# Piah pacang caga bala meng langik tasik, khik caga siam mekre salamat ka menuac sia saong drap ar di bhap bani, tỉnh Tuyên Quang brei buh tabiak labaih 2 tỷ đồng piah panduan ba 102 baoh sang bhap bani daok di dom labik mbuan glut jaleih nao tal labik siam mekre. Piah ka dom baoh sang panduan mai daok di labik bahrau samar grap tanat rai diuk, tỉnh Tuyên Quang pandar dom puk palei brei taneh pala drak meyah hu ka dom baoh sang nan atau jak ba dom baoh sang hu taneh pala drak daok labaih  brei veik ka mikva.

          #/ Di ban Nha Trang, mbao Thiếu niên Tiền phong, kadung jien bac Vừ A Dính, Kalup kapul  “Kayua Hoàng Sa, Trường Sa anit ranam” pambuak bruk song Tỉnh Đoàn Khánh Hòa hu tabiak mbaok kalup kapul “Kayua Hoàng Sa, Trường Sa anit ranam Nha Trang”. Jeng tapa nan, kadung jien bac Vừ A Dính hu jao 18 pok jien bac ka anek di urang jakar, urang lin dok ngak bruk di angaok kapan hải quân 996. 

# Harei pataom Nghệ thuật Việt Nam, Lào, Campuchia, Myanmar saong Thái Lan thun 2016 kayua Cục Nghệ thuật Biểu diễn peih ngak, Mentri ilamo padhih saong rivang ma-in dang tabiak ngak meda rah tabiak di bilan 7 tal di tỉnh Quảng Trị. Harei pataom Nghệ thuật Việt Nam, Lào, Campuchia, Myanmar saong Thái Lan lac harei pataom nghệ thuật prong di dom negar dalam khu vực, lac tukvak piah ka dom negar taom gaok, bac megru ilamu di gauk.

#/ Di phường An Tây, ban sit  Huế hu peih bruk padang ngak khu sang dok ka SV Đại học Huế ngan song yaom jien buh tame ngak labaih 200 tỷ đồng. Dự án nan glaong 10 tal,  abih tih prong labaih 8.200 m vuông kayua Công ty Tissco Huế ngak pô đầu tư.

# Meda hu 3.000 labik daok oh abih jien daong  ka dom anek saih tame pakacah Trung học phổ thông negar thun bac 2016 -2017 pak tỉnh Quảng Ngãi. Tui nan, Kapul Anek saih - sinh viên dom sang bac Đại học Tài Chính - Kế toán, Đại học Phạm Văn Đồng hu Ban Giám hiệu Sang bac brei labik daok pak dom ký túc xá ka anek saih mai pakacah saong gauk gar nao tui dalam luac tukvak pakacah.  Anek saih hu daong brei labik daok oh abih jien tok mek jien điện aia 5.000đồng sa harei.

          #/ Urak ni, bruk chap mek ikan suan hukum di Cà Mau dok rah tabiak khang, mbuan ngak brei lihik abih ikan ia taba. Tui panuac khan di gah chức năng, dalam sa bilan tapa duah mboh labaih 300 mbang tong chap ikan suan hukum, mek veik labaih 500 kg ikan anek. Anak bruk nan, UB bhap bini tỉnh Cà Mau hu tacei pato dom gah chức năng, UB bhap bini dom huyện bhum rong ikan ia taba samar peih ngak dom jalan khik caga ikan ia taba, kham merat palao rong ikan ia taba, pacang cakak oh brei chap ikan ia taba.

# Dalam dua harei tapa, tỉnh Tiền Giang saong huyện Cái Bè hu ralo kapul nyuaom nao rivang, pachreih ba,  klah rabha haong jaik 300 baoh sang hu sang glut jaleih saong par tabung di huyện Cái Bè, tui yaom daong 6 triệu đồng ka sa baoh sang hu sang jaleih abih, 3 triệu đồng ka baoh sang hu sang par tabung. Langiu di nan, yaok baoh sang njauk bala daok hu Hội Chữ Thập đỏ tỉnh alin brei 30 kg brah saong 1 triệu đồng. 

Patui di ni dom khau tin dunya:

#/ Dom đại sứ di dom taneh ia dalam EU njauk gauk brei dui atah dom bruk trừng phạt  Nga dalam 6 bilan tra kayua mboh lac oh hu bruk salih bahrau halei dalam langyah dom bruk mesruh gauk di Ucraina. Min bruk nan brei hu dom akaok mintri EU brei tapa di harei 24/6 anak tal. Yau nan, dom bruk trừng phạt gah năng lượng, jien ndua song quốc phòng di Nga urak ni hu dui atah tal puac bilan 1  thun 2017, hadei di tuk abih tuk vak di puac bilan 7 anak tal.

# Raja-ei Mỹ bahrau lêm án Triều Tiên cuh 2 baoh tên lửa đạn đạo, ngak suan sarak di Hội đồng Bảo an Liên hợp quốc. Tui ong Cơ-bi, urang tabiak panuac di Mentri Ngoại giao Mỹ brei thau Triều Tiên ngak suan sarak di Hội đồng Bảo an Liên hợp quốc oh brei negar ini pandar công nghệ tên lửa đạn đạo. Mỹ daok kuhria ba bruk ini tagok Liên hợp quốc piah pakhang hatai kham merat di dunya pandar Triều Tiên taduan trách nhiệm ka dom bruk ngak ndung bak “khiêu khích” di drei.

#/ Gioóc-đa-ni bahrau tabiak panuac brei kreik dom pambah mbang negar song Xyri hadei di mbang tong bom tame sa căn cứ quân sự di gah langiu sa trại tị nạn di urang Xyri daok di negar ni, ngak takik di abih 6 urang lin metai, labaih 10 urang karei njau rambuac. Hadei di mbang tấn công harei 21/8 rah tabiak di gah langiu trại tị nạn Rúc-ban (Rukban),Tổng tham mưu trưởng liên quân negar ni. Tướng Mi-san (Mishal al-Zibn) hu panuac brei kreik pambah mbang dom labik quân sự di tapen jalan negar gah barak song Đông bắc jiak tapen Xyri./.