#/ Harei 22/6, di huyện Cờ Đỏ, ban Cần Thơ hu rah tabiak bruk pahadar 77 thun harei padang Phật giáo Hòa Hảo (1939-2015). Tapa labaih 77 thun ngak bruk, mban trị sự giáo hội phật giáo Hòa hảo ban Cần Thơ saong urang tui Hòa Hảo dalam ban, ngak siam tui hukum agama di drei, diukrai siam ka dunya mekre ka agama. Anak tal, tui jalan “kayua agama, kayua bangsa”. Mban trị sự giáo hội phật giáo Hòa Hảo ban Cần Thơ gam saong mikva ba tui agama, rik pren saong bhap bini dalam taneh ia dak padang talei jum pataom bangsa, ba taneh ia dak harei dak patagok.

#/ Langik pandiak  lagaih ka rilo janih halak tamuh khang  di phun te dalam tỉnh Yên Bái. Tỉnh urak ni, hu jiak 800 ha dalam labaih 11.000 ha te njom dom janih ruak. Anak bruk ni, tỉnh Yên Bái hu tacei gah ngak nong tui iek duah thau ka jit ruak, tacei pato urang nong  caga njauk tuk, njauk jalan.

#/ Piah ngak siam bruk daong ba, iek glang urang njauk jru mek klik kruac, tukvak 2016 – 2020, kapul urang njauk jru mek klik kroc dioxin tỉnh Gia Lai patui jhul pakhang pathau khan ka bala di jru mek klik kroc dioxin, tapa nan daong bhap bini thau, saong hu trách nhiệm jang dalam bruk iek glang, daong ba dom urang njauk jru mek dalam rai diuk. Tui kuhria, di tỉnh Gia Lai hu jaik 13 ribau urang njom njauk jru mek klik kroc dioxin, dalam nan hu labaih 400 urang lac rai ka 3 (F2).  

#/ Peih bruk pato pakai, xóa mù chữ tuk vak 2016 – 2020, UB bhap bini tỉnh Đắk Nông hu buh tabiak labaih 57 tỷ đồng piah phổ cập pato pakai, xóa mù chữ di 71 xã, phường, ban di tỉnh. Đắc Nông, piah tal thun 2020 hu ngak salah bloh bruk pato pakai tiểu học pakat 3, phổ cập pato pakai trung học cơ sở pakat 2 song langyah brei salah bruk urang mù chữ, tái mù chữ,, anek saih klah bac, oh hu nao bac di bhum tapen negarm bhum atah bayah, bhum urang bangsa takik.

#/ Tui Giám đốc Sở ngak nông saong patagok palei pala tỉnh Tây Ninh, kayua yaom katak meng akaok thun tal ini daok trun (urak ini daok 21.000 đồng sa kg katak thu) saong jien pablei katak oh ginup pabak jien ngak, jien iek glang nan ye bhap bini daok pablei phun cao su piah mek taneh salih tapa pala dom janih phun karei. 3 thun jaik di ini, kayua yaom katak gam gam trun nan ye taneh pala phun ini jeng trun labaih 5.000 ha, kayua urang nông tak klak piah salih tala pala dom janih phun pala karei.

#/ Ong Nguyễn Đình Xuyên, phó Chi cục Thú y tỉnh Kiên Giang brei tha, tapa tui iek 131 labik pablei salih jru thú y, jru thủy sản song pandap mbang rong glang di 6 huyện  dalam tỉnh, Kapul pasang iek di chi cục bahrau duah mboh 2 labik di huyện Tân  Hiệp blei jru thú y oh siam. Langiu di 2 labik pablei jru oh siam nan, kapul hu duah mboh rilo labik karei oh hu adat, pablei jru oh njauk, oh hu angan jru.

#/ Harei 22/6, di sang pakacah đa năng tỉnh Bạc Liêu hu rah tabiak vòng chung kết giải Billiards saong Snooker vô địch pakat negar thun 2016. Hu mbaok 16 đơn vị gam saong 150 vận động viên, dalam nan hu 127 cơ thủ likei saong 23 cơ thủ kamei. Hadei di tuk khai mạc, dom cơ thủ hu yam tame pakacah vòng bảng di vòng chung kết. Giải hu rah tabiak tal harei 30/6.

Patui di ni dom khau tin dunya:

# Urak ni halin halak dok palai kaik padai song njam patam dom tỉnh di CPC. Tui panuac khan di mintri ngak nong, tapon halak urka ni dok patagok biak khang, nyu  palai kaik padai song njam patam di urang nong. Hu labaih 15 tỉnh ban dalam negar dok njauk tapon halak palai pajoa. Di angaok mblang padai nyu palai kaik labaih meteh mblang taneh, dom mblang taneh halei takik ia nyu kaik tal gha khat lahik abih oh meda pasiam hu.

# "ASEAN oh biên giới: jalan patagok praong dom cụm DL sinh thái saong hành lang DL” lac kadha diễn đàn DL sinh thái ASEAN mbang ka sa peih tabiak barau ini, di huyện Pạc xê (Pakse)-tỉnh Chăm pa sắc (Champasak)- Nam Lào. Kapul VN kayua amuk Đặng Thị Bích Liên, Thứ trưởng mintri ilamu, Thể thao saong Du lịch pan akaok kapul hu mbaok di Diễn đàn”. Ini jeng lac jalan peih tabiak ka  dom taneh ia thành viên pambuak talei rohim piah pamaong tal ASEAN 2025 saong jalan ngak DL ASEAN 2016 – 2025./.