# Pahadar 71 thun Cách mạng Bilan 8 saong harei negar 2/9, melam 1/9, pak Hà Nội, Báo điện tử Đảng Cộng sản Việt Nam peih Danak dak “Tết Độc lập”  thun 2016 ngan haong kadha "Mùa thu Cách mạng". Dalam danak dak  ini meda hu ralo kadha biak gheih, hu padang ngak siam, gam haong dom kadha daoh nao gam haong thun bilan, pok meyaom Đảng, Wa Hồ, urang lin Cụ Hồ kiên trung, Amaik Việt Nam anh hùng, pok meyaom taneh aia palei negar. 

#/ Mban khik ramik Lăng Chủ tịch Hồ Chí Minh hu panuac khan lac, meng harei 5/9/2016 Lăng Chủ tịch Hồ Chí Minh, Đài tưởng niệm dom Anh hùng liệt sỹ  padeih bruk sirah rivang piah peih bruk pasiam veik tui bruk di thun 2016. Bruk sirah Chủ tịch Hồ Chí Minh song pahadar dom Anh hùng liệt sỹ hu peih veik meng harei 6/12/2016

# Pak Yên Bái, bruk peih Adit Ilamo, Rivang ma-in Mường Lò 2016 rah tabiak di tukvak 20 tuk harei 17/9. Dalam Adit Ilamo saong Rivang ma-in, meda hu ralo bruk ngak yau: Pakacah saong parang me-in dom môn thể thao meng kan, pataom daoh diễn xướng ilamo bhap bani bangsa  Thái bhum Tây Bắc saong biểu diễn jalan phố ngan haong kadha “Hadah tanjak sambo màu Tây Bắc”, phố ilamo mbang menyum.  Kadha praong di Adit Ilamo, rivang ma-in Mường Lò thun ini nan lac  bruk taduan mek Angan Inem mek ilamo oh mboh di meta pakat negar brei ka nghệ thuật diễn xướng ilamo bhap bani Hạn Khuốn, bangsa Thái Mường Lò Nghĩa Lộ.

#/ Tui mintri Lao động, Thương binh song  Xã hội, menuac sia VN dok taha biak samar. Bruk dong  XH lac sa dalam dom jalan ngak piah khik caga rai duik mbang ngui ka urang umo taha, urak ni hu 1 triệu 500 ribau urang umo taha hu taduan trợ cấp XH. Tui kuhria yaok thun, dom puk palei hu peih bruk tadhau ayuh, uan umo taha praong thun ka labaih 1 triệu urang umo taha, nao rivang tangi sua labaih 900.000 urang umo taha tuk ruak kik . Urak ni labaih 90% urang umo taha hu pabak bruk mbang ngui, labik dok, 88% hu iek glang pren yava

# Meng kaok thun 2016 tal ini, dalam tỉnh Bà Rịa-Vũng Tàu hu labaih 1.300 urang njauk ruak pandiak tabiak darah, rilo jang jaik 30% dut haong tukvak ini thun 2015, dalam nan hu sa urang metai. Urak ini, gah y tế Bà Rịa-Vũng Tàu daok kham merat peih bruk pasang iek dom urang njauk ruak tui tuyến njauk haong adat brei thau di Mentri Y tế, taong yaom dịch tễ dom labik pandiak dalam tỉnh, pasang iek định kỳ, langyah samar dom sruh jit; tui iek jit ruak yaok harei piah iek glang saong điều trị samar drah. Tui harak brei thau di gah y tế tỉnh ini, dom bilan daok veik di thu 2016, meda mbuan ngak ka jit ruak pandiak tabiak darah tamuh khang di bal sit Vũng Tàu, huyện Châu Đức saong huyện Xuyên Mộc.

#/ Tui mintri Lao động, Thương binh song  Xã hội, menuac sia VN dok taha biak samar. Bruk dong  XH lac sa dalam dom jalan ngak piah khik caga rai duik mbang ngui ka urang umo taha, urak ni hu 1 triệu 500 ribau urang umo taha hu taduan trợ cấp XH. Tui kuhria yaok thun, dom puk palei hu peih bruk tadhau ayuh, uan umo taha praong thun ka labaih 1 triệu urang umo taha, nao rivang tangi sua labaih 900.000 urang umo taha tuk ruak kik . Urak ni labaih 90% urang umo taha hu pabak bruk mbang ngui, labik dok, 88% hu iek glang pren yava

# Giải vô địch Yoga châu Á mbang ka 6 meda peih tabiak meng harei 3-5/9 pak Hà Nội, hu mbaok di labaih 200 vận động viên mai meng 16 negar saong bhum taneh. Ini lac mbang akaok meti Việt Nam dang tabiak peih bruk ini. Giải gam lac tuk piah ka Việt Nam patagok bộ môn Yoga taphia di nan meyaih khan thaot binguk, anek manuac saong du lịch Việt Nam ngan haong ayut dunya. Giải đấu meda hu ralo kadha pakacah biak gheih, ngak brei tatuak drei kayua bruk hu mbaok di dom kapul nyaom Yoga khang yau Ấn Độ, Trung Quốc, Thái Lan.

Patui di ni dom khau tin dunya:

#/ Truyền thông Nhật Bản brei thau, 11 urang metai song 3 urang karei lihik hadei di tuk ribuk khang Lai-ừn-rốc (Lionrock) rah tabiak di gah barak song đông Bắc negar ni dalam harei 31/8. Ribuk Lai-ừn-rốc (Lionrock) mbang ribuk ka 10 dalam bilan ribuk thun ni di Nhật Bản, ngak ka labaih 100 mbang par dalam negar brei padeih song dom  kapan cao tốc jeng padeih peih. Labaih 1200 boh sang di  gah pai Nhật Bản, jiak ban ine Tô Ky Ô oh hu điện

# Harei kabroi (31/8), Nyaom biai Sron mbon liên bang của Myanmar, daok iew lac Nyaom biai Panglong abap 21 hu peih tabiak pak bal ine Nây-pi-tô (Nay Pyi Taw) piah ginum biai ka dom bruk chính trị negar piah tamat dom bruk mesruh gauk di bol lin negar saong dom nyaom pal phao krong sắc tộc luac jaik 7 pluh thun tapa. Pok sap ndom pak nyaom biai, Tổng thư ký Liên hợp quốc Ban Ki Mun pok meyaom dom yam nao di bruk sron mbon pak Myanmar jeng yau kham merah di raja-ei negar ini dalam bruk duah jalan langyah ka bruk srau dhau bak darah dui atah jaik 70 thun.

#/ Dalam mbang nao rivang TQ meng bloh, Thủ tướng Ca-na-đa Giớt-xtin Tru-đô (Justin Trudeau) song  Thủ tướng TQ  Lý Khắc Cường hu langyah dom tavak tavaiy ka bruk pablei salih, dalam nan hu bruk meriak gauk pambuak tal bruk pablei salih vụ menyek asar cải. Brei panuac dalam mbang ginum biai Thủ tướng Lý Khắc Cường brei thau, TQ brei padeih bruk ba tabiak dom quy định khang jang ka bruk nhập khẩu menyek asar cải meng Ca na Da. Ni hu mong lac sa bui sambai ka gah ngak nong Ca Na Da tuk menyek asar cải lac sa janih pandap pablei tabiak negar langiu dang akaok negar ni tal TQ dalam jaik 10 thun tapa./.