#/ Dalam mbang ngak bruk di tỉnh Thái Bình meng bloh, Thủ tướng Nguyễn Xuân Phúc hu palih ruah xã Bình Định, huyện Kiến Xương lac labik ngak bruk camereip piah duah thau tui panG hatai khin di karja song bhap bini dalam xã hadei di 5 thun peih ngak danak dak padang ngak palei pala bahrau. Xã Bình Định, huyện Kiến Xương mek hu angan palei pala bahrau hadei di 3 thun peih ngak song jeng lac sa dalam 8 xã camereip di tHái bÌnh hu pok brei angqan palei pala bahrau. Thủ tướng hu panuac lac puk palei khik ramik song kham merat jhul pakhang padang ngak dom ilamu meng kan, kham merat ba bruk padang palei pala bahrau di Đảng, karja dak harei dak mek hu kein liba glong jang di angaok bhum palei CM Thái Bình

#  Phó Thủ tướng rajaei Vương Đình Huệ barau tacei pato mintri ngak nong saong patagok palei pala buh tabiak brei oh mek jien 620 tấn athar padai pajaih, 230 tấn athar tangei pajaih saong 24 tấn athar nyam pajaih khik piah di negar piah daong 4 tỉnh gaok khat lihik kayua hajan ribuk ka 1. Cambaih laih, brei ka tỉnh Hà Nam, tỉnh Nam Định, tỉnh Ninh Bình saong tỉnh Thái Bình. Phó Thủ tướng pandar lac bruk brei, khik ramik saong pandar pajaih phun pala nan ngak tui njauk adat ba tabiak . 

#/ Di ban sit Quảng Trị, Kapul Chữ thập đỏ tỉnh Quảng Trị peih bruk brei radeih juak ka 60 anek saih yam tapa kan kandah bac megru naih joi di dom huyện Hải Lăng, Triệu Phong song ban sit Quảng Trị.Yaok anek saih taduan hu 1 sruh radeih juak song sa pok pandap  yaom 1 triệu 300 ribau đồng. Tong abih radeih juak song pandap kayua baha Phước Viên song dom DN, urang ngak pahla di ban raya HCM dong brei. Langiu di nan, kapul Chữ thập đỏ tỉnh Quảng Trị bhian pachreih ba dom urang ngak pahla brei pandap panda pachreih hatai ka dom anek saih hu rai duik kan kandah. Kapul hu peih rilo bruk dong ka urang pacang caga song pasiam veik bala meng langik tasik, tani tanat rai duik

# Uỷ ban bhapbini tỉnh Khánh Hòa barau njauk hatai haong bruk ramik pasiam quy hoạch jalan tĩnh di ban sit Nha Trang. Urak ini, abih tih taneh dom labik hu caik ngak mblang caik radaih, labik khik radaih công cộng dalam ban sit Nha Trang jaik 2 hécta. Kayua yau nan ye, bruk pabak quy hoạch jalan tĩnh ka ban sit Nha Trang lac bruk njauk ngak piah trun takik bruk gar jalan dom labik di pasak. Ông Nguyễn Văn Dần, Phó giám đốc Sở Giao thông Vận tải tỉnh Khánh Hòa brei thau :

Nha Trang lac jalan oh peih praong hu,  jalan  tĩnh hu dom mblang caik radaih siam piah dom labik meng labik karei mai hu labik ka urang caik, trun bair dom phương tiện hu trọng tải praong, kích thước praong tame ban sit. Kayua dom bruk ini jeng lac makna ngak gar ka jalan. Tukvak tal ini, ramik pasiam quy hoạch jalan tĩnh khả thi.

#/ Harei 7/8 di ban phố Quy Nhơn, tỉnh Bình Định hu peih mbaok Hrei pataom pakacah tin học ranaih umo pakat negar mbang ka 22. Hu mbaok di Harei pataom pakacah hu 247 anek saih di dom sang bac tiểu học, Trung học cơ sở song Trung học phổ thông di 7 tỉnh, ban dalam negar. Dom anek saih hu mbaok pakacah dom  kỹ năng pakat Tiểu học, pakat Trung học cơ sở song trung học phổt hông. Langiu di nan dok hu pakacah: phần mềm sáng tạo pakacah lập trình cứng brei ka anek saih pakat  Trung học cơ sở song Trung học phổ thông.Nyaom pakacah tin học ranaih umo pakat negar mbang ka 22 hu tamat song jao giải di harei 8/8

# Kapul daong urang kathaot Tây Nam bộ (di mban tacei pato Tây Nam bộ) pambuak bruk saong dom urang tài trợ, kapul halan hatian saong dom puk palei tỉnh Sóc Trăng peih bruk iek ruak, brei jru saoh, alin sang anit ranam ka urang kathaot di Sóc Trăng. Di jabat quân dân y kết hợp xã Vĩnh Hải (thị xã Vĩnh Châu, Sóc Trăng) saong Ủy ban bhapbini xã Tài Văn (huyện Trần Đề, Sóc Trăng), Kapul daong urang kathaot Tây Nam Bộ pambuak bruk saong sang iek ruak Đa khoa Hoàn Mỹ Cửu Long, Công ty cổ phần dược Hậu Giang, Sở Y tế Sóc Trăng peih bruk iek ruak, brei jru saoh ka labaih 1.000 urang kathaot .

          #/ Harei 7/8, yaok ribau dam dara halan hatain di dom quận, huyện di ban raya Hồ Chí Minh hu mbaok tame dom bruk padang ngak văn minh đô thị. Di quận 3, meng di saboh mesup, hu labaih 100 dam dara halan hatain nao grauk dom jalan piah phát  3 ribau tờ rơi brei thau jalan talei pandiak langyah dom bruk đô thị di ban raya. Bhap bini taduan tờ rơi ni, gam taduan hu phun hajao hu dam dara brei saoh song tacei jalan pala tame dom pandap caik dalam  sang piah ngak jeng labik hijao.

Patui di ni dom khaw tin dunya:  

# Jabat chức năng Mê-hi-cô harei 7/8 khan brei thau mbang  áp thấp nhiệt đới hadei mbang hajan ribuk Ơn (Earl), ngak brei hajan praong, glut jaleih taneh di Bang Puê-bla (Puebla) di taneh ia ini, ngak takik abih 8 urang metai saong labaih 200 urang karei gaok ảnh hưởng. Karja puk aplei brei thau, hajan praong ngak glut jaleih taneh di sa baok mbon di labik bhapbini daok Xan-lte-pec (Xaltepec), ban Ua-chi-nan-gô (Huauchinango), ngak pluh baok sang gaok hluk lam. Uran ini, dom gah chức năng daok kham merat duah labaih 10 urang karei hu rilo khả năng gaok haluk lam di mbang gluh jaleih taneh ini.

#/ Akaok mintri du lịch Pháp Ma-thi-át Phe-cơ (Matthias Fekl) brei thau bruk tuai negar langiu padeih veik di dom khách sạn di negar ni patrun tal 10% dalam bilan 7 meng bloh dut song tuk vak ni thun bloh. Bruk nan mai meng tuai a langiu  Châu Âu huac  ka dom mbang tấn công khủng bố tuk vak tapa.

# Tổng thống Philippin Rô-đri-gô Đu-téc-tê (Rodrigo Duterte) barau ba tabiak angan jaik 160 urang jakar saong urang dahlau ngak jakar taneh ia ini gaok cáo buộc pambuak pagam tal bruk pablei salih ma túy suan hukum. Dalam angan ini hu 7 thẩm phán saong 3 nghị sỹ gam rilo urang jakar cảnh sát saong bol bala. Ông Đu-téc-tê ndom lac, bruk brei thau angan domn urang jakar pambuak pagam tal ma tuy lac piah brei ka bhapbini thau bruk ngak di taneh ia./.