1 # Di Viện khik ramik inem krung, Mintri Khoa học song Công nghệ bahrau peih bruk  ginum biai  Hội đồng tư vấn tong yaom, nghiệm thu bruk peih ngak đề tài KH&CN tui  Nghị định thư song Italia “Roh duah, ngak iek ka pandap ngak song  ilamu padang ngak di urang Chăm labik di tích Mỹ Sơn” kayua  KTS. Lê Thành Vinh dang akaok. Ni lac  đề tài hu yaom  gah ilamu  khoa học, rik dong tame bruk khik ramik kiến trúc song  ilamu padang ngak dom bimon kalan Chăm di khu di tích Mỹ Sơn (Quảng Nam), sa inem krung dunya di Việt Nam. Meng dom  bruk ngak hu, Hội đồng dak đề tài nan loại B.

2 # Bruk Pahadar 1050 thun Karja Đại Cồ Việt song Lễ hội Hoa Lư hu peih ngak praong tui pakat tỉnh, tuk vak peih ngak meng harei 24- tal harei 27.4.2018. Asar kadha bruk pahadar  song lễ hội Hoa Lư 2018 langiu di 2 binah lễ song hội dok hu  danak dak daoh tamia, dalam nan njauk ndom tal bruk brei mboh labik dang di Đinh Bộ Lĩnh. Dom bruk ilamu thể thao jeng hu peih prong, hu mbaok di kapul nghệ thuật di  tỉnh Thanh Hóa, dom negar  Lào, Hàn Quốc. Mbang ginum biai ilamu khoa học pakat negar   “Labik dangdi karja  Đại Cồ Việt dalam sajarah dak rai  bangsa  Việt Nam” jeng hu peih ngak.

3 # Di Hà Nội, Kadung jien dong roh duah  Biển Ðông (FESS) peih bruk jao Giải thưởng roh duah  Biển Ðông thun 2017. Hội đồng giám khảo hu palih ruah song jao giải thưởng ka 17 tác phẩm báo chí, kadha vak roh duah, danak dak roh duah gheih di abih. Tapa nan, Thứ trưởng Ngoại giao Ðặng Ðình Quý hu tadhau ayuh dom tác giả taduan hu giải song cong khin bruk kham merat di FESS hu pambak prong jang, duh ka bruk pathau khan, dong khik caga độc lập, chủ quyền taneh ia

4 # Pahadar  45 thun harei padang talei pambuak bruk Việt Nam-Nhật Bản, Lễ hội taom gaok ilamu Việt Nam - Nhật Bản bahrau rah tabiak di bein bingu  Lý Thái Tổ (quận Hoàn Kiếm, Hà Nội) ngan song dom bruk taom gaok ndom nyai nao mai, yaih khan ilamu. Dalam  dom harei  lễ hội hu rah tabiak dom bruk yaih khan ilamu Nhật Bản di labik sang Bát Giác, ngan song 16 gian yaih khan ilamu  Nhật Bản…Labik bein bingu Lý Thái Tổ jeng lac labik parang me-in doh   trù, đàn bầu... song dom janih nghệ thuật meng kan Hà Nội.

5 # Bruk peih mbaok harei pataom tapuk  ban raya  Hồ Chí Minh mbang ka 10 bahrau hu peih ngak di mblang bein Lê Văn Tám, quận 1, ban raya  Hồ Chí Minh. Ni lac  kadha ilamu kayua UB bhap bini ban raya Hồ Chí Minh peih ngak. Ngan saong kadha “Tapuk, ilamu , ba drei tame song patagok”, Harei pataom tapuk ban raya  Hồ Chí Minh mbang ka  10 pachreih hu jiak  200 đơn vị gah tapuk dalam negar song lambaok dom tập đoàn  xuất bản negar langiu ngan song 900 gian hàng, labaih 300 ribau angan tapuk  song labaih  30 triệu bản sách.Hadei di labaih sa harei peih tabiak, jien pablei tapuk hu labaih 5 tỷ đồng.

6 # Di muinyim  Mỹ thuật ban raya HCM dok rah tabiak parang iek rup cih di  họa sĩ Văn Thạnh hu angan  “Salam bilan xuân” meng  40 blah sơn mài song sơn dầu hu cih dalam  8 thun. Văn Thạnh ndih tapui thun  1981 di Sóc Trăng, bac  mỹ thuật di palei drei, hadei di nan bac tamat sang bac  Đại học Mỹ thuật ban raya HCM thun 2010. Hadei di rilo thun kham merat sáng tác, Văn Thạnh mek hu takik rilo jak jeng tuk rup cih di saai hu dom urang roh duah dalam song langiu negar caik hatai sangka.  Parang iek “Salam bilan xuân” lac bruk parang iek rup cih  mbang ka  8 di Văn Thạnh./.