#/ Dalam mbang nao ngak bruk di Bình Thuận, melam 6/10, ong Nguyễn Thiện Nhân - Ủy viên mintri Chính Trị - Chủ tịch Ủy ban Trung ương Mặt trận negar  Việt Nam hu taom gaok bhap bini di ban sit Mai Lâm huyện Hàm Thuận Bắc. Ban sit Ma Lâm hu 316 boh sang urang Chăm song 1.441  urang, samu 10% menuac sia dalam ban sit. Lambaok dom boh sang hu brei thau hatai khin di di bhap bini dalam bruk patagok KT, khik ramik ilamu meng kan bangsa. Ong  Nguyễn Thiện Nhân lac:

Tapa rilo janih phun, mboh lac  njauk pambuak gauk ngak mbang tui jalan HTX khik ramik soong gauk. Meyah ngak sit sot oh ngak hu. Atau lac blei plaik  gauk, adit halei blei dom rituh tấn, ribau tấn njauk ginum biai jalan ngak , tuk vak dalam HTX drei plaik gauk

# Harei 6/10, rayo sap ndom VN peih danak dak “Điểm hẹn VOV – pambuak bruk gam patagok”. Hu mbaok di phaok Giáo sư – TS Nguyễn Thế Kỷ, Ủy viên Trung ương Đảng, Tổng Giám đốc rayo sap ndom Việt Nam; ong Lê Thanh Liêm, Phaok akaok Ủy ban bhap bini ban raya Hồ Chí Minh saong ralo doanh nghiệp praong di bhum gah meraong. Tổng Giám đốc Nguyễn Thế Kỷ ndom lac, talei pambuak bruk di báo chí saong dom doanh nghiệp tuk halei jeng hu bruk đồng hành, daong ba gauk, lac talei pambuak bruk dua gah gam hu kein laba saong iek praong gauk. Tukvak anak tal, pren khang di VOV hu peih ngak siam mekre di abih saong ba mai ralo kein lagaih ka dom gah pambuak bruk.  

#/ Di tỉnh Lai Châu, urak nio hu labaih 30 mô hình hadah krah dalam bruk tong abih bhap bini khik ramik an ninh negar, jiak 6000 kapul nyaom, bhap bini ngak bruk khik ramik an ninh trật tự di cơ sở.Meng dom mô hình ni hu yaok rituh urang mek hu siam lagaih dalam bruk padang ngak hu mbaok tame bruk khik caga an ninh trật tự. Tuk vak anak tal, tỉnh Lai Châu sangka patagok song paglong chất lượng dom bruk eng drei khik iek, langyah ba brei siam, tự giác meng boh sang tal bhap bini, khu dân cư, dom jabat, doanh nghiệp, sang bac dalam bruk padang ngak tong abih bhap bini khik ramik an ninh palei negar.

 #/Tui tacei pato di Thủ tướng rajaei brei daong chip ka bhap bini di dom tỉnh Hà Tĩnh, Quảng Bình, Quảng Trị saong Thừa Thiên Huế, gilang pariak sarak karja peih bruk brei mesraiy pataom blei, khik mepiah kaya ikan dalam dom tỉnh ini. Tui nan, tukvak brei mesraiy daong laba 6 bilan, laba hu pandar lac laba brei mesraiy takik harei biar abih pandar ka dom yaom mesraiy gam tukvak di dom gah njauk ngak dahlau min oh tapa 7% sa thun saong hu gilang pariak sarak karja daongtaong abih laba mesraiy dalam tukvak urang mesraiy pataom blei, khik mepiah kaya ikan.

#/ Di ban sit Đà Nẵng, tapa 5 thun, kadung jien dong urang kamei patagok ban sit pachreih ba hu jiak 800 tỷ đồng, dong hu labaih 60.000 ursang kamei mesraiy jien,, pandap piah ngak mbang, patrun kathaot, tani tanat rai duik. Langiu di nan, dom pakat Kapul urang kamei ban raya hu langyah, pato bruk ngak, dong duah bruk ngak ka labaih 30.000 urang kamei. Bruk siam abih di Kapul Liên hiệp urang kamei ban sit Đà Nẵng pachreih ba urang jakar, urang hội, DN, urang ngak pahla dong labaih 8 tỷ đồng, piah padang ngak, pasiam veik sang dok, dong peih ngak bruk “ Hu sang dok” dalam danak dak “ ban raya 3 hu”

#/ Akaok mintri xây dựng Phạm Hồng Hà barau hu var ngak bruk saong urang dang akaok UB bhap bini ban raya HCM ka bruk khik iek karja ka dak padang puk palei. Di var ngak bruk, akaok mintri xây dựng Phạm Hồng Hà brei thau bruk daong, njauk hatai glaong ngan saong bruk khik iek xây dựng, quy hoạch saong pasiam veik đô thị dalam ban raya nan lac: samar hu jalan ngak barau siam lagaih; patagok samar jang  piah samar ba ban raya HCM nao dahlau dalam bruk CNH, HĐH, đô thị hóa di taneh ia.

#/ Tỉnh Tiền Giang bahrau peih nyaom Biai pathau khan dự án salih ngak nong khang kajap di tỉnh Tỉnh ( dự án VnSAT Tiền Giang) meng phun jien mesraiy di gilang pariak dunya. Nyaom biai piah pathau khan ka bruk kein lagaih di dự án dalam bruk dong ka urang nong salih phun pala, brei thau cambaih jalan ramik veik bruk ngak nong dalam palei song tagok bruk pala drak, pasiam veik dom tavak tavaiy dalam bruk sx padai brah, khik caga bruk peih ngak dự án tal thun 2020.

Patui di ini dom khau tin dunya:

#/ Tổng thống Mỹ Barắc Obama harei 6/10 tabiak bruk khẩn cấp di mban Phloriđa tuk ribuk Ma-thiu tui kuhria meda tuh tame mban ini. Gah urang ngak praong mban Phloriđa tabiak lệnh panduan ba 1 triệu 500 ribau bhap bini bhum tapen tasik piah  plaih ribuk Ma –Thiu,  ribuk khang abih di khu vực dalam 9 thun tapa. Dom mblang bein giải trí di khu vực brei kreuik pabah mbang.

# Tui sa roh duah hu angan “ Naong trak ruak kik dunya” hu  khan brei thau  bahrau ni, umo trung bình di urang dok di dunya tal tuk vak ni hu tagok khang dut song dom thun 1980. Tui roh duah brei thau, umo trung bình di urang daok  di 191 angaok 195 negar hu tagok 6 thun. Tui nan, umo trung bình di urang likei urak ni lac 69 thun, dalam tuk nan di urang kamei lac labaih 74 thun.

#/ Tổng thống Phi-líp-pin Rô-đri-gô Đu-téc-tê hu taong yaom biak glaong hadei di 90 harei camereip ong tagok ngak Tổng thống Phi-líp-pin. Tapa duah thau hatai sahneng di bhap bini kayua jabat Trạng thái XH (Social Weather Stations) – sa tổ chức pasang iek dư luận độc lập peih tabiak, tok hu 11% dalam 1 ribau 200 urang hu tangi sua lac oh njauk hatai ka jalan langyah bruk di ong Đu-téc-tê.  Dalam tuk nan hu tal 64% dom urang hu tangi sua lac njauk hatai saong jalan langyah bruk di ong Đu-téc-tê./.