# Ủy ban bhap bani tỉnh Đắc Lắc peih bruk taom gaok lambaok dom jabat  báo chí Trung ương saong puk palei daok ngak bruk pak Đắc Lắc tukvak pahadar 91 thun Harei Báo chí cách mạng Việt Nam (21/6/1925 – 21/6/2016). Pak Đắc Lắc urak ini hu 19 jabat báo chí Trung ương saong puk palei. Ong Nguyễn Tuấn Hà, Phaok akaok Ủy ban bhap bani tỉnh Đắc Lắc lac:

Dalam tukvak anak tal, biak caong khin dom jabat báo chí trung ương saong puk palei patui veik patagok dom baoh jeng siam mekre mek hu, patui veik pathau dom kadha siam gheih, dom kareih camin điển hình taong abih gah, bak abih dom bruk cakrok patagok kinh tế - xã hội di puk palei.

#/ Hội Nhà báo Việt Nam tỉnh Tây Ninh peih bruk taom mbaok dom jabat báo chí dok dalam tỉnh song peih bruk jao giải báo chí tỉnh Tây Ninh mbang 15 ka dom urang hu kadha payua mai pakacah, pahadar 91 thun harei báo chí CMVN 21/6. Hội nhà báo tỉnh Tây Ninh hu Hội Nhà báo VN brei quyền jao 8 kỷ niệm chương ka dom urang vak, BTV hu rilo rik dong ka bruk ngak mbao dalam tuk vak tapa, jao 7 harak meyaom di UB bhap bini tỉnh ka dom kadha mek hu giải Nhất, Nhì song Ba.

# Tui Sở Pajeng ba tỉnh Đồng Nai, dalam mbang pakach tốt nghiệp Trung học phổ thông thun 2016, taong abih anek saih, urang ba thí sinh nao pakacah dalam tỉnh Đồng Nai meda hu brei saoh vé radaih buýt. Tui nan, meng harei 29/6 tal harei 5/7, taong abih thí sinh saong urang thí sinh nao dự thi pak cụm puk palei saong cụm Đại học Công nghiệp Bal raya  Hồ Chí Minh meda brei saoh taong abih vé radaih buýt; taong abih 24 tuyến radaih buýt (hu daong yaom saong oh hu daong yaom) di tỉnh Đồng Nai hu peih bruk brei saoh jien vé taong abih tuyến.

# Kapul ngak bruk kayua ong Võ Thành Thống, Akaok  Ủy ban bhap bini ban  Cần Thơ hu nao rivang song tui iek bruk pasiam veik mbang hangin khang ngak jaleih song par tabung 39 boh sang di huyện Vĩnh Thạnh song  Cờ Đỏ ban Cần Thơ ngak khat lahik yaok rituh triệu đồng. Ub bhap bini ban Cần Thơ hu buh tabiak kadung jien dong chip ka 2 huyện CD saong  VT yaok huyện 100 triệu đồng piah dong ka urang samar tani tanat rai duik

# Pambuak pagam bruk pasiam veik hậu quả mbang hajan prong ribuk khang rah tabiak meng harei 18/6, pak om puk palei di tỉnh An Giang, Ủy ban Bhap bani bal Long Xuyên (tỉnh An Giang) hu njuak hatai meda padang ngak sng Gul pataom ngan haong yaom jien 30 triệu đồng sa baoh ka 40 baoh sang hu sang njauk jaleih glut abih; daong brei 3 triệu đồng ka yaok baoh sang njauk jaleih sa binah saong njauk tapeih tabung abih mbong; daong brei yaok baoh sang hu sang khut khat njuan tanut 1 triệu đồng sa baoh. 

#/ Meng 15 tuk, harei 20/6, dua mintri Công Thương - Tài chính brei ramik veik yaom xăng menyek. Tui nan , yaom xăng RON 92 trun 314 đồng sa lít, xăng E 5 trun  336 đồng sa lít. Dalam tuk nan, yaom menyek diesel 0,05S tagok 390 đồng/lít; yaom menyek khe  tagok 370 đồng sa lít. Ni lac mbang trun yaom xăng menyek camereip hadei di 5 mbang tagok yaom xăng jiak di abih, song jeng lac mbang trun yaom xăng ka 5 dalam thun ni. Ngan song dom janih menyek, ni lac mbang tagok yaom ka 6 gam gam.

# Pak bal raya Hồ Chí Minh, Mentri Công thương, Mentri Ngak nong saong patagok palei pala peih Nyaom biai Xúc tiến tiêu thụ vải thiều pak dom tỉnh, bal gah meraong. Mùa vải thun ini, dom jabat parabha pak bal raya Hồ Chí Minh tui kuhria meda tiêu thụ ka urang nong 70 ribau tấn vải, tagok 10% dut haong thun dahlau. Sản lượng vải thun ini di dua tỉnh Bắc Giang, Hải Dương nan lac labaih 136 ribau tấn. Ong Nguyễn Ngọc Hòa, Phaok akaok Sở Công thương Bal raya Hồ Chí Minh lac:

Thun ini, ngak iek piah tapa thun hadei tiêu thụ vải brei oh njauk pablei tuh pablei thac bo njauk hu palih ruah, tame gói. Drei padang ngak angan je pagam tame nan piah meyaih khan baoh vải thiều saong pambuak pagam trách nhiệm di urang pala baoh vải ngan haong hu pablei salih saong blei pandar baoh vải”.

Nhạc cắt

Patui di ni dom khau tin dunya

#/  Di tỉnh Ka-na-ga-oa ( Kanagawa), Nhật Bản urang pan akaok tỉnh song Đại sứ quán VN di NB hu mbang họp báo pathau khan lễ hội VN di  Ka-na-ga-oa mbang ka 2 hu peih ngak meng harei 28 tal 30 bilan 10 anak tal di ban Y-ô-cô-ha-ma (Yokohama), pasak di tỉnh Ka-na-ga-oa. Bruk peih ngak lễ hội VN di tỉnh Ka-na-ga-oa brei mboh jalan patagok bahrau ka bruk Klah rabha ilamu di 2 negar .

# Liên hợp quốc bahrau ba tabiak panuac brei thau dahlau ka tình trạng diuk rai biak tồi tệ di jaik 1 triệu urang tị nạn Xy-ri tại Li-băng. Tui lambaok di Cao ủy Liên hợp quốc ka urang tỵ nạn pak Li-băng, amuk Gi-rát (Mireille Girard)  dom khu trại tị nạn pak ini tok lac dom baoh sang lều hu padang ngak tạm bợ angaok dom hoang mạc. Điều kiện diuk rai biak thô sơ, oh hu sang iek ruak atau sang bac. Hu ralo urang tị nạn hu diuk rai dalam tình trạng ini luac 6 thun tapa meng phun jien patak pataom hu bo dom urang nan hu ba meng palei negar drei tapa.

#/ Akaok mintri Nội vụ Pháp Béc-na Ca-dơ-nơ-vơ  hu panuac lac, njauk caga rah tabiak dom mbang tấn công khủng bố dalam tuk rah tabiak Vòng chung kết giải Vô địch chaoh blong Châu Âu 2016 (EURO 2016), yaom lac bruk ni hu patagok bruk khik caga dalam negar. Tui ong Ca-dơ-nơ-vơ, meng di tuk rah tabiak Vòng chung kết giải Vô địch chaoh blong Châu Âu 2016 mbiah tal ni, Prang hu chap kreik 557 urang kayua hu dom hành vi bạo lực atau oh ngak tui hukum. An ninh di Prang hu tui iek biak glong meng di tuk rah tabiak mbang tấn công khủng bố harei 13/11 meng bloh./.