1/ # Báo Hà Nội bahrau pambuak bruk song Sở ilamu - Thể thao Hà Nội bahrau peih bruk pakacah thaot báo chí "Urang Hà Nội ứng xử văn minh, thanh lịch 2017". Mbang pakacah brei ka dom urang  Việt Nam, urang Việt Nam dok duik rai, bac megru, ngak bruk di negar langiu. Thaot binguk pakacah hu phản ánh dom bruk ngak siam song oh siam dalam rai duik, ngak bruk, ndom nyai nao mai di dom urang kapul nyaom dok duik rai ngak bruk di ban ine Tuk vak puac di abih taduan kadha pakacah lac harei 30/9

2/ # Di inem krung sajarah pakat negar đền Cúc Bồ, xã Kiến Quốc, huyện Ninh Giang, tỉnh Hải Dương rah tabiak lễ pok gilau, pahadar 1.110 thun harei lihik metai di Anh hùng bangsa Khúc Thừa Dụ. Ni lac bruk hu peih ngak yaok thun di Khu di tích, jeng sa labik du lịch pabak hu rilo tuai damuai mai rivang.

3/ # Di Hà Nội, Mintri ilamu, Thể thao song Du lịch bahrau peih mbang ginum biai "Jalan patagok siam lagaih khik ramik song peih ngak rija Klauk kubau Ðồ Sơn". Harei rija ni lac inem krung ilamu phi vật thể siam gheih di negar; hu pasiam veik  thun 1990 song gam peih ngak tal harei ni; pabak ka rai duik mbang ngui dok dang di urang, dong yaih khan thaot binguk bhum taneh, anek menuac song rik dong ka bruk patagok di Ðồ Sơn, Hải Phòng. Min tuk vak tapa, bruk peih ngak khik ramik rija roya gaok oh takik tavak tavaiy kan kandah.

4/  # Mintri ilamu Thể thao song  Du lịch bahrau hu Quyết định xếp hạng inem krung pakat negar hu  3 inem krung nan lac, Inem krung dak rai  labik lưu niệm Tổng Bí thư Nguyễn Văn Linh (xã Giai Phạm, huyện Yên Mỹ, tỉnh Hưng Yên); Inem krung dak rai labik rah tabiak mbang Tổng tiến công song dang tagok  di bilan xuân anek sak kara 1968 di Phú Yên (phường 8 song phường 9, ban sit Tuy Hòa); Inem krung kiến trúc nghệ thuật đình An Ðịnh (xã Hành Dũng, huyện Nghĩa Hành, tỉnh Quảng Ngãi).

5/ # Di pasak chiếu phim pakat negar (Hà Nội) bahrau khai mạc Liên hoan phim (LHP) Ðức mbang ka 8 - thun2017. Thun ni, urang takre điện ảnh hu iek labaih 40 suất chiếu di 9 bộ phim hu đề tài đa dạng ka rai duik song anit ranam gauk yau , 24 tuần, Mất tích ở  Berlin, Gia đình  Lotzmann nổi loạn, Hạnh phúc, Thế hệ Y, Hổ cái, Lời hứa tự do chôn vùi trong cát, Hoang dã, Tschick. Dom phim hu palih ruah hu angan je di rilo LHP dunya song lambaok ka  điện ảnh đương đại di Ðức. Tuk vak  LHP, khán giả meda taom gaok ndom nyai nao mai song dom , đạo diễn, diễn viên hu angan je. LHP meda rah tabiak di  Hải Phòng, Huế, Ðà Nẵng song ban raya Hồ Chí Minh tal abih harei 16-9.

6/  # Hadei di mbang palih ruah dalam negar,  18 cầu thủ sit  U12 naih gheih abih di  Việt Nam hu dự Cúp chaoh blong  thiếu niên Toyota dunya 2017 di Nhật Bản, pataom hu 6 kapul chaoh blong lambaok ka 3 negar  Việt Nam, Nhật Bản song Thái-lan. Pakacah tui hình thức vòng tròn sa lượt tính điểm, Kapul thiếu niên Việt Nam hu pakacah naih gheih dalam dom mbang pakacah song dom kapul nyaom khang  yau kapul Toyota City; kapul palih ruah  dom tỉnh tỉnh Ka-ri-i-a, Na-gô-i-a Gram-pút, Ven-pho-rét Kô-phu (Nhật Bản) song kapul U12 Thái-lan song hu 3 mbang jak jeng sa mbangsamu gauk Kết quả di mbang pakacah , kapul thiếu niên Toyota Việt Nam hu jao Huy chương pariak/. 

Jasi- Phóng viên - CQTT TP Hồ Chí Minh