# Pahadar 69 thun, harei thương binh liệt sĩ, ngày (27/7) di labik taneh kubo liệt sĩ tỉnh song sang mbia hadar Sư đoàn 10, Tỉnh ủy, Hội đồng bhap bini,  Ủy ban bhap bini, Uỷ ban Mặt trận negar Việt Nam tỉnh Kon Tum peih bruk rivang, am gilau, pok bingu hadar dar phol dom  anh hùng liệt sĩ.  Mai am glau ka đồng chí đồng đội, ong Võ Thanh Chín, Phó chủ tịch Kapul urang dahlau deih ngak bol lin tỉnh Kon Tum drut droi brei thau:

          Mai ni am glau ka dom anh hùng liệt sĩ hulin mboh dalam hatai biak drut droi . Hu dom đồng đội hu angan angaok kubo. Hu đom đồng đội oh ka thau angan. Lac sa urang phó akaok kapul urang dahlau deih ngak bol lin tỉnh Kon Tum, hulin song dom urang jakar ngak praong pang akaok, dom hội viên di puk palei song bhap bini daok dong ka dom boh sang thương binh, liệt sĩ, boh sang hu urang buh pren yava ka CM 

# Jeng dalam harei 27/7, di ban raya HCM, dom urang dang akaok Thành ủy, hội đồng bhap bini, UB bhap bini, UBMT negar ban raya HCM hu nao pok bingu, am cuh gilau hadar dom anh hùng liệt sĩ di dom taneh kabo liệt sĩ di ban raya. Di taneh kabo liệt sĩ Đồi Không tên saong taneh kabo Lạc Cảnh, kapul urang dang akaok di ban raya HCM kayua ong Nguyễn Thành Phong, akaok UB bhap bini ban raya ba akaok hu pok bingu, am cuh gilau saong mặc niệm brei mboh hatai thau dhar phon dom anh hùng, liệt sĩ dalam bruk mesruh metak mek độc lập, tự do di taneh ia palei negar.

#/ Sở LĐTB song XH ban Cần Thơ pambuak gauk peih bruK truac dil hadar dom Anh hùng liệt sĩ ngan song kadha “Vang mãi bản hùng ca" . Di taneh kubo liệt sỹ C. Thơ, dalam nghiêm trang, thành kính anak anh linh dom Anh hùng liệt sỹ, dom pok bingu, mbaik gilau, song dom mbiak dil truac hadah hu labaih 1000 ayhut ranaih umo lac urang đoàn, dam dara dok dalam tỉnh truac tagok piah hadar dom Anh hùng liệt sĩ var klak rup drei, mesruh metak anh dũng ka Độc Lập Tự do di taneh ia, sron mbon, haniem phol di bhap bini

# Phaok thủ tướng Trương Hòa Bình - akaok mban tacei pato 389 negar pandar mintri công an tacei pato dom gah chức năng pataom tame pasang iek ngak brei cambaih laih 3 bruk pablei salih lậu pakao hu mboh di tỉnh Long An saong tỉnh Tây Ninh piah truy tố njauk menuac, njauk duah, njauk hukum, khik kajap bruk taong njauk labik, njauk urang pan akaok; taphia di nan ngak cambaih jalan talei tổ chức, jalan ngak di kol nyu piah langyah njauk quy định di hukum. Mintri công an tacei pato dom gah chức năng peih praong bruk pasang iek piah taong tayah dom jalan talei, kapul nyaom buôn lậu tapa negar tỉnh Long An, tỉnh Tây Ninh saong dom tỉnh gah meraong.

#/ Dalam 7 bilan akaok thun ni, Liên đoàn lao động tỉnh Sơn La hu jhul pakhang bruk jak ba rik patom, dong kadung jien “ boh sang công đoàn”, kadung jien “ Xã hội pahla” piah dong ka công nhân viên chức lao động gaok kan kandah hu jien pasiam veik sang dok, padang ngak sang bahrau, dong ka công nhân viên chức lao độnng njauk ruak kan kandah. Ong Cà Văn Chiu, Chủ tịch Liên đoàn lao động tỉnh Sơn La brei thau:

6 bilan puac thun ye khol hulin dok tacei pato dom pakat công đoàn dalam tỉnh jak ba Công nhân viên chức lao động dalam tỉnh rik patom piah dong, tui bruk brei adat di LĐLĐVN, piah rik dong song tapa nan meda dong ka  dom  công nhân viên chức  hu rai duik kan kandah

# Mesup harei 27/7, mban chỉ huy pacang cakak bala meng langik tasik saong daong duah urang njauk bala tỉnh Bình Thuận brei thau 8 kapal ikan di tỉnh BT njauk Indonesia cap mek tuk daok taong cap angaok tasik. Dahlau nan, di tukvak 5 tuk harei 24/7, kapal ikan BTh 97292 TS saong dom kapal ikan karei di urang taong cap ikan ban sit La Gi, tỉnh BT daok taong cap ikan di tọa độ 06^o36'N – 109^o36'E njauk kapal số hiệu 6003 di Indonesia cap ba mai pulao di Indonesia. Abih tih kapal ikan njauk cap lac 8 kapal di BT gam saong labaih 60 urang taong cap ikan. Mban chỉ huy pacang cakak bala meng langik tasik saong daong duah urang njauk bala tỉnh BT hu pok panuac tagok jabat UB pakat negar duah daong urang njauk bala, cục lãnh sự - mintri ngoại giao samar can thiệp saong đại sứ quán di Indonesia piah thau cambaih bruk saong hu jalan daong 60 urang taong cap ikan njauk Indonesia cap kreik hu peih lui mai sang.

        #/ Cúp chaoh blong bhap bini prong abih di Việt Nam FFAV 2016 hu peih tabiak di harei 28/7 di Thừa Thiên Huế. Bruk pakcah ini daok dalam dự án “ Chaoh blong bhap bini di VN”  kayua Liên đoàn Chaoh blong Na Uy ba tabiak saong peih ngak di thun 2001 piah patagok bruk chaoh blong oh meriak gauk brei ka uranaih umo meng 6 tal 15 thun, tui jalan caik hatai tal nyaom uranaih hu jan ji oh siam song jhul patagok bruk chaoh blong kamei. Bruk pakacah lac tuk piah ka dom uranaih, dom anek saih sang kan kandah, hu main sambai chaoh blong dalam sa labik siam mekre, saong hu pato kỹ năng sống tapa dom kadha bac megru hu pablak  dalam danak dak

Patui di ini dom khau tin dunya:

# Khuah glai jeng daok rah tabiak di mbang Ca-li-phóoc-ni-a, Mỹ dalam harei 26/07. Jaik 6 ribau 500 ha glai njauk pui mbang abih. Jaik 20 baoh sang di bhap bini jeng khuah, tayah dalam dom mbang khuah glai. Takik di abih sa urang metai saong 30 ribau urang karei hu panduan nao labik karei. 3 ribau urang lin padam pui hu 26 sruh trực thăng daong daok kham merat padam pui di labik glai negar An-giơ-lét meng puac adit bloh dalam nhiệt glaong 39 độ C saong độ ẩm biar.

#/ Gah Y tế dunya (WHO) bahrau tabiak panuac lac Bra xin abih jit sởi, hadei di tuk oh dok mbang njom mbak sởi halei di Bra xin dalam thun bloh. Tui Gah Y tế dunya brei thau lac hu pambuak bruk song Gah Y tế Toàn Châu Mỹ (Pan-American Health Organization) buh jien tabiak labaih 335 ribau đô la Mỹ, piah pacang padam jit sởi di Bra xin, dalam nan jhul pakhang bruk klauk vắc xin.

# Gilang pariak dunya hu patagok dự báo yaom menyek tamo dalam meteh thun ini hadei di tuk taong yaom nguồn cung trì tuệ saong bruk blei pandar di darak dunya jeng biak khang dalam quý 2 meng bloh. Dalam harak pathau khan yaok quý barau abih ka triển vọng drak blei pandar,  Gilang pariak dunya kuhria mboh dahlau lac yaom menyek tamo dalam thun 2016 meda dang di tanut 43 đô la Mỷ sa thùng, tagok duk saong panuac ba tabiak di bilan 4 lac 41 đô la sa thùng./.