# Thun ni, Festival ilamu  cồng chiêng Tây Nguyên tui kuhria hu rah tabiak  dalam 4 harei  adit kreh bilan  11/2018 di  tỉnh Gia Lai. Danak dak hu rilo bruk ngak gheih mekre  yau: harei pataom jalan mbak; padang ngak veik dom adat cambat, rija meng kan  di  11 bangsa takik dalam bhum; ngak rup kayau bhap bini; daoh khan sử thi Tây Nguyên; parang iek khan aow bangsa... Ni lac dom bruk ngak piah pok meyaom  ilamu cồng chiêng Tây Nguyên tui danak dak peih bruk ngak piah khik ramik patagok inem krung ilamu ni dalam rai duik bahrau kayua mintri ilamu  Thể thao Du lịch ba tabiak thun 2006.

# Harei ni  29-7, hu takik di abih 5 ribau menuac hu mbaok tame diễu hành taom dar Hồ Gươm di harei lễ hội jalan mbak  “Gheih mekre  Hà Nội – Pataom tame song pahadah tabiak”. Bruk nan kayua  Sở ilamu song Thể thao Hà Nội pambuak bruk song  pasak khik ramik song patagok  nghệ thuật sân khấu Việt Nam peih ngak di tuk pahadar 10 thun ramik veik địa giới ban ine  Hà Nội (2008 - 2018). Ni jeng lac tuk pok meyaom dom inem krung ilamu, yaih khan dom pandap panda ilamu du lịch siam gheih, piah dui pachreih tuai dalam song langiu negar  mai rivang  Hà Nội.

# Harei ni lac tukvak puac abih piah ka dom urang takre radeih klaak hu mong iek yaok rituh sruh radeih klaak ginup janih takik hu, takik mboh. Yaok pluh sruh radeih xe hơi klaak  gam song yaok rituh xe máy lạ, gheih mekre hu pataom mai meng dom kalup kapul radeih klaak ban raya HCM  hu parang tabiak di Phố radeih klaak dalam harei  pataom radeih klaak  Sài Gòn, rah tabiak meng harei  27 tal  29/7  di mblang bein  Đầm Sen. Di labik ni, daok hu dom bruk pablei dsalih dom radaih klak saong pandap lưu niệm. Pok jien mek hu, hu kaoh tabiak meneing brei ka danak dak dong ka uranaih kan kathaot, hu rai duik kan kandah  .

# “Học viện mẹ chồng” hu 12 tập lac danak dak papar binguk tapak di melam adit yaok adit angaok kênh VTV3 – Rayo papar binguk  Việt Nam, meng harei ni  29/07. Ni lac danka dak brei ka dom tamha kumei piah daong pambuak bruk anit ranam gauk dalam sang. Tapa dom tập phát sóng, urang maong iek hu taom gaok saong haong 5 boh sang ba drei tame dom cuang kandah meng dom diễn viên dalam phim"Sống chung với mẹ chồng" lac  NSND Lan Hương – Bảo Thanh song Anh Dũng.

       # Phó Giáo sư, Tiến sĩ Nguyễn Viết Nhung, Giám đốc sang iek ruak Phổi Trung ương, Chủ nhiệm danak dak pacang  lao pakat negar brei thau: di dunya hu  30 negar hu non trak ruak lao glong, Việt Nam dang ka 16 di tong abih ruak  lao, dang ka 13 ka lao kháng thuốc. Tui kuhria thun  2017, Việt Nam hu  126.000 urang ruak  lao song hu  13.000 urang metai kayua ruak lao. Yaok thun dalam negar duah mboh ba tame iek ruak ka labaih  100.000 urang ruak lao. Hu labaih  81% urang ruak bahrau yaok thun , bruk ni di dunya lac 61%. Việt Nam urak ni iek ruak hu tong abih dom thể lao đa kháng thuốc song siêu kháng thuốc.

      # Harei ni  29.7, Campuchia peih bruk tổng tuyển cử . Anak bruk bầu cử, Thủ tướng Campuchia Hun Sen hu panuac sinya tagok kadung jien ka bruk pato pakai dalam thun ni tal  850 triệu USD (samu  19.740 tỉ đồng).Ong Hun Sen, sa dalam dom urang pal akaok lavik thun abih di dunya, hu ndom ka rup drei lac sa urang pal akaok ba mai tani tanat song patagok ka sa negar kan kathaot njauk mesruh metak palai pajoa dalam yaok pluh thun. Tui  Liên Hiệp Quốc, yaok thun hu labaih 300.000 urang tal umo ngak bruk di  Campuchia, dalam nan hu rilo urang oh ka hu pato pakai bruk ngak.

# Thủ tướng Xin-dô-a-bê (Abe Shinzo) brei adat tagok bruk taduan urang negar langiu ngak bruk di Nhật Bản meng di bilan 4 thun anak  .Bruk ni dong pasiam bruk kurang urang ngak di Nhật Bản urak ni. Tui nan, dom  thực tập sinh meda ngak bruk di  Nhật Bản takik di abih  5 thun song hu palih ruah tui mbang pakacah kỹ năng tui tanut  chuẩn kayua dom nghiệp đoàn peih tabiak. Ngan song dom  thực tập sinh hu ngak bruk bloh di Nhật Bản meng 3 thun tagok hu  miễn pakacah sát hạch kỹ năng ni. Urang ngak bruk mbang ni pataom tame ngak di  5 gah lac hộ lý, ngak nong, padang ngak, khách sạn saong ngak kapan…Quyết định di Thủ tướng A-bê hu palagaih ka urang ngak Việt Nam hu ngak bruk di Nhật Bản.

        # Công ty cứu hộ jalan tasik Shinil Group (Hàn Quốc) bahrau ba tabiak thaot binguk  sruh kapan  mesruh Dmitrii Donskoi di Nga  kram thun  1905. Sruh kapan ni pachreih hu bruk sangka di  dom urng duah kho báu kayua mehit lac nyu pajeng tui  200 tấn meh tuk gaok bala. Công ty Shinil Group  brei thau lac mek hu  thỏa thuận parabha meteh  dom meh duah mboh ka rajaei Nga (meyah lac hu).  Langiu di nan, sa binah meh hu rik dong ka dom danak dak haong gauk piah jhul bruk patagok di Đông Bắc Á, yau ngak jalan pasei  pambuak  Nga song  Hàn Quốc nao tapa  Triều Tiên./.