#/ Pahadar 49 thun harei padang ASEAN (8/8/1967-8/8/2016) song pahadar 21 thun harei VN tame ASEAN (28/7/1995-28/7/2016), harei 8/8 di HN, mintri ngoại giao peih bruk tuan hala dok ASEAN thun 2016 . Gah ngoại giao hu Ong El Houcine Fardani, Đại sứ đặc mệnh toàn quyền Vương quốc Ma-rốc, Akaok kapul Ngoại giao di Hà Nội , dom Đại sứ lambaok  Đại sứ quán dom negar  ASEAN di Hà Nội. Bruk tuan dok njauk tame tuk pahadar harei padang ASEAN song jeng bruk yaok thun di dom negar dalam ASEAN song  Ban Thư ký ASEAN piah brei mboh bruk pok meyaom dom yaom glaong saong bruk sinya jhul patagok talei jum patom, pambuak bruk di ASEAN 
# Thủ tướng rajaei barau hu văn bản brei adat padang tatua Rạch Miễu 2, dui apgam 2 tỉnh Bến Tre saong Tiền Giang di jalan roya 60.Tui nan, hu dua jalan ngak daok hu pasang iek : jalan ngak ka 1, tatua Rạch Miễu 2  hu padang taphia tatua Rạch Miễu klak, mbaok tatua praong 12m, yaom jien buh tame ngak abih tih jaik 2.768 tỷ đồng; jalan ngak ka 2, atah di tatua Rạch Miễu klak 3,3km nao gah thượng lưu, saong yaom jien buh tame ngak abih tih 4.702 tỷ đồng.

#/ Hadei di jaik 14 thun peih ngak, Gilang pariak sarak karja tỉnh Điện Biên hu brei ka labaih 256 ribau mbang boh sang kan song urang dalam sarak karja hu mesraiy phun jien piah ngak mbang pablei salih, ngan song yaom jien sraiy jiak  2.100 tỷ đồng, dong ba bruk ngak ka labaih 80 ribau urang ngak, dong jiak 15 ribau anek saih, SV sang kan kandah hu bac megru. Phun jien ưu đãi hu dong patrun boh sang kan yaok thun meng 3% -4%, trật tự xã hội hu khik ramik, quốc phòng an ninh song  chủ quyền taneh ia hu khik kaja, hatai jia tame Đảng saong Karja di bhap bini dom bangsa takik dak harei dak khang.

# Di ban sit Buôn Ma Thuột (tinh Đắk Lắk), minyri Y tế pambuak bruk saong tỉnh Đắk Lắk peih nyaom biai paglaong bruk pacang caga ruak pandaik tabiak darah bhum Tây Nguyên. Phó Thủ tướng pandar pasang iek gam gam, pachreih ba bhapbini peih ngak dom bruk pacang caga jit; peih bruk pametai loăn quoăn, jak ba bhapbini tuk mboh hu dom triệu chứng ruak njauk nao tal cơ sở y tế piah hu tacei pato iek ruak samal. Dom tỉnh Tây Nguyên njauk paglaong bruk pasang iek catang jit ruak pandiak tabiak darah dalam puk palei, samal duah mboh dom urang ruak, dom sruh jit, brei ka dom labik pambuak tal hu thau piah samar peih ngak dom bruk pacang caga jit. 

#/ Meng 7 tuk harei 9/8 tal 7 tuk harei 15/8 danao Dầu Tiếng (Tây Ninh) tathuak ia tabiak krong Sài Gòn  mbang 1/2016 song lưu lượng 100 m3/s, piah patrun  ia dalam danao. Tui ong Bùi Xuân Đại, Phó Giám đốc Công ty Khai thác thủy lợi Dầu Tiếng - Phước Hòa, kayua urak ni di danao Dầu Tiếng song grauk labik di tỉnh Tây Ninh yaok harei jeng hu hajan khang, ia dalam danao dok tagok meng 7-14 14 cm yaok harei .Ia dalam danao Dầu Tiếng duh hu dalam harei 6/8 di tanut glong 19,80 mét, glong jang quy định di tuk vak nan lac 0,5 mét. 

# Thun ini, tỉnh Tiền Giang daok kuhria ngak 598 công trình, dự án meng kadung jien karja ngan saong yaom jien abih tih labaih 2.199 tỷ đồng. Min, kayua bruk đầu tư công suai, rilo công trình, dự án oh ngak blaoh hu tui tukvak ba tabiak,  nan ye kan si patagok hu kein laba dalam bruk ngak mbang, ngak huak jeng ye an sinh xã hội. Piah ramik pasiam, dalam dom bilan puac thun, tỉnh hu ba tabiak dom jalan ngak catang piah ramik pasiam bruk nan; jhul samar tien do dak apdang saong ngak blaoh dom  công trình. Tui nan, Tiền Giang pataom tame pasang iek dom quy hoạch, apdang đề án patagaok dom bhum kinh te praong di tỉnh gam saong quy hoạch patagok dom bruk, dom gah, dom  đô thị… ngak jeng jalan apdang dom dự án ba tame bruk đầu tư công trung hạn

#/ Tui panuac khan meng jabat chức năng, urak ni Cà  Mau hu 856 boh sang dok dalam taneh di glai Ttràm U Minh Hạ, song jien duah hu yaok thun meng 50 triệu đồng tagok meng pala drak di angaok taneh glai. Dom boh sang ni 3 thun dahlau lac sang iek lipa, min urak ni rai duik hu salih bahrau biak siam. Bhap bini khan lac, hadei di tuk taduan taneh glai di karja jao, urang hu trách nhiệm khik caga glai song 2 janih phun lac tràm song keo lai, Janih glai ni praong meng 5-7 thun meng hu tah song hu jien mek tame. Piah pandar hu siam taneh glai, bhap bini pachreih ba gauk peih bruk sx tui jalan pala meng angaok thu song di ala ia. 
Patui di ni khaw tin dunya:  
8# Sa mbang duah thau hatai sahneng bhap bini di Đức brei thau, rilo bhapbini di taneh ia ini ndom lac Liên minh châu Âu (EU) njauk padheih thỏa thuận nhập cư saong Thổ Nhĩ Kỳ, taphia nan padheih ginum biai ka taneh ia ini tame EU. Tapa duah thau hatai sahneng bhap bini di Em-nít (Emnid) đăng angaok báo Hình ảnh (Bild) saong harei adit di Đức brei mboh , 52% urang hu tangi sua caong khin padhieh thỏa thuan ini, saong tok hu 35% javap jalei caong khik khik ramik thỏa thuận ini. Dalam 502 urang hu tangi sua, hu 2/3 caong khin phong tỏa samal dom khoản viện trợ jien ka Thổ Nhĩ Kỳ saong 66%  caong Liên minh châu Âu padhieh ginum biai ka taneh ia ini tame EU.
#/ Tapon nyaom bol pan phao krong song cảnh sát dok dalam bruk khik ramik an ninh glong tuk dok rah tabiak Thế vận hội Olympic. Di dom labik hu rilo menuac urang atau dom mblang tasik praong di ban Ri-ô Đờ Gia-nê-rô tuk halei jeng hu mbaok di dom urang lin atau cảnh sát. Langiu di nan, cảnh sát jeng hu nao tui iek tong abih jalan mbak dalam ban. Tui kuhria, tong abih nhân viên an ninh hu mbaok dalam bruk thể thao prong abih dunya ni di Bra xin lac jiak 55 ribau urang, dalam nan hu 22 ribau urang lin  
# Cảnh sát Ấn Độ brei thau, takik abih 2 urang metai saong 6 urang karei  gar ala mbuk hareik hadei di tuk sa tòa sang glaong dua tầng jaik ban Mumbai jaleih di harei 7/8. Mbang bala rah tabiak di ban sit Bhi-oan-đi (Bhiwandi), langiu ban Mumbai. Abih tih hu 3 sang daok dalam tòa sang ini. Kapul daong urang njauk bala  daok kham merat  daong duah. Cảnh sát Ấn Độ daok peih bruk pasang iek, duah thau bruk jaleih sang ./.