# Mesup harei 11/8, Phó Thủ tướng Trịnh Đình Dũng song kapul ngak bruk di dom  mintr, dom gah hu var ngak bruk song ban raya HCM ka bruk peih ngak dom dự án patagok giao thông đô thị di mblang kapan haoh  dunya Tân Sơn Nhất song pambah lamnge  Cát Lái. Dalam var ngak bruk phó thủ tướng Trịnh Đình Dũng hu panuac lac,  anak meta ,mintri Giao thông vận tải brei khik ka siam tong abih dom mbang par, patrun bruk par cang. Tui iek tapak di labik, Phó thủ tướng Trịnh Đình Dũng tong yaom bruk Peih prong mblang kapal haok quân sự  ka bruk hàng không dân dụng di labik gah Tây mblang kapan haoh lac biak lagaih song brei jhul pasamar bruk ngak

# Ủy ban bhapbini tỉnh Thừa Thiên - Huế barau brei adat ngak Dự án labik padheih padhaiy ia khoáng pandiak Mỹ An - My An Hot spring Resort (di palei Mỹ An, xã Phú Dương, huyện Phú Vang). Dự án hu yaom jien peih ngak abih tih lac 545 tỷ đồng, kayua Tập đoàn Bitexco ngak po đầu tư. Dự án padang ngak praong abih tih 9.175 m2.

# Harei 28/8 tal, ban ine HN hu peih bruk yaih khan 100 thủ khoa naih gheih bac tamat dom sang Đại học, học viện di ban ine. Ni lac dom kreik camin naih gheih di SV ban ine dalam bruk bac da song pasram megru. Bruk ngak ni brei mboh bruk sangka di ban ine ka bruk pato pakai, paglong ilamu ka rai rah dam dara.

   # Ông Lê Quang Hùng, Giám đốc sở Y tế tỉnh Bình Định brei thau, anak bruk jit ruak pandiak tabiak darah rah tabiak khang, Uỷ ban bhapbini tỉnh hu tacei dom pakat, dom gah saong karja puk palei patagok bruk pacang caga jit ruak pandiak tabiak darah. Tui nan, gah y te daok peih bruk pru jru pametai jamaok; Sở pato megru jhul khang pahau khan pacang caga  jit dalam dom sang bac meng akaok thun bac barau 2016-2017; jak ba anek saih pasang eik pandap padang ia dalam sang, di sang bac saong peih bruk pametai bọ gậy di sang, bhapbini tui tacei pato di gah y tế tỉnh. 

#/ Harei 11/8 di rayo papar binguk Đồng nai hu rah tabiak mbang pakacah dak dalikan ngak tui jalan hadah krah siam mekre di HCM kayua  Đảng ủy Khối dom jabat tỉnh peih ngak. Hu mbaok di nyaom pakacah, hu 50 thí sinh mai meng 36 chi , đảng bộ di Đảng bộ khối cơ quan tỉnh, tame dak dalikan khan tal dom kreik camin naih ghieh ngak tui jalan hadah krah siam mekre di Wa hu mboh di jabat labik drei ngak bruk dalam rai duik yaok harei .

# Peih ngak bruk halan hatian “Hành quân xanh”, kapul dam dara Khối quân sự tỉnh Tây Ninh saong Đoàn khối doanh nghiệp gam saong Thành đoàn ban raya barau alin 20 radaih juak ka anek saih sang kan akndah, yam tagok bac joi dalam ban sit Tây Ninh. Yaom jien abih tih lac 24 triệu đồng. Ini lac paok pandap biak siam ka dom dom adei anek saih kathaot, daong ka dom adei nao bac takik glaih glar jang, tapa nan pachreih dom adei kham merat bac da a naih joi.

# Dalam quy hoạch pataogk jalan krong ribong  tuk vak 2016-2020, pamong tal thun 2030, tỉnh Cà Mau hu buh jien ngak  patagok 7 pambah  lamnge, dalam nan hu 3 pambah lamnge pandap panda, 3 pambah lamnge tuai damuai song 1 pambah lamnge chuyên dùng. Piah quy hoạch nan hu peih ngak njauk  jalan patabiak, tỉnh Cà Mau kham merat ieu pataom phun jien meng kadung jien sarak karja, pachreih ba dom nhà đầu tư hu mbaok tame. Patui di nan lac phun jien dong meng TƯ gam song kadung jien di tỉnh

Patui di ni dom Khaw tin dunya

#  6 bilan akaok thun ini, brah pablei tabiak taneh ia langiu di Campuchia gaok kan kandah hamiet. Dalam nan, tok hu bilan sa saong bilan dua  Campuchia pablei brah tabiak taneh ia langiu glaong, daok veik meng bilan 3 tal bilan 7 meng bloh jeng trun takik duk saong dom bilan ini thun dahlau. Meng akaok thun tal ini, Campuchia tok pablei hu labaih 292 rabau tấn brah, trun jaik 7% duk saong dom bilan ini thun dahlau. Bruk nan mai meng yaom brah Campuchia glaong rilo duk saong dom taneh ia dalam bhum. Taphia nan, lingik oh siam dom thun jaik ini jeng ngak khat lihik rilo tal gah ngak nong di Campuchia.

#/ Urang dang akoak gah y tế Ôn-đu-rát brei tha, anek kama njauk di 5 tật akaok sit kayua vi rút Zika di negar ni tagok tal 21 mbang meng di bilan 12 thun dahlau. Ong Mi-gu-en Ô-xô-ri-ô (Miguel Osorio), urang brei panuac di sang iek ruak Đại học di ban ine Tê-gu-xi-gan-pa (Tegucigalpa) brei thau, dalam 3 harei tapa hu 3 anek kama menek tabiak hu dị tật akaok sit. Takik di abih 439 urang kamei metain njauk njom Zika dalam thun ni

 # Sa mbang khuah praong di pulao du lịch Ma-đê-i-r a(Madeira) di Bồ Đào Nha ngak ka 3 urang metai saong labaih 1 rabau urang njauk nao plaih di labik karei. Mintri Nội vụ Bồ Đào Nha brei thau, hu pok panuac ieu Liên minh châu Âu daong. Taneh ia jaik taphia nan, lac Tây Ban Nha jeng hu brei dua sruh kapal ahaok, Italia sa sruh  trực thăng mai piah daong padam khuah. Cảnh sát jeng hu mek kareik dom urang cố tình ngak tabiak khuah karei di  pulao .