#/ Di ban roya HCM, labaih 100 adei sit lac urang njauk jru mek klik kruac /dioxin hu mong iek văn nghệ song taduan pandap meng dom urang ngak pahla dalam danak dak taom gaok urang njauk jru mek klik kruac, kayua Miuyim Chứng tích chiến tranh, Sang doh Nghệ thuật Phương Nam pambuak bruk peih ngak. Danak dak taduan hu bruk rik daong di rilo urang, kapul nyaom ngak pahla XH. Rilo tuai damuai dok dalam song langiu negar  hu mbaok di Bảo tàng Chứng tích chiến tranh ban raya Hồ Chí Minh oh klah hu drut droi saong mboh anit anak bruk pandik harao di dom urang njauk jru mek klik kruac.

# Barau ini, Phó Thủ tướng Vũ Đức Đam hu mboah tangin tame  Quyết định 1562/QĐ-TTg ka bruk ka bruk pei veik Viện bangsa saong sang bac urang jakar bangsa jeng Học viện bangsa. Quyết định brei thau cambaih : Học viện bangsa hu jabat di ban ine Hà Nội. Học viên bangsa lac labik roh duah alamu, pato pakai công lập di Ủy ban bangsa, pato trình độ đại học, hadei đại học, rik daong dak apdang urang jakar lac urang bangsa takik; pabak ilamu ngak bruk bangsa ka dom urang jakar, công chức, viên chức dalam hệ thống chính trị. Học viện bangsa ngak bruk tui quy định di Điều lệ sang bac đại học.

#/ Tỉnh Sơn La urak ni hu jiak 3000 urang hu angan je dalam bhum urang bangsa takik. Patagok bruk ngak di kapul ni, yaok thun tỉnh hu peih  nyaom biai brei thau dom sarak hukun di đảng song karja, ka bruk bangsa, bruk patagok KTXH song bruk khik caga an ninh quốc phòng. Tỉnh bhian peih bruk ka urang hu angan je nao rivang bac megru ilamu dom bruk ngak mbang pala drak naih joi dok dalam song langiu tỉnh, brei dom harak báo piah ka urang samar thau bruk daok rah tabiak.

# Tỉnh Thừa Thiên-Huế pambuak bruk saong gilang pariak Thương mại Cổ phần  Đầu tư saong Patagok Việt Nam peih nyaom biai xúc tiến đầu tư saong patagok du lịch Thừa Thiên-Huế thun 2016, hu mbaok jaik 500 urang jakar lambaok ka dom mintri , ngành Trung ương, dom Hiệp hội doanh nghiệp saong dom urang đầu tư dalam taneh ia saong taneh ia langiu. Uy vien mintri chinh tri, Phó Thủ tương Vương Đình Huệ mai pataom mbaok saong brei panuac. Brei panuac di nyaom biai, Phó Thủ tướng Vương Đình Huệ ndom lac; tỉnh Thừa Thiên-Huế njauk pataom tame patagok y tế, pato megru saong patagok pren khang, mek patagaok du lich ngak bruk praong di tỉnh, khik caga siam mekre meng khik ramik saong patagok ilimo .

# Pahadar 25 thun harei padang veik tỉnh Kon Tum (12/8/1991- 12/8/2016), pamong tal harei salam uan CM bilan 8 song quốc khánh 2/9,  di huyện huyện Đắc Hà, Sở Văn hóa, Thể thao song Du lịch tỉnh Kon Tum peih harei patom kadha doh CM tỉnh Kon Tum thun 2016. Harei patom kadha doh CM tỉnh Kon Tum thun ni hu labaih 200 diễn viên mai meng 11 kapul nghệ thuật quần chúng dalam tỉnh mai hu mbaok. Di harei patom, yaok kapul parang me-in meng 4 tal 6 kadha doh, tamia pok meyaom Đảng, Wa Hồ song hatai anit ranam taneh ia palei negar.

# Kuhria caga ka thun bac 2016-2017, tỉnh Bình Dương daok kham merat ngak ka pahu labik bac ka jaik 30.000 anek saih patagok dalam thun bac barau, rilo meng lac anek saih pakat sa saong mầm non. Phó Giám đốc Sở pato megru tỉnh Bình Dương Lê Nhật Nam brei thau : dom anek saih nan meng dom puk palei karei mai, kuhria tal harei 8/8 dalam tỉnh hu rilo jang 29.500 anek saih, dalam nan tagok rilo di abih lac ban sit Thuận An 8.000 anek saih,ban sit Dĩ An tagok 5.400 anek saih. Njauk caik hatai, di pakat sa tame tal bac camereip  tagok labaih 10.000 anek saih saong di pakat mầm non tagok labaih 10.000 adei. 

#/ Ban Hội An, tỉnh Quảng Nam bahrau peih bruk “ Harei oh mbang rilaow athur kayua môi trường song pren yava” njauk di tuk “ Taom gaok ilamu Hội an Nhật Bản mbang ka 14” song “ Hội hoa đăng báo hiếu, Hội An thun 2016” Jeng tapa nan, Ban Hội AN peih dom gian hàng pandap mbang chay song dom janih pandap mbang biak gheih meta duh ka bhap bini song tuai damuai.

Patui di ni dom khaw tin dunya

# Harei kabroi di pasak báo chí negar di ban ine Viêng Chăn (Vientiane)- Lào, mintri ngoai giao Lào hu peih mbang họp báo brei thau ka bruk kuhria caga di taneh ia po sang Lào ka nyaom biai pakat glaong ASEAN mbang yaka 28 - 29 saong dom nyaom biai pambuak tal meda rah tabiak meng harei 6-8/9 tal. Ông Phông xa vắt Xỉ xụ lạt (Phonexavath Xixulath), akaok Vụ ASEAN-mintri ngoại giao Lào dang akaok mbang nyaom gam saong bruk hu mbaok di labaih 100 urang jakar lambaok ka dom labik pambuak tal, dom jabat lambaok ngoại giao saong dom kapul nyaom dunya di Lào.

#/ Harei 8/8 rah tabiak sa mbang chuh phao di sa kalup kapul melam di ban Dăm-pan-gô đen Ri-ô (Zumpango del Rio),  di bang Gu-ê-rê-rô (Guerrero), Mê-hi-cô, ngak takik abik 5 urang metai song 2 urang karei njauk rambuac. Gu-ê-rê-rô lac sa dalam dom bang hu rilo tội phạm  di Mi Hi cô. Dahlau nan di bilan 9//2014, hu 43 anek saih njauk bắt cóc song pametai hadei di tuk hu mbaok di sa mbang trun jalan di ban Iguala di bang ni.

# Urang jakar y tế bang Phlo-ri-đa, Mỹ daok duah thau bruk sa urang njaom barau Zika di hạt Pam Bít (Palm Beach) di bang ini. Thống đốc bang Phlori-đa, ông Rích Xcốt (Rick Scott) brei thau, urang njaom mbak jaik di ini hu nao mai di hạt Mi-a-mi Đết (Miami-Dade) (jeng daok di Phlo-ri-đa) –labik daok patuh jit  Zika. Jeng oh ka thau cambaih  urang ini njaom mbakZika hadei di tuk nao tal Mi-a-mi Đết atau njaom mbak kayua jamaok kaik di hạt Pam Bít. Urang njaom mbak barau ini patagok abih tih urang njaom mbak Zika di Phlo-ri-đa lac  17 urang./.