# Pahadar 69 thun harei hương binh-Liệt sĩ (27/7),  harei  24/7, Thủ tướng Nguyễn Xuân Phúc hu nao rivang Đại tá Lê Công Thạnh, dok di jalan Phan Bội Châu, ban Đà Nẵng. Di var tom gaok, Thủ tướng Nguyễn Xuân Phúc sangka tangi sua pren yava song rai duik yaok harei di ong Lê Công Thạnh song boh sang. Thủ tướng cong khin dom urang jakar umo prong daok lac kreih camin hadah piah rai rah ranaih umo dalam sang ngak tui, tapa nan rik dong rilo jang tame bruk dak padang song patagok taneh ia palei negar.

# Di ban Đồng Hới, tỉnh Quảng Bình, Tổng Liên đoàn lao động VN, báo lao động hu pambuak bruk saong UB bhap bini tỉnh Quảng Bình peih danak dak nghệ thuật “hadiuk miat sa huyền thoại”, pamaong tal pahadar 69 thun harei thương binh liệt sĩ, pahadar 105 harei menek Đại tướng Võ Nguyên Giáp (25/8/1911 – 25/8/2016). Ong Trần Tiến Dũng, Phaok akaok UB bhap bini tỉnh Quảng Bình ndom lac, angan je di Đại tướng Võ Nguyên Giáp hu pambuak saong jayah praong di dua bruk mesuh metak suai livik pacang kol Prang saong Mỹ di bangsa drei.

#/ Piah dong palagaih ka bruk patagok ngak mbang pablei salih pandap panda, tỉnh Tuyên Quang brei buh tabiak labaih 846 tỷ đồng piah ngak pakhang pasiam jalan krong ribong song tuh bê tông jalan dalam mblang hamu tuk vak 2016-2020, tui jalan “ bhap bini ngak, karja dong” dalam nan karja dong jaik 571 tỷ đồng dok veik kayua bhap bini rik tame labaih 275, 2 tỷ đồng.

# Piah ramik pasiam veik bruk ngak mbang gah du lịch, UB bhap bini tỉnh Phú Yên tacei pato dom sở, ngành, puk palei duah saong langyah dom urang negar langiu ngak bruk sung hukum jeng yau dom labik di lịch pablei pandap meng ngoại tệ, oh tiêm yết yaom, pablei pandap oh hu chất lượng, pachot tuai du lịch; oh brei nhập cảnh dom urang lợi dụng du lịch tame VN ngak bruk sung hukum atau ngak hướng dẫn sung hukum. 6 bilan akaok thun 2016, tỉnh Phú Yên hu taduan labaih 580.000 mbang tuai du lịch, ralo jang 18%; dalam nan hu 28.300 mbang tuai negar langiu, ralo jang 11% duk saong thun dahlau. Ini lac bruk bui sambai ngan saong DL Phú Yên. 

#/ Ngak tui sarak 15 di thủ tướng rajaei ka bruk tacei jalan pakacah Trung học phổ thông pakat negar  thun 2016 song công văn di mintri pato megru, mintri Thông tin song truyền thông jao bruk ka Tổng công ty Bưu điện Việt Nam pambuak bruk peih mbang pakacah Trung học phổ thông pakat negar  thun 2016.Piah ba mbuan lagaih ka dom sang bac Đại học, Cao đẳng, patak patom takik di abih jien ndua, tuk vak ka dom thí sin, abih di nyu nan lac di bhum atah bayah, Bưu điện Việt Nam hu peih bruk chuyển phát hồ sơ gam lệ phí palih ruah di tong abih dom bưu cục. Thun ni dom sang bac Đại học, Cao đẳng  taduan tut angan tame palih ruah meng harei 1/8 tal harei 12/8

# Urak ini, dom tỉnh Tây  Nguyên hu taphon kabau, limo labaih 812.745 drei, dalam dom thun jaik di ini, dom tỉnh Tây Nguyên hu sangka patagok tapon limo lai piah rik daong paglaong chất lượng tapon limo ralo piah pablei dalam tỉnh. Patagok kein laba di bhum hu ralo taneh glai, mblang hareik tự nhiên, dom tỉnh Tây Nguyên pachreih ba, daong palagaih ka dom gah ngak mbang patagok tapon kabau, limo, daong ka dom baoh sang bhap bini dom bangsa mesraiy phun jien gilang pariak patagok tapon limo hàng hóa, jak ba dom kapul nyaom, doanh nghiệp, menuac urang daong yaok pluh ribau drei limo pajaih ka dom baoh sang bhap bini dom bangsa takik kan kathaot di bhum atah bayah patagok raong glang piah tabiak truh kan kathaot.

#/ Ub bhap bini tỉnh Trà Vinh bahrau mbaoh tangin tame harak quy hoạch tổng thể patagok jalan mbak dalam tỉnh tal thun 2020 song pamong tal thun 2030, ngan song phun jien buh tabiak labaih 17.700 tỷ đồng.  Bruk bo tỉnh Trà Vinh daok pamaong tal nan lac patagok jalan mbak tal thun 2020 meda hu tong abih jalan tỉnh mek hu chuẩn takik di abih lac pakat 4, jalan huyện hu ngak pakhang, 70% jalan xã hu ngak pakhang.

Patui di ini dom khau tin dunya:

# Dom mbang hajan praong ngak dauk khang di gam brak TQ daok ngak khat lahik trak, labaih 130 urang metai saong labaih 100 urang lahik, yaok rituh ribau urang jeng daok panduan nao labik karei. Dom ban njauk dauk ia trak abih nan lac Hình Đài, Thạch Gia Trang… Gilang pariak bhap bini TQ brei thau hu dom jalan ngak daong jien padai ka dom bhum njauk gaok kan kandah tui sarak di rajaei taneh ia ini.

#/ Gah khik caga jalan negar di Ấn độ song Pakixtan hu peih dom mbang ginum biai dalam adit ni, ginum biai dom bruk pambuak tal lệnh ngừng bắn tapen jalan negar di 2 gah.  Báo Prét Troắt (Press Trust) di Ấn Độ ba panuac di dom urang ngak prong negar ni brei thau, bruk ginum biai meda rah tabiak di  La-ho (Lahore) Pakixtan song Ấn Độ brei sa kapul hu 22 urang hu mbaokdalam dom mbang ginum biai anak tal.

# Sa urang ngak praong ban tapen tasik Sa-bra-tha di Libibrei thau, kapul urang halan hatian hu mbaok tame daong duah 41 urang di cư metai seik tame tasik di ban. Dom urang metai hu duah mboh tapen tasik gah pai ban ine Tripoli hu ba mai nhà xác piah dut iek AND dahlau tuk ba nao dar./.