#/  “ Nét đẹp đời thường” lac angan ieu di bruk pakacah song parang iek rup cih, thaot binguk brei ka anek saih, SV kayua mintri ilamu Thể thao song Du lịch bahrau peih tabiak di sang bac Đại học Mỹ thuật Việt Nam.  Bruk pakacah piah paglong akaok sahneng, jalan ndom puac daok dang hu ilamu dalam bhap bini, dalam rai rah ranaih umo, rik dong piah dom bruk siam mekre njom mbak dalam rai duik. Hadei di sa tuk vak peih tabiak, bruk pakacah taduan hu 1.147 tác phẩm payua tame  pakacah di 550 thí sinh lac anek saih, SV di 102 sang bac dalam negar. Mban peih bruk hu palih ruah 212 tác phẩm piah parang iek. Parang iek lac tuk piah ka dom anek saih, SV hu taom gaok, pabak ilamu dalam bruk  sáng tác nghệ thuật

 #/ Pahadar harei inum krung ilamu VN 23/11 song 17 thun harei Ban klak Hội An hu UNESCO pok brei angan inum krung ilamu dunya (4.12.1999 - 4.12.2016), meng harei 23/11 tal harei 4/12, UB bhap bini ban sit Hội AN ( Quảng Nam hu peih dom bruk ngak njauk caik hatai yau: Parang iek pandap lan ar Thanh Hà, peih bruk pakacah “ Duah thau ka môi trường” “ Khol adei iek glang khik caga inem krung sajarah  ilamu” Harei patom “ Khol adei dohragu daoh  bhap bini”…, Giải nduac Việt dã meng kan “ Kayua inem krung ilamu dunya Hội An” . Abih di nyu nan lac, tuai damuai mai rivang hu tame iek saoh dalam harei 4/12

#/ UB bhap bini ban raya HCM peih lễ hội “ Ban raya HCM- patagok song ba drei tame dunya”  meng harei 1 tal 3/12 di mblang bein 30/4 , quận 1. Tapa nan piah yaik khan tal menuac sia dunya dom ilamu di VN jeng yau di ban raya HCM, yaik khan taneh ia, palei negar, anek menuac VN song ban raya HCM, padang mblang main ka  urang negar langiu dok duik rai, ngak bruk , bac megru di ban raya, ba drei tame rai duik ilamu ban raya song bhap bini ban raya hu thau cambaih jang ka ilamu dom negar di dunya.

#/ Meng harei 11 tal harei 15/11, mintri  Thông tin song  Truyền thông pambuak bruk song UB bhap bini tỉnh Vĩnh Long peih bruk parang iek bản đồ song parang iek tư liệu hu angan “Hoàng Sa, Trường Sa  di Việt Nam – dom bằng chứng sajarah song adat hukum” di mblang bein ban Vĩnh Long. Parang iek rilo tư liệu, harak gar, pandap panda, ấn phẩm, thư tịch klauk song jiak 100 bản đồ meng dom urang roh duah, học giả dalam negar song dom negar di dunya, rik dong brei mboh quyền ngak pô di VN ngan song 2 palao Hoàng Sa, Trường Sa – sa binah bhum taneh oh neh rabha hu di VN.

#/ Ban Chấp hành Công đoàn Học viện Ngân Hàng bahrau peih hartei pataom daoh tamia piah pahadar 34 thun harei gru pato VN (20/11/1982 - 20/11/2016). Harei pataom thun nihu ginup mbaok dom đơn vị dalam học viện. Meng rilo tiết mục gheih, hu padang ngak siam kayua dom giảng viên, urang ngak di học viện parang main. Harei pataom thun ni ngak brei chreih chrai bui sambai ka tong abih urang jakar, viên chức, urang ngak di học viện, rik dong jhul pakhang talei jum pataom, kham merat pakacah gauk ngak hu rilo bruk praong pahadar 34 thun harei gru pato VN

#/ Gah pato megru tỉnh Bến Tre peih bruk ginum biai pahadar harei gru pato VN 20/11. Ni lac bruk ngak bahrau dalam dom bruk ngak pahadar 34 thun harei gru pato VN (20-11-1982 - 20-11-2016).  Tui nan, langiu di bruk pahadar, hiệu trưởng dom sang bac song akaok công đoàn cơ sở dok peih bruk ndom biai song urang mai pataom mbaok song công chức, viên chức di đơn vị ngan saong kadha ““Bruk di dom gru pato saong urang jakar khik iek gah pato megru dalam bruk paglaong chất lượng pato megru”. Dalam nan, pataom tame paglong labik dang, bruk ngak di dom gru pato, song urang khik iek gah pato pakai  dalam bruk salih bahrau song paglong chất lượng pato megru. Bruk pambuak gauk di dom sang bac, boh sang, xã hội, dom kapul chính trị, xã hội dalam song langiu đơn vị, dalam bruk paglong chất lượng pato megru./.