“ Njauk samar padang ngak dom danak dak nghệ thuật parang me-in gam gam, dom pandap du lịch ilamu siam gheih piah dui pachreih tuai damuai. Ngak mbiah tal tuk jeng meng padeih”. Akaok mintri ilamu thể thao du lịch Nguyễn Ngọc Thiện tacei y au nan dalam mbang ginun biai bahrau ni song dom urang dang akaok dom đơn vị di Mintri ka bruk patagok dom bruk ilamu, nghệ thuật song du lịch. Akaok mintri hu panuac ieu Tổng cục du lịch, Văn phòng Bộ, Cục Nghệ thuật parang me-in, Nhà hát Lớn,  Miuyim sajarah pakat negar song dom gah pambuak tal samar tame bruk padang ngak dom đề án, jalan ngak, danak dak piah jhul pakhang bruk pambuka bruk ilamu song bruk du lịch, ba dom pandap ilamu tame tour du lịch piah duh ka du lịch. Angaok dunya hu rilo negar biak jak jeng dalam bruk ngak ni.

          #/ Tui khau tin meng Cục Điện ảnh,   bruk phim Việt chiếu Tết Đinh Dậu mek hu doanh thu beir oh lac kayua tauk nhãn phân loại phim.  Dalam 5 phim chiếu dahlau song dalam tuk tết anek sak menuk, tok hu sa phim mek veik hu jien phun, 4 phim dok veik doanh thu beir, biak beir, hu phim khat trak  hadei di tuk kaoh abih phun jien. Bruk tauk angan, phân loại phim hu patrun patakik urang tame iek, min makna prong jeng dok lac phim oh ginup pren dui pachreih urang tame iek. Bruk tong yaom chất lượng phim hu chấm tui 3 thang điểm: Janih 1 ( meng 5 tal 6 điểm meteh) Janih 2 ( meng 6,6 – 8,5 điểm), Janih 3 ( meng 8,6 tal 10 điểm). Phim Tết dom thun dahlau tong abih chất lượng mek hu janih 2. Thun ni, dom phim tok mek hu janih 1 ( 5 -6 điểm), yaom lac pandar rilo chiêu trò.  

#/ Nyaom biai “Kapul lambaok quyền tác giả, quyền pambuak tal” hu Cục Bản quyền tác giả peih ngak di harei 25/2 di HN. Urang hu mbaok dalam Nyaom biai lac lambaok dom kapul, lambaok quyền tác giả, quyền pambuak tal.  Tui khoản 1, paka  56, Luật Sở hữu trí tuệ: “Kapul lambaok quyền tác giả, quyền pambuak tal” lac kapul phi lợi nhuận kayua dom tác giả, dom quyền tác giả… njauk hatai padang tagok , ngak bruk tui  hokum piah khik caga quyền tác giả, quyền pambuak tal”.

 #/ Hội Liên hiệp Văn học Nghệ thuật pambuak bruk song pasak ilamu tỉnh NT peih harei thơ VN di angaok bhum palei Ninh Thuận. Harei thơ VN thun ni hu peih akaok meng bài thơ thần “Nam quốc sơn hà” di Lý Thường Kiệt; Đảng với mùa xuân” di Tố Hữu; “Mùa xuân Phước Bình” di Trần Tuấn Hùng; dom kadha doh “Mùa xuân nho nhỏ” paneh tui ariya di Thanh Hải, “Mùa xuân bên cửa sổ” tui ariya di Song Hảo, “Em đi chùa Hương” tui ariya di Nguyễn Nhược Pháp kayua dom urang pambuak bruk pasak  ilamu tỉnh parang me-in.

    #/ Ban sit La Gi tỉnh Bình Thuận bahrau peih Harei pataom pakacah limo di xã Tân Phước, ban sit  La Gi. Bruk pakacah limo mbang ni pachreih hu 17 VĐV mai hu mbaok, rilo meng lac urang nong, radeih limo bo urang pandar yaok harei lac radaih piah ngak mbang duah jien  nan ye bruk điều khiển limo dalam tuk pakacah biak gheih. Bruk chreih chrai bui sambai di mbang pakacah rah tabiak meng di tuk peih tabiak tal tuk puac di abih. Harei pataom pakacah hu ba mai ka urang maong dom pha lái đò biak gheih gam song dom mbang parang iek biak mekre. Tapa nan, ban sit La Gi jeng hu yaih khan tal tuai damuai janih thể thao meng kan, pambuak song du lịch tasik.

# Meng kreik bilan 4 tui saka ia bilan meng tal harei Vía Bà Chúa Xứ núi Sam, min meng tết Nguyên đán Đinh Dậu mbiah tal ni, tuai damuai meng grauk labik tuh mai ban sit Châu Đốc rilo biak rilo. Dalam 11 harei ( meng harei 1 bingun tết tal harei 11 bilan sa) hu labaih 400.000 tuai damuai mai tal labik du lịch núi Sam ( oh kuhria tuai damuai nao radeih mô tô). Dut song dom thun dahlau, tuai damuai mai tal labik ni rilo jang 12- 15%. Kayua tuai  tagok glong dalam harei car, harei adit, nan ye bruk khik caga siam mekre ka tuai damuai, an ninh trật tự gah dalam song langiu labik Miếu Bà “quá tải”.Ni jeng lac makna ba tal bruk dom nyaom, urang lợi dụng pablei salih oh njauk yaom kaom, dui, ieu tuai damuai./.