#/ Mintri ilamu thể thao song Du lịch hu pabak 07 inem krung ilamu phi vật thể tame angan inem krung ilamu phi vật thể pakat negar. Tui nan, dom inem krung hu pok brei agan lac inem krung ilamu phi vật thể pakat negar mbang ni daok dalam 3 janih lac, rija roya meng kan, adat cambat XH song tín tanarakum, nghệ thuật parang me-in, dok di dom tỉnh ban : Thái Bình, Lào Cai, Phú Yên, Hà Nội, Hà Giang song Thanh Hóa.Yau nan, urak ni, hu 174 inem krung ilamu phi vật thể dalam negar hu ba tame angan inem krung phi vật thể pakat negar.

#/ Danak dak harei patom du lịch palei ngak meng kan HN – Việt Nam thun 2016 hu rah tabiak meng harei 29/9 tal harei 2/10, di Khu di tích Hoàng Thành Thăng Long - Hà Nội, ngan song kadha ““Hà Nội – gheih mekre palei ngak meng kan”. Harei patom lac bruk ngak ilamu, du lịch dong yaik khan, khik ramik, pok meyaom song patagok dom palei ngak thủ công meng kan pambuak song du lịch di ban ine HN, dom tỉnh, ban dalam negar. Ni jeng lac tuk piah ka dom palei ngak, dom DN palei ngak meng kan, dom DN du lịch taom gaok pambuak bruk, patagok pandap du lịch, pandap ngak meng kan song rilo bruk karei karei.

#/ Harei patomcà phê Buôn Ma Thuột mbang ka 6 thun 2017 tui kuhria hu peih tabiak meng harei 8/3 tal harei 13/3/2017 di ban Buôn Ma Thuột, tỉnh Đắk Lăk. Harei patom hu dom danak dak, dom asal kadha yau: Nyaom darak pasa, parang iek gah cà phê, Nyom biai xúc tiến đầu tư bhum Tây Nguyên thun 2017; peih ginum biai ka cà phê, rija angaok jalan, Harei pakacah urang nong gheih,  Pataom pakacah limen song gaiy  độc mộc; menyum ca phê brei saoh.

#/ Di huyện đảo Phú Quốc, tỉnh Kiên Giang dok parang iek thaot binguk ngan song kadha “Văn Miếu - Quốc Tử Giám Thăng Long  song Thơ văn Hà Tiên”. Parang iek hu jiak 100 thaot binguk, bản đồ, , thác bản bia tiến sĩ song dom  thơ văn hu yaik khan tal bhap bini bruk dak padang saong patagok di Văn Miếu - Quốc Tử Giám Thăng Long, ka bruk pakacah- khoa cử VN song dom gheih mekre di Thơ văn palei Hà Tiên…Parang iek jeng dong pabak dom bruk di thun du lịch pakat negar 2016 Phú Quốc – bhum taneran kraong Củu Long. Parang iek hu peih tabiak tal abih harei 23/10.

#/ 9 bilan di thun 2016, tỉnh AG hu taduan labaih 6 triệu tuai  du lịch dalam song langiu negar, tagok 5,6% dut song tuk vak ni thun dahlau. Piah pachreih tuai mai tal, tỉnh hu caik hatai sangka palagaih ka tuai damuai. Lingiu di nan, tỉnh dok peih bruk khik ramik song patagok inem krung ilamu bangsa, padang ngak dak harei dak rilo labik rivang main, bui sambai song dom janih pabak ka du lịch yau du lịch tâm linh, du lịch padeih padeih, du lịch sinh thái./.