# Thủ tướng Nguyễn Xuân Phúc pan akaok nyaom biai ka jalan pasiam veik khang kajap bhum taneh Tây Nguyên piah pacang biến đổi khí hậu tukvak 2016-2020 pak bal Buôn Ma Thuột, Đắk Lắk. Thủ tướng pandar kareik pabah mbang dom labik ngak kayau, glai tamo, rami ramik veik dom nông, lâm trường piah ngak ka glai hu po, Thủ tướng khan lac Raja-ei meda ieu pataom pren khang di taong abih hệ thống chính trị, dom doanh nghiệp saong bhap bani, khang hatai pasiam veik saong patagok glai khang kajap, kham merat tal thun 2020 paglaong bruk halui glai pacang labik Tây Nguyên tagok 59% .

#/ Tui mban khik ramik glai pacang caga Dầu Tiếng, huyện Tân Châu, tỉnh Tây Ninh, tuk vak jiak di ni, di tiểu khu 59 dalam glai pacang caga tapen krong Sài Gòn di palei Suối Bà Chiêm, xã Tân Hòa, huyện Tân Châu rah tabiak bruk urang loa tame glai co klaik kayau pablei ka urang ba tapa tỉnh Bình Phước ngak got pala amriak kalu, ngak khat lihik biak prong tal taneh glai di labik ni. Meng bilan 4/2016 mbiah tal harei ni gah kiểm lâm hu pasang iek, langyah labaih 10 bruk, phạt jien labaih 24 triệu đồng, ngak biên bản cảnh cáo 3 urang blei salih kayau di Bình Phước, Bình Dương tapa blei kayau lậu song 2 urang co klaik kayau glai piah răn đe, pato pakai

# Panuac khan meng Cục Thú y (Mentri Ngak nong saong patgaok palei pala) brei thau, jit ruak di tapul  athur, menuk ada daok pacang cakak hu, urak ini dalam negar oh hu sruh jit bahrau halei tamuh tabiak. Yau nan min, Cục Thú y jeng hu kakei dom puk palei oh lac yau nan bo oh sangka pacang caga jit ruak; abih di nyu nan lac dom sruh jit ruak klak. Ngan haong jit laka cambuai tapok kakau, Cục Thú y hu kakei dom puk palei dalam labik mbuan tamuh jit, labik hu sruh jit klak, hu tapol athur raong oh ka kluak jru pacang caga, njauk patagok bruk pasang iek, duah mboh samar sruh jit, peih bruk kluak jru vắc xin pacang caga jit laka cambuai tapok kamau, pasang iek catang bruk pajeng ba athur raong, khik iek labik thik raih piah patrun bruk mbuan tamuh jit, njaom mbak jit.

#Cục khik caga phun pala, mintri ngak nong song patagok palei pala bahrau taduan hu panuac di mintri ngak nong song thủy lợi Ốt xtrây-li-a công nhận pasak chiếu xạ Hà Nội hu adat xử lý chiếu xạ boh vải that pablei tapa Australia. Pasak  chiếu xạ Hà Nội hu peih tabiak, meda dong ka dom DN pablei boh vải tapa Ốt xtrây-li-a  patrun chi phí. Lingiu di nan, boh vải pablei tapa Ốt xtrây-li-a  hu xử lý di HN, oh daok pajeng tame gah merong, bruk ni dong patrun yaom kaom, patakik tuk vak pajeng ba vải thiều tabiak negar langiu.

# Ong Trần Văn Vĩnh, Phaok Akaok Ủy ban bhap bani tỉnh Đồng Nai bahrau mboh tangin tame harak pandar dom jabatchức năng duha thau, langyah catang dom urang  prui paku (đinh), pandap haluak angaok jalan Roya 51, ngak nguy hiểm ka dom sruh radaih nao mai angaok jalan. Ủy ban Bhap bani tỉnh Đồng Nai pandar Công an tỉnh tacei pato Công an bal Biên Hòa saong huyện Long Thành labik hu jalan Roya 51 nao tapa, samar duah thau dom urang pruai paku, pandap haluk angaok jalan,langyah catang tui adat hukum; saong brei langyah catang jang ngan haong dom urang tái phạm. 

#/ Mesup harei 21/6 di angaok jalan roya 1A labik nao tapa huyện Hàm Thuận Nam, tỉnh Bình Thuận  rah tabiak bruk 2 radeih ginuh gauk, ngak ka 2 urang metai, 3 urang njauk rambuac. Bruk ni  rah tabiak di tukvak 12 tuk meteh melam  21/6 di angaok jalan roya 1A labik nao tapa palei  Phú Thọ, xã Hàm Cường, huyện Hàm Thuận Nam, atah di ban Phan Thiết 19 km. Tui panuac khan tuk camereip, radeih containner 51C 490.67 peih menggah ban raya HCM  nao gah Phan Thiết, tal labik jalan ni  paoh tame  radeih tải 51C – 64833 dok peih maai. Dua radaih paoh gauk khang ngak ka 2 tài xế di 2 radeih metai chip, 3 urang phụ xe njauk rambuac trak hu ba nao cấp cứu.

# Giải vô địch taong kiếm U23 pakat negar 2016 daok rah tabiak pak Sang pakacah thể dục, thể thao tỉnh Hải Dương pachreih labaih 100 Vận động viên di 6 tỉnh bal hu mbaok tame.  Giải kayua Tổng cục thể dục thể thao pambuak haong Sở Ilamo, padhih haong rivang ma-in Hải Dương peih tabiak, lac tuk piah pasang iek saong palih ruah dom urang naih gheih di abih piah caga ka dom giải pakacah dunya, saong lac labik piah pasram paglaong ilamu ka dom vận động viên ranaih. Giải pakacah tamat di harei 23/6.

Patui di ni dom khau tin dunya:

#/ Di Thái Lan, mesup 20/6 dom urang pan akaok di Mặt trận yasa kayua dân chủ mesruh pacang độc tài – dok ieu lac gah aow meriak, hu taom gaok lambaok di Văn phòng Cao ủy Liên hiệp quốc ka nhân quyền di  Bangkok  piah brei thau ka dom bruk vi phạm nhân quyền di negar ni anak bruk  trưng cầu dân ý ka dự thảo hukum bahrau. Tui urang pan akaok gah aow meriak Prom-pan, rilo urang di gah ni njauk chap kreik song ba tabiak xét xử di tòa án quân sự hadei di tuk cagar veik karja di dom pasak trưng cầu dân ý. 

# Hãng thông tấn Yonhap ba panuac Thủ tướng Hàn Quốc Hoang Ky-ô An harei 20/6 brei thau Raja-ei negar ini meda patagok bruk an ninh piah pacang caga kol khủng bố, abih di nyu lac dalam tukvak hu mboh ralo kadha brei thau lac kol IS daok pamong tal dom labik nan lac bhap bani Hàn Quốc saong căn cứ quân sự di Mỹ pak Hàn Quốc. Pasak pacang cakak khủng bố di Hàn Quốc meda patagok bruk pasang iek, duah thau saong brei ngak taong abih jalan piah pacang khik bhap bani. 

#/ Indonesia brei thau, urang metai kayua ia ndik ia sua song glut jaleih taneh di negar ni tagok tal 43 urang. Quận Pu-ô-rê-giô lac labik khat lihik trak di abih ngan song 27 urang. Ia ndik ia sua song glut jaleih taneh bhian rah tabiak di Indonesia kayua taneh riya labik ini mbuan gaok bala meng lingik tasik song hu hajan khang./.