1  ** Ginum biai  “Ilamu Doanh nghiệp song Đạo đức pablei salih” Kayua báo  Ilamu (Mintri ilamu Thể Thao Du Lịch ) pambuak bruk song Viện roh duah  Chiến lược  Thương hiệu song meriak gauk bahrau peih tabiak di  Hà Nội. Ni lac sa bruk padang labik ndom nyai nao mai cambaih laih, rilo gah ka ilamu, đạo đức, ngak mbang di doanh nghiệp, meng nan ba mbuan lagaih piah pasiam, padang song patagok  ilamu pablei salih di dom doanh nghiệp Việt Nam dok dalam song langiu negar . Dalam tuk vak urak ni , dom DN brei sangka padang ngak song patagok ilamu yau sa jalan ngak ba tal jak jeng. 

  2  * * Di Hà Nội, Cục Điện ảnh (Mintri ilamu Thể Thao Du Lịch) song Hiệp hội dom  urang ngak phim Ba Lan hu peih bruk mbaoh tangin tame harak sanya pambuak bruk patagok di 2  gah điện ảnh di 2 negar. Bruk padang talei pambuak bruk di  Cục Điện ảnh Việt Nam song Hiệp hội Dom urang ngak phim Ba Lan hu dong yaih khan ilamu, khik ramik inem krung điện ảnh, klah rabha dom tác phẩm điện ảnh di 2 negar, klah rabha ilamu saong pato pakia bruk ngak phim, sản xuất song  phát hành phim jang yau pambuak gauk dalam bruk ngak phim..

3 **  Di Hà Nội,  Đại sứ quán Thụy Điển hu peih  bruk brei thau song jao  giải Văn học Cikada 2017 ka  nhà thơ Mai Văn Phấn di Văn Miếu - Quốc Tử Giám Hà Nội. Giải Cikada hu padang tagok meng thun 2004 song hu jao ka 9 nhà thơ Đông Á dahlau di nan. Mai Văn Phấn lac nhà thơ ka 10 hu taduan  giải ni. Giải hu yaom  20.000 jien Thụy Điển  song sa  tác phẩm lan ar nghệ thuật kayua  nghệ nhân lan ar urang Thụy Điển Gunilla Sundström thiết kế. Nhà thơ Mai Văn Phấn ndik tapui thun  1955 di Ninh Bình. Ong  bac di sang bac  ĐH Ngoại ngữ Hà Nội, hadei di nan hu nao megru di negar Nga. Ong hu tabiak rilo tập thơ song tapuk  phê bình - tiểu luận di  Việt Nam song dom tập thơ sap Angle song sap Prang

4 * *  Di Hà Nội,   Đại sứ quán Đan Mạch song Hội Hữu nghị Việt Nam - Đan Mạch peih bruk jao giải song parang iek dom tác phẩm mek hu  giải di mbang pakacah Đan Mạch hu angan “Em vẽ giấc mơ” . Ni lac mbang pakacah brei ka anek saih tiểu học dok dalam negar , pahadar  46 thun harei padang talei pambuak bruk Việt Nam - Đan Mạch. Bruk pakacah  “ Đan Mạch dalam meta adei”ngan saong kadha  “Em vẽ giấc mơ” piah daong ka dom adei hu main sambai, patagok  bruk sáng tạo meta mong jang yau peih prong akaok sahaneng, dong kak kajap talei rohim song bruk thau jang ka ilamu di 2 negar  Việt Nam - Đan Mạch, abih di nyu nan lac ngan song rai ranaih umo 

      5 ** Dalam dom mbang pasang iek tapak meng bloh di dom huyện Nghi Xuân song Lộc Hà (Hà Tĩnh), Muinyim tỉnh Hà Tĩnh duah pataom  hu  35 janih pandap klak hu yaom glong, hu meng rilo saman karei di gauk. Tui nan, dom pandap klak hu duah mboh nan lac pandap ngak bruk meng ban yau  rìu xòe cân, thuổng, rìu lưỡi xéo, lac dom pandap di ilamu Đông Sơn. Dom ipandap ini hu bhap bini duah mboh di xã Xuân Viên, huyện Nghi Xuân song dom bhum palei jiak taphia  di chỉ khảo cổ học Phôi Phối – Bãi Cọi. Ni lac labik taom gaok di ilamu Sa Huỳnh song  Đông Sơn di gah brak Việt Nam.

6 ** Di xã palao Lại Sơn, huyện Kiên Hải, tỉnh Kiên Giang hu rah tabiak adat  Nghinh Ông Kiên Hải thun 2017. Ni lac adat meng kan yaok thun di  huyện Kiên Hải likau ka hajan siam hangin lagaih, ngak mbang di angaok tasik siam lagaih. Adat thun ini hu 2 binah, binah ngak adat hu  lễ cung thỉnh dom po yang, cầu an, cầu siêu, lễ chánh tế Nam Hải Đại Tướng Quân, lễ kiến quân. Rija Nghinh Ông song Chánh tế hu peih ngak song hu mbaok rilo urang tong ikan di angaok palao. Daok bruk me-in sambai  hu dom kadha meng kan di bhap bini ngak brei chreih chrai bhum tasik yau pakacah gaiy meng kan, pakacah ngak mbang huak song dom janih pandap mbang di tasik,  đờn ca tài tử, parang iek thaok binguk ka labik  thiên nhiên di Kiên Hải, chaoh blong, tong banh, nduac việt dã..