1/ # Sở ngak nong song patagok palei pala tỉnh Nam Định bahrau peih bruk ginum biai ka dom jalan patagok bruk rong glang kaya ikan thun 2017. Urak ni, Nam Định hu labaih  50 bhum taneh rong kaya ikan, hu  ngak bahrau  39 kapan kanduk  pasei tui sarak 67 di rajaei taong cap kaya ikan di dom bhum tasik atah tui jalan   lưới rê ba mai kein liba Kt ka urang ngak ikan.

2/ Tui harak pathau khan di sở ngak nông saong patagok palei pala tỉnh Quảng Bình, urak ini jit rầy nâu saong rầy ka-ing patih daok tamuh tabiak saong palai kaik tal labaih 1.500 ha padai di tỉnh Quảng Bình. Meyah oh hu jalan pametai chip ye năng suất padai vụ Đông xuân thun ini di Quảng Bình njauk khat lihik khang.

3/ # Hadei di labaih 2 thun peih ngak dự án pala phun mắc ca di bhum ceik glong huyện Hướng Hóa, tỉnh Quảng Trị, urak ni Công ty Trách nhiệm Hữu hạn My Anh - Khe Sanh ( 100% phun jien negar langiu) mek hu siam mekre tuk  camereip. Phun tamuh siam, tabiak bingu song ndam boh Jalan ngak ni njauk pachreih tui saong daong palagaih, abih di nyu nan lac dalam tuk taneh IA song tỉnh Quảng Trị dok jhul pakhang bruk patagok ngak nong công nghệ glong song khang kajap.

4/ Di ban sit Gia Nghĩa, tỉnh Đắk Nông, Bộ Chỉ huy Quân sự tỉnh Đắk Nông pambuak saong Tiểu khu Quân sự tỉnh Mondulkiri (taneh ia Campuchia) peih ginum biai pambuak bruk mbang ka III. Tui nan, dua gah sanya patagok talei pambuak bruk dalam dom gah pacang cakak pablei salih ma túy, buôn lậu, pajeng ba, kaoh mek kaya glai sung hukum

5/ # Kapul dong boh sang liệt sĩ Việt Nam pambuak bruk song Báo urang dahlau deih ngak bol lin Việt Nam song Tập đoàn Thái Bình Dương (Hà Nội) brei pandap ka dom boh sang liệt sĩ kan kandah di  huyện Châu Thành, tỉnh Tây Ninh. Kapul hu brei 48 pok pandap, yaok pok lac 2 triệu đồng jien mbaok ka dom boh sang . Langiu di nan, Kapul dok mai tal sang piah rivang tangi sua song brei PANDAP ka amaik  Việt Nam anh hùng Lê Thị Xum (dok di palei Xóm Mới I, xã Trí Bình) song amaik  Việt Nam anh hùng Võ Thị Rết (dok di Thanh Sơn, xã Thanh Điền). Abih tih yaom jien brei pandap  mbang ni lac 100 triệu đồng.

6/ Dom sở, ngành di Đồng Nai peih bruk ginum meyai ka dom jalan daong khat lahik di phun pala ka urang kayua hajan sung bilan tabiak. Tui nan, sở ngak nông saong patagok palei pala tỉnh ĐN ba tabiak jalan daong lac: dom janih phun công nghiệp saong phun mbang baoh lavik thun njauk khat lahik labaih 70% hu daong  4 triệu đồng sa ha; dom bein phun njauk khat lahik meng 30 – 70% hu daong  2 triệu đồng/ha

7/ # Bilan padai Đông Xuân 2016 - 2017, tỉnh Đồng Tháp hu labaih 14.000 ha padai hu 49 doanh nghiệp, công ty pambuak bruk  blei abih, song urak ni blei hu labaih 59.000 tấn. Meng hu pambuak bruk yau ini, urang nong pablei yaom glong jang 150 - 200 đồng/kg dut song gah langiu. Urang nong hu mbaok tame  mô hình ni hu  doanh nghiệp, công ty buh phun jien, pajaih , khak drak jru khik caga phun pala , tacei ilamu  kỹ thuật, yau nan ye kein liba glong jang tuk oh tame liên kết (kein liba rilo jang 1,7 triệu đồng/ha). 

Nhạc cắt

Patui di ini dom khau tin dunya:

8/ Trung Quốc cuh hu kapal vũ trụ pajeng pandap Thiên Châu 1 tagok lingik. Ini lac sa binah di bruk caong padang sa pablai vũ trụ hu menuac daok vĩnh viễn di Trung Quốc dahlau thun 2022. Kapal vũ trụ Thiên Châu 1 meda pajeng 6 tấn pandap, dua tấn nhiên liệu saong meda par oh cang menuac peih dalam 3 bilan.

9/ # Rajaei Ixraen bahrau brei thau ,  harei  23/4  tal, bol bala negar ni meda taduan 3 sruh kapan haoh  tiêm kích tàng hình F-35 kayua  Mỹ ngak , patagok jang  5 sruh dalam 50 sruh bo negar ni hu blei dahlau di nan meng gah ngak kapan haoh  Mỹ Lóc-khi Mác-tin. Jien blei ni hu meng jien dong quân sự labaih 3 tỷ đô-la yaok thun di Mỹ brei ka Ixraen.

10/ Mỹ saong Hàn Quốc barau peih bruk pasram haong gauk di căn cứ không quân Gunsan dalam tuk bruk daok catang tagok angaok bán đảo Triều Tiên. Jaik 1.500 phi công Mỹ saong  Hàn Quốc  hu mbaok tame bruk psram yaok thun hu angan Mát-x Thăn-đơ saong 80 sruh kapal haok dalam nan hu kapal haok F-16, F-15K hu pataom mai di dua gah piah patagok talei pambuak bruk  dalam tác chiến./.