalam tuk pahadar 55 thun thảm họa kalik truac Việt Nam (10/8/1961- 10/8/2016) tỉnh Điện Biên peih bruk taom gaok dom urang njaom jru mek kalik Kruac dioxin, hu mbaok 50 urang lac dom urang dahlau thiah ngak bol lin mesruh metak di mblang mesruh gah meraong,  njaom jru mek kalik truac dioxin. Tapa nan, uy mban bhapbini tỉnh Điện Biên hu alin harak meyaom ka Chi hội 6 – kapul urang njauk jru mek kalik truac dioxin kayua dom rik daong dalam bruk jak ba, pasang iek urang njauk jru mek kalik truac; alin 50 paok pandap, yaok paok yaom 700 rabau đồng.

#/ Hadei di sa tuk vak kurang ia hacih kayua hajan ribuk, urak ni 20.000 ribau urang dok di ban Lào Kai hu pandar ia hacih yau yaok harei. Ong Ngô Thanh Phương Chủ tịch Hội đồng quản trị Công ty Cổ phần pabak ia tỉnh Lào Cai, brei thau:

Bruk ia hacih ye tal urak ni công ty hu pasiam abih bruk ngak di sang mac ia, NAN lac nduac ginup công suất. Urak ni công ty daok tagok công suất 6000 m khối piah Pabak ia hacih dok kurang di dom harei dahlau. Min, di labik atah ia nduac oh ka khang.

# Tui dự án “pambuak patagok kinh tế saong khik ramik, patagok ilimo dom bangsa takik tal thun 2020” barau hu mintri ilimo padhih saong du lich phê duyệt, dom bangsa takik hu menuac ala 10 rabau urang hu caik dahlau khik ramik, patagok ilimo. Dự án hu peih ngak meng thun 2016 tal thun 2020, saong yaom jien ngak abih tih labaih 54 tỷ đồng. Mintri ilimo padhih saong du lich meda pambuak bruk saong dom gah, puk palei daong bhapbini bangsa takik khik saong patagok dom ilimo mengkan pambuak pagam saong patagok du lich khang kajap

.

#/ Di ban sit Vĩnh Long, tỉnh Vĩnh Long amuk Đặng Thị Ngọc Thịnh phó akaok negar song kapul urang QH tỉnh VL hu var taom gaok labaih 300 cử tri lac urang jakar, công chức dom ban, dom gah song tapon nyaom bol pan phao krong tỉnh song  bhap bini phường 9. Di var taom gaok rilo cử tri hu brei panuac ka bruk ô nhiễm môi trường, hacih saat pandap mbang, bruk đạo đức di sang bac, njauk tui iek song sangka tal dom urang hu buh pren yava ka taneh ia, min oh ka ginup hồ sơ piah hu palih ruah mbang tui sarak. Abih di nyu nan lac dom cử tri dok góp ý ka urang dang akaok Đảng karja njauk patagok quyền dân chủ dalam nội bộ song langiu bhap bini, sangka iek glang kapul urang jakar, công chức gam hu ilamu, pren khang gam hu đức, hu tài ka taneh ka bhap bini

# Di ban sit Mỹ Tho, Hội Mỹ Thuật Việt Nam pambuak bruk saong Sở ilimo padhih saong du lich tỉnh Tiền Giang peih parang iek mỹ thuật bhum VIII bhum taneran kraong Cửu Long  mbang yaka 21. Parang iek 200 tác phẩm hadah trah di dom họa sỹ mai meng 13 tỉnh, ban dalam bhum ngan saong rilo thể loại ye : đồ họa, điêu khắc, mỹ thuật ứng dụng, trang trí, sắp đặt…dalam nan hu rilo tác phẩm mek hu Giải thưởng di Hội Mỹ thuật Việt Nam saong Giải thưởng bhum taneran kraong Cửu Long. Parang iek daok rah tabiak tal harei 16/8 piah ka urang maong iek, roh duah.

#/ Di Đak Lak bahrau rah tabiak bruk 2 tapon limo 8 drei, di 2 boh sang dok di palei  Ea Nhái, xã Ea K'Nuếc, huyện Krông Pách metai . Urak ni hadei di 6 harei rah tabiak. Jabat Thú y bhum 5 duah mboh makna. Jabat Thú y bhum 5 hu panuac lac makna ngak ka tapon limo di dom boh sang di palei Ea Nhái metai kayua njom vi rút ruak tụ huyết trùng. Ruak ni  rah tabiak kayua bruk rong palao di bhap bini, gam song langik tasik oh siam, urang raong oh sangka tal bruk puh ramik var ro, palagaih ka jit tụ huyết trùng tamuh tabiak

Patui di ni dom khaw tin dunya

# gah chức năng Campuchia barau mek kareik saong trục xuất 25 urang  Trung Quốc kayua peih mein bạc tapa mạng suan hukum saong oh hu harak adat ngak bruk. Urang dang akaok gah điều tra di Tổng cục nhập cư – mintri Nội vụ Campuchia, tướng Âu Hay Xây-la (Ouk Hay Seyla) brei thau, bruk tui iek, duah thau saong mek kareik kapul nyaom ini kayua Tổng cục nhập cư pambuak bruk saong cảnh sát ban Phnôm Pênh saong Tòa án Phnôm Pênh peih ngak.   

#/ TQ daok kuhria buh tabiak 430 tỷ nhân dân tệ ( samu 65 tỷ đola) tame 4.800 dự án pasiam chất lượng ia song pabak ia hacih ka đô thi. Tui blah Web di mintri môi trường TQ, rajaei negar ni hu buh tabiak 13 tỷ nhân dân tệ dalam thun 2016, brei ka dom dự án Pabak ia hacih di ban prong song pacang cakak ô nhiễm di dom krong ribong prong

# Hrei  9/8, jabat khik ramik viễn thông Thái Lan brei thau daok pasang iek bruk pandar abih urang taneh ia langiu di Thái Lan njauk pandar sa janih SIM điện thoại đặc biệt piah pasang iekdom urang nan tukvak halei jeng hu. Tui bruk ini, dom urang taneh ia langiu daok di Thái Lan njauk pandar sa janih SIM điện thoại barau. Janih SIM ini daong ka urang chức trách tui maong hu labik di urang pandar  tukvak halei jeng hu./.