# Ban raya HCM  meda ngak iek bruk pandar gom led piah salih gom jalan, gom hadah công cộng song dalam sang bac piah pacang cận thị ka anek saih  dalam tuk vak anak tal. Tui ong Trần Vĩnh Tuyến, Phó Chủ tịch Ủy ban bhap bini ban raya Hồ Chí Minh, urak ni hu 7 DN tut angan tame danak dak ngak iek pandar gom led piah salih gom jalan, gom hadah công cộng. Tui kuhria, meyah salih 2000 bộ gom jalan abih labaih 4 tỷ 100 triệu đồng, min pok jien patak patom yaok thun meda tagok tal 2 tỷ 100 triệu đồng.

# Anak bruk Ủy ban bhapbini ban sit Vũng Tàu brei padheih dom nhà hàng bè nổi di ban sit kayua oh khik hu siam mekre salamat, harei 9/8, lambaok Công ty Trách nhiệm hữu hạn đầu tư Phong Lan brei thau, Công ty ini daok ngak mô hình nhà hàng nổi meng Composite piah ba tagok Cục Đăng kiểm phê duyệt. Hu thau, tukvak ngak salah saong ba tame pandar gam saong dom thủ tục tui quy định abaih jaik 120 harei. Amuk Lan, Giám đốc  Công ty Phong Lan lac :

    “Bhapbini jeng caong ngak njauk tui adat hukum min meng dahlau mai oh ka hu quy định halei pandar ngak. Yau nan ye kol dahlak daok ngak thiết kế, bloh ba tagok Cục Đăng kiểm, gam saong nan jeng brei ka bhapbini iek dom thiết kế nan nyu lagaih saong puk palei, laneng lahei, yaom jeng gap piah meda pablei salih hu samal abih, tui njauk đăng kiểm phương tiện nổi piah pablei salih di angaok kraong, angaok tasik. Meyah urang njauk hatai ye dahlak ngak.

#/ Tập đoàn cao su Việt Nam bahrau tabiak jalan ngak lac, meng ni tal thun 2020 meda jao 1800 ha taneh pala phun cao su ka tỉnh BD patagok KTXH. Akaok  UB bhap bini tỉnh Bình Dương Trần Thanh Liêm brei thau, kayua bruk patagok KT, 5 thun tal tỉnh brei hu taneh piah quy hoạch patagok hạ tầng, yau nan ye dom puk palei brei peih bruk mek taneh tui jalan ba tabiak piah padang quy hoạch pandar taneh piah peih ngak dom bruk patagok KTXH.

# Di tỉnh Tiền Giang- lac tỉnh hu jaik 1.000 ha phun amraik urak ini daok paik baok saong yaom pablei di hamu meng 30-40 rabau đồng/sa kg. Ini lac yaom glaong di abih dalam 3 thun tapa. Oh lac hu yaom bo dom janih amraik ini jeng njauk bilan, nang suất jaik 10 tấn/sa ha. Tui yaom yau ini, hadei di sa vụ pala ( jaik 3 bilan) urang nong hu laba labaih 250 triệu đồng/sa ha. Jaik di ini, phun amraik cakrok khang di dom tỉnh: An Giang, Đồng Tháp, Trà Vinh, Tiền Giang, Bến Tre ... Baok amraik hu dom doanh nghiệp blei,  sơ chế piah pablei tabiak darah pasal rilo taneh ia ye : Trung Quốc, Ấn Độ, Hàn Quốc, MaLaisia,  Campuchia.

#/ Viện roh duah song patagok bhum taneran krong CL, Đại học Cần Thơ, lambaok dom đơn vị dalam gah ngak nong di tỉnh Đồng Tháp, dom đơn vị sản xuất roh duah padai pajaih dalam bhum taneran krong CL bahrua palih ruah 5 pajaih padai chất lượng yau Ngọc đỏ Hương dứa, LD2012, IR50404 song 02 pajaih padai bahrau lac  ĐTS 9 song ĐTS 23 …di pasak ứng dụng ngak nong công nghệ glong Đồng Tháp lai tạo ba tame pala. Tui tong yaom, 5 janih padai takik hu halak, lagaih saong langik tasik taneh riya di puk palei. Tuk vak tamuh takik harei meng 88-95 harei, năng suất meng 7-9 tấn  sa ha

# Anak dom khat lihik trak kayua hajan ribuk di tỉnh Lào Cai, Trung ương kapul Chữ thập đỏ Việt Nam tabiak bruk daong mbang dua hu 400 thùng pandap, daong 400 sang  lihik drap ar, daong 35 sang hu sang jaleih, ia theik saong haluk lam abih, yaok sang 3 triệu đồng ka sang hu menuac metai . Kapul Chữ thập đỏ tỉnh Lào Cai hu ieu pataom urang halan hatian di libik tame daong bhapbini nao paplaih labik karei, ngak lều lán tạm ka dom sang gaok ia theik saong jaleih sang daok

#/ Di huyện Văn Yên, tỉnh Yên Bái bahrau rah tabiak sa mbang njauk jru mek ngak ka sa urang metai, 2 urang tame sang iek ruak. Tui gauk gar di urang njauk bala brei thau, melam 8/8 saai  Phạm Văn Tuân (umo 42 thun) song ANEK likei Phạm Anh Tú ( umo 9 thun)  daok di palei Phát, xã Châu Quế Hạ, huyện Văn Yên nao soi cóc mai mbang. Gam mbang hu amuk Lò Thị Xinh (umo 52 thun). Tal 22 tuk melam ye 3 urang nan mboh yau njauk jru mek, nan ye urang dalam sang ba nao Bilai y tế xã cấp cứu. Yaom lac hu dom y, bác sỹ di labik ni samar  sơ, cấp cứu, min tal  12tuk 5 minit kreh melam 9/8 saai Phạm Văn Tuân metai. 2 urang dok veik hu ba tapa sang iek ruak đa khoa huyện Văn Yên. Tal tuk vak ni, pren yava hu tani tanat. Makna di mbang njauk jru mek urak ni dok hu dom gah chức năng tỉnh pasang iek, duah thau.

Nhạc cắt

Patui di ni dom Khaw tin dunya

# Mintri Lao động Thái Lan barau brei thau, meda padang dom pasak daong urang ngak nhập cư di 10 tỉnh, hu rilo urang ngak lac taneh ia langiu, abih di nyu nan lac urang ngak mai meng Mi-an-ma (Myanmar), Campuchia saong Lào. Bruk padang dom pasak ini piah langyah dom bruk pambuak tal urang ngak taneh ia langiu, dalam nan hu bruk pablei menuac saong ngak bruk suan hukum.

#/ Harei 8/8 labaih 110 ribau urang nong  ba gauk mai Mexico City piah mít tinh, trun jalan, yaom lac dok hu hajan praong song ribuk khang. Dom urang nong dalam khan aow ngui cuh  tui yaok bhum palei, ba gauk nao takai hành meng rilo labik bloh pataom gauk di mblang bein Zocalo (Dô-ca-lô) ieu Rajaei liên bang tagok kadung jien karja song dong ka gah ngak nong song palei pala.

# Harei 9/8, di mblang beir Hòa bình Na-ga-sa-ki (Nagasaki), Nhật Bản hu peih bruk pahadar 71 thun harei Mỹ plaik bom nguyên tử  trun ban sit. Mai pataom mbaok, hu lambaok di labaih 50 taneh ia saong yaok rabau urang bhapbini Nhật Bản mai piah pahadar dom urang njauk bala jeng ye caong khin ka hòa bình. Harei 6/8/1945, Mỹ plaik baok bom nguyên tử akaok meti trun  Hiroshima saong klau harei hadei plaik baok ka dua trun  Nagasaki. Harei 15/8 thun nan, Nhật Bản đầu hàng gah đồng minh, tamat bruk mesruh metak dunya mbang ka II. Kuhria tal bilan 3/2016, dom urang njaom phóng xạ dalam saong langiu taneh ia Nhật Bản lac labaih 174 rabau urang./.