# Harei 6/9, pak jabat Raja-ei, Ủy viên Mentri Chính trị, Phaok Thủ tướng Vương Đình Huệ hu van taom gaok haong domurang dalam Kapul khik caga alam saong môi trường Việt Nam di tuk peih Diễn đàn “Kinh tế hijao ka patagok khang kajap 2016” rah tabiak pak Hà Nội. Jeng dalam van nan, Phaok Thủ tướng Vương Đình Huệ hu panuac caong Kapul patui veik pakhang dom bruk ngak, patagok bruk pambuak talei rohim haong dunya, đối ngoại bhap bani piah jak ba dom pren khang di dunya brei ka  bruk patagok khang kajap, pacang caga biến đổi khí hậu pak Việt Nam.

#/ Nyaom darak pasa tapuk bilan thu 2016 hu rah tabiak meng harei 9-13/9 di mblang bein thống nhất, ban ine Hà  Nội. Ni lac mbang camereip, sa nyaom darka pasa hu peih ngak meng kadung jien XH hóa. Nyaom darak pasa tapuk bilan thu 2016 hu mbaok  60 Nhà xuất bản, đơn vị phát hành gam song labaih 70 gian hàng. Ong Chu Văn Hòa, Cục trưởng Cục Xuất bản, In song Phát hành Bộ Thông tin song Truyền thông  brei thau:  Tapuk halei patabiak njauk adat hukum di darak pasa ye tapuk nan ba tame nyaom darak. Tapuk halei oh pa tabiak njauk adat hukum ye tame darak pasa jeng oh hu quyền phát hành.

# Tui Mentri Y tế, jaik 70% urang prong thun di negar drei daok diuk rai pak palei pala saong ngak nong. Jaik 2/3 manuac urang taha daok diuk rai haong anek taco, dalam tuk xu hướng quy mô baoh sang Việt Nam daok panduan salih meng baoh sang truyền thống tapa baoh sang hạt nhân. Kuhria rah tapa yaok urang taha tame sang iek ruak urak ini njauk jaik 7 janih ruak nan ye jien padai brei ka bruk iek ruak glaong jang 7 tal 10 mbang dut haong uranaih saong urang taha pandar tal 50% dom jru iek ruak.

#/ Tỉnh Quảng Nam hu labaih 1 triệu 500 ribau urang iek ruak bệnh Bảo hiểm Y tế abih tih jiak 670 tỷ đồng, rilo jang kadung jien BHYT labaih 210 tỷ đồng. Dut song tuk vak ni thun 2015, urang iek ruak BHYT tagok labaih 10%, chi phí tagok jiak 60%. Makna tagok jien iek ruak BHYT mai meng bruk peih prong jalan iek ruak,  yasa yaom iek ruak BHYT di dom sang iek ruak dalam negar.

# Meng blaoh, Kapul ngak bruk pasang iek Đồn biên phòng Vĩnh Châu dalam Bộ đội biên phòng tỉnh Sóc Trăng peih bruk pasang iek labik bein sang ong Trần Văn Đời di phường Vĩnh Phước, ban sitVĩnh Châu, tỉnh Sóc Trăng hu mboh saong cap khik 45 phun cần sa trak abih tih 19kg. Tui panuac khan akaok mereip di dua urang, bruk pala nan piah raong athur, menuk ada. Urak ini bruk ini daok hu Đồn biên phòng Vĩnh Châu pasang iek duah thau ka cambaih laih.

#/ Piah pachreih hu rilo tuai damuai tal Cần Thơ rivang main, padeih padei, dom bilan puac thun 2016, gah du lịch ban Cần patom tame padang ngak pandap du lịch song patagok chất lượng pandap du lịch urak ni. Cần Thơ pachreih ba song palagaih ka dom labik ngak pandap thủ công mỹ nghệ ngak dom pandap meng kan  gheih mekre, patagok dom palei ngak meng kan gam song bruk patagok du lịch. Abih di nyu nan lac, tuk vak anak tal bruk du lịch ban sit Cần Thơ  pataom tame pren khang di drei lac krong ribong di ban sit pambuak song sinh thái, bein, piah dui pachreih tuai damuai.

# Pachreih tui Thun Du lịch negar 2016 - Phú Quốc – Bhum taneran kraong  Cửu Long, meng blaoh, pak tỉnh Kiên Giang hu peih danak dak nghệ thuật “Biên giới khúc tình ca” ngan haong kadha: Nghĩa tình bhum tapen. Danak dak pok meyaom urang chiến sỹ biên phòng yam tapa kan kandah, harei melam pacang khik khang kajap bhum tapen negar, chủ quyền pulao tasik di Taneh aia; tapa nan brei mboh hatung hatian anit ranam palei negar, taneh aia di urang lính tuk halei jeng daok jaik, pambuak pagam, daong ba bhap bani labik tapen negar; iek prong ilamu meng kan gul pataom, hữu nghị di dua taneh aia, dua bangsa Việt Nam - Campuchia. 

patui di ni dom khau tin dunya:

# Thủ tướng Italia Mat-teo Ren-zi (Matteo Renzi) harei kabroi brei thau hu peih sa mbang trưng cầu ý dân prong ka bruk salih bahrau hukum meng harei  15 bilan 11 tal harei 5/12 anak tal. Puac khan ni di ong Ren-zi brei mboh bruk  trưng cầu ý dân njauk kadun  veik dut song jalan ba tabiak tui kuhria  lac dalam bilan 10. Yaom lac peih bruk trưng cầu ý dân min bruk salih bahrau hukum ni dok hu QH brei tapa, piah patrun bruk ngak di Thượng viện song pasang iek  quyền lực di karja khu vực. 

# Raja-ei Hà Lan brei thau meda daong ka Ixraen dalam bruk pasiam veik halau aia saong năng lượng tal dải Gaza. Urak ini Gaza daok dang anak bruk khủng hoảng năng lượng kayua mạng lưới điện dalam bhum njuak khut khat dalam mbang mesruh metak dahlau nan, gam haong bruk pacang cakak di Ixraen saong dom jalan taong phạt, giới hạn karei. Sa jalan ống khí cuh meng Ixraen meda daong ka dom sang mac điện pak Gaza tagok jaik dua mbang công suất urak ini. 

#/ Xingapo harei 6/9 brei thau hu bahrau 17 urang njom virus Zika, patagok urang njom vi rút di negar ni tagok 275 urang. Tui pathau khan di mintri Y tế song Jabat môi trường negar, dom kham merat pandam jit dok samar peih ngak di Xingapo. Thủ tướng Xingapo Lý  Hiển Long, dok hu mbaok di nyaom pakat glong ASEAN di Lào, jeng hu panuac ieu dom negar ASEAN tagok talei pambuak bruk di khu vực piah pacang cakak virus Zika njom tapa jalan tapen negar./.