#/ Harei 10/8, Ủy ban trung ương Mặt trận negar Việt Nam peih nyaom biai taom gaok, ginum biai song Ủy ban MT negar VN hong labaih 40 urang hu angan je di 5 tỉnh, ban Tây Nguyên. Brei panuac peih nyaom biai, Ủy viên mintri  Chính trị, Akaok Ủy ban Mặt trận negar  Việt Nam Nguyễn Thiện Nhân ndom lac dom bangsa takik di Tây Nguyên hu rik dong biak prong ka bruk patagok di taneh ia. OngNguyễn Thiện Nhân caong ngak brei cambaih jalan rik dong di dom urang hu angan je ka bruk patagok di yaok puk palei, patagok bruk ngak di dom urang ni.

# Phó akaok Quốc hội Đỗ Bá Tỵ saong kapul ngak bruk hu nao tanhi ravang saong alin pandap ka bhapbini bangsa Dap, daok di xã Phìn Ngan, huyện Bát Xát, tỉnh Lào Cai gaok khat lahik di mbang ribuk xua rah tabiak barau blaoh. Phó akaok Quốc hội Đỗ Bá Tỵ pok meyaom, taong yaom glaong bruk kham merat di puk palei dalam bruk ramik pasiam khut khat di mbang xua ribuk, glut jaleih haluk kayua bala meng lingik tasik, klah rabha dom khat lihik pandik harao di muac urang saong drap ar saong puk palei labik xua ribuk.

#/ Tỉnh Yên Bái dok kham merat kuhria caga piah peih ngak adit Ilamu du lịch Mường Lò song adit ilamu du lịch labik mekre meta  pakat negar padai bậc thang thun  2016. Adit ilamu thể thao song DL labik mekre  meta pakat negar padai bậc thang  Mù Cang Chải hu rah tabiak meng harei 16 tal harei 20/9 song dom bruk Festival dù lượn “Bay trên mùa vàng”;  Parang iek thaot binguk “Mù Cang Chải - sóng lúa nhịp nhàng”; dom bruk thể thao meng kan di bangsa Mông   

# Liên hiệp dom kapul hữu nghị ban sit Cần Thơ saong kapul Dariu Foundation - Thụy sĩ (TDF) barau mbaoh tangin tame peih ngak dom dự án patagok ban sit Cần Thơ  saong alin 150 sruh radaih jhuak ka dom anek saih sang kan kandah dalam ban sit . Di harei mbaoh tangin, ông Nguyễn Văn Hạnh, Giám đốc Quỹ Dariu brei thau, hu caik jaik 61 tỷ đồng piah pambuak bruk, peih ngak dom danakdak ka jien padai, alin jien bac ka anek saih kathaot, apdang ngak sang bac mẫu giáo, sang bac, gilang tapuk di động ka ban sit Cần Thơ tukvak 2016 tal 2021.

# Tui Sở ngak nong song patagok palei pala tỉnh Trà Vinh bruk glut jaleih taneh tapen krong dalam tỉnh jiak di ni rah tabiak rilo, ngak kan kandah tal bruk ngak mbang, ngak huak di bhap bini. Meng akaok thun tal ni, tỉnh hu 57 labik glut jaleih tapen krong atah abih tih 2.163 m, khat lihik labaih 3,2 tỷ đồng. Tapa tui iek di Chi cục Thủy lợi,, urak ni hu 35 labik glut jaleih trak rilo meng lac di 2 gah jalan tapen krong, atah abih tih jiak 1.150m song mbang dalam tame taneh meng 2-4 m, dalam dom huyện Tam Bình, Bình Tân, Vũng Liêm song ban sit Bình Minh. 

# Di dom darak dalam tỉnh An Giang hu mboh ikan linh non (angan khoa học Cirrihinus Juillieni) akaok bilan saong yaom pablei di dom darak biak glaong lac 200.000 đồng/sa kg, tagok labaih 20.000 đồng/sa kg duk saong dom bilan thun dahlau. Urang ngak ikan taong cap hu ikan linh non, tuk pablei tabia ka urang blei sumu atau glaong jang rilo duk saong ikan quý karei hu yaom kinh te glaong ye ikan sửu, ikan cóc, ikan chạch.  Kayua đặc điểm ikan linh tự nhiên tok mboh sa mbang di bilan ia xua di thun gam saong chat luong ikan sit, ( ikan linh non) hu taong yaom lac bingi duk saong ikan linh praong yau nan ye ikan linh akaok bilan yaom pablei hu glaong.

# Piah pasiam veik bruk nao mai angaok jalan, meng harei 7/8 tal harei 12/8 kapul ngak bruk liên ngành huyện Xuân Lộc, tỉnh đồng Nai peih bruk giải tỏa yaok rituh boh sang, bảng hiệu padang meblah hành lang an toàn di 2 gah jalan roya 1A, jalan tapa 2 xã Suối Cát song  Xuân Hiệp. Ni jeng lac jalan mbuan hu bala radaih paoh gauk di huyện.

Patui di ni dom khau tin dunya:

# Bộ dân chính Trung Quốc harei ini brei thau, dom mbang bala khang meng lingik tasik di taneh ia ini dalam bilan 7meng blaoh ngak ka takik abih  612 urang metai. Bruk njauk caik hatai nan lac dom mbang xua, ribuk saong biến động ka địa chất. Bala nyu ngak khat lihik ka kinh te tagok tal 233,1 tỉ nhân dân tệ (jaik 35 tỉ đô la Mỹ), kan kandah tal jaik 7,3 triệu héc-ta taneh ngak nong. Tui kuhria mboh, alabaih 1,87 triệu baok sang dalam taneh ia ini khut atau tayah abih kayua dom mbang bala meng lingik tasik rah tabiak di bilan dahlau, glaong jang duk saong dom tukvak ini thun dahlau kuhria meng thun 2011.

# Tui Hiệp hội dom urang pablei brah tabiak negar lingiu di Thái Lan, dalam 6 bilan akaok thun  ni TL yam tagaok jeng gah pablei brah tabiak negar lingiu praong  abih di dunya song sản lượng pablei tabiak negar langiu labaih 5 triệu tấn, tagok 12% dut song tuk vak ni thun 2015. Akaok Hiệp hội ni, ong Chạ-rợ-en Lao-tha-ma-thát (Charoen Laothammathat) brei thau TL khik labik dang ni tal puac thun 2016 song bruk daok pamaong tal nan lac pablei tabiak negar langiu 9,5 tấn. Labik dang patui di nan lac Ấn Độ, Việt Nam song Pa-kis-tan.

# Cảnh sát I-rắc barau  brei thau, takik abih 20 anek kamal medati di sa mbang khuah trak rah tabiak si sa sang iek ruak di ban ine Bát-đa (Baghdad) di taneh ia ini. Dom anek kamal ini metai rilo kayua  ngạt thở kayua asak tapal. Gah chức trách daok duah thau makna di bruk ini. Tui panuac khan tuk  mereip, bruk khuah ini meda mai meng điện./.