# Patui adit ngak bruk ka 2, mbang nyom ka sa, Qh mbang 14, harei ni 25/7, QH pang Ủy ban thường vụ Quốc hội pathau khan bruk ginum biai di kapul song langyah, taduan mek panuac di urang QH ka dự kiến nhân sự palih ruah pok ngak akaok negar. Patui di nan, QH ginum biai, brei tapa sarak palih ruah akaok negar, pang thủ tướng Nguyễn Xuân Phúc lambaok rajaei tuk vak  2011-2016 puac harak pathau khan QH ka cơ cấu tổ chưc di rajaei.

# Pahadar 69 thun harei thương binh liệt sĩ (27/07/1947 - 27/07/2016), melam  24/7, di pasak nghệ thuật Âu Cơ – HN, báo quân đội bhap bini hu pambuak bruk saong pasak papar sap – papar binguk quân đội peih danak dak nghệ thuật ngan saong kadha “taneh ia bak hatai anit ranam” Danak dak nan lac piah patagok bruk “menyum ia hadar tal halau ia”, brei thau hatai dhar phon ngan saong dom urang hu buh pren yava ka taneh ia; hadar saong thau dhar phor dom liệt sĩ anh dũng chiến đấu, hi sinh kayua nền độc lập di taneh ia.

# Jeng tapa nan, Di Inem Krung Sajarah Labik Glaong 995- Chư Tan Kra di palei  2 xã Ya Xiêr, Ủy ban bhap bini huyện Sa Thầy pambuak bruk song Giáo Hội phật giáo tỉnh Kon Tum, Ban liên lạc Trung đoàn 209 song gauk gar dom boh sang liệt sỹ peih bruk pahadar song cầu siêu dom anh hùng liệt sĩ. mai pataom mbaok, hu ong Hà Ban, Ủy viên Trung ương Đảng, Phó Trưởng Ban tổ chức Trung ương; kapul urang lambaok Trung ương Giáo hội phật giáo Việt Nam song yaok ribau tăng ni phật tử song bhap bini palei pala. Meng ban ine HN mai rivang dom ayut sahabat dok ndik veik di Chư Tan Kra, ong Nguyễn Văn Vĩnh, urang dahlau ngak bol lin Trung đoàn 209 drut droi brei thau:

Tame labik ni taom gaok adei saai mboh sre ia meta, mboh anit adei saai ndik veik di labik ni. Karja song Hội phật giáo ngak lễ cầu siêu ni, drei mboh  biak drut droi. Mboh đồng đội drei var klak rup drei hu karja sangka. Tong abih urang dahlau deih ngak bol lin di HN payua abih hatai anit ranam ka đồng đội.

# Di mblang ikan Phú Lạc, huyện Đông Hòa, Công ty Trách nhiệm Hữu hạn sa thành viên ngak kapal Cam Ranh, tỉnh Khánh Hòa peih bruk alin kapal ikan kanduh pasei  ka ong Nguyễn Văn Chúng, ban sit Hòa Hiệp Trung, huyện Đông Hòa. Kapal ikan ini ngak salah bloh hadei di jaik 3 bilan,  ngak abih labaih 19 tỉ đồng. Dalam nan gilang pariak pablei salih cổ phần đầu tư saong patagok dhar Phú Yên brei mesraiy 95% abih tih yaom jien, UB MT negar VN VN tỉnh Phú yên daong 300 triệu đồng ka urang taong cap ikan Nguyễn Văn Chúng meng kadung jien pachreih urang taong cap ikan ngak barau kapal ikan công suất praong taong cap ikan atah binek. Hu thau, ini lac kapal ikan kanduh pasei ka 3 dalam 7 kapal ikan di urang taong cap ikan tỉnh Phú Yên mesraiy phun jien ngak barau kapal tui nghị định 67 di rajaei. 

#/ Harei 24/7, Hội thao công nhân, viên chức, lao động tỉnh Vĩnh Long thun 2016 hu tamat bloh hadei di 3 harei rah tabiak chreih chrai. Hội thao kayua Liên đoàn lao động tỉnh Vĩnh Long pambuak bruk song Sở Văn hóa-Thể thao song Du lịch tỉnh peih tabiak tuk pahadar 87 thun harei padang Công đoàn Việt Nam (28/7/1929 - 28/7/2016). Hội thao hu 29 đơn vị lac Liên đoàn lao động dom  huyện, thị xã, ban sit, công đoànngành song công đoàn cơ sở di Liên đoàn lao động tỉnh,  song 1.118 vận động viên mai pataom mbaok. Liên đoàn lao động ban sit Vĩnh Long mek hu giải nhất, Công đoàn viên chức tỉnh mek hu giải nhì song Công đoàn gah y tế tỉnh mek hu giải ba. 

#  Bilan padai Đông Xuân saong Hè Thu 2016, tỉnh Đồng Tháp hu jaik 60.000 ha padai ngak tui mô hình mblang hamu pambuak bruk ngan saong bruk hu mbaok di 35 công ty, doanh nghiệp dalam tỉnh. Dom doanh nghiệp ini hu blei taong abih 82.000 tấn padai; dom baoh sang ngak yui mô hình mblang hamu pambuak  patagok kein laba meng 4 tal 5 triệu đồng sa ha. Ong Nguyễn Văn Công, Giám đốc Sở ngak nông saong patagok palei pala tỉnh Đồng Tháp brei thau, bruk daok padang ngak dom mblang hamu praong, mblang hamu pambuak bruk ngak jeng dom bhum pala drak chuyên canh, ginup pabak hatai di tuai damuai saong darak dunya.  

#/ Harei pataom tacei jalan palih ruah đại học, cao đẳng thun 2016 praong di abih di gah merong  hu rah tabiak di sang bac Đại học Bách khoa ban roya Hồ Chí Minh. Bruk ini  (Sự kiện) kayua báo Tuổi trẻ pambuak song mintri pato megru peih tabiak. Hu 79 sang bac đại học, cao đẳng, trung cấp di gah merong hu mbaok. Langiu di 150 gian langyah di dom sang bac ye mban peih bruk hu peih 2 labik langyah tui nyaom, tui gah song hu mbaok di dom chuyên gia di mintri pato megru, Đại học Quốc gia ban raya Hồ Chí Minh song lambaok dom sang bac đại học, cao đẳng hu angan je piah langyah dom tangi sua di amaik ame song thí sinh ka dom quy định, harak gar, bruk ngak hồ sơ palih ruah.

Patui di ini dom khau tin dunya:

# Akaok mintri Nội vụ Ấn Độ hu pandar  gah an ninh taneh ia ini kiềm chế dalam bruk trấn áp dom mbang trun jalan di bhum merak gauk Cát-xơ-mia di taneh ia ini kiểm soát. Ong Xinh jeng pandar cảnh sát Ấn Độ kiềm chế saong abih di nyu nan lac oh pandar phao cuh hơi tame urang trun jalan. Jabat y tế phu palei brei thau, hu jaik 300 urang trun jalan njauk rambuah labik meta kayua cuh hơi.

#/ Sa mbang pandiak trak dok rah tabiak di ban ine Bátđa di I-rắc ngak kan kandah tal rai duik di bhap bini. Pandiak bhang dak harei dak trak ba tal bruk kurang điện di negar  Tây Á ni.Di ban ine Bát-đa, nhiệt độ di gah langiu urak ni di tanut labaih 53 độ C. Ni lac tanut glaong di abih (kỷ lục) dalam sajarah dak rai di negar ni song glong abih di dunya. Gam song pandiak bhang, bhap bini Bát-đa dok glaih glar jang kayua kurang điện song ia biak trak.

# Takik di abih sa urang metai saong 2 urang karei njauk rambuah dalam sa mbang tấn công meng to dhung cagac di ban Rơ-tlin-gen, gah Tây Nam taneh ia Đức. Urang pametai menuac hu thau lac sa urang nhập cư quốc tịch Xyry, umo 21 thun. Bruk barau rah tabiak daok ngak brei duh hatai  ka bruk srau kadau gah an ninh di Đức. Kayua dom harei tapa, taneh ia ini gam gam hu dom bruk tấn công metai menuac pambuak tal urang nhập cư./.