1/ Dom urang khảo cổ học barau duah mboh yaok pluh mộ táng saong di vật hu niên đại avar jang samar ilamu Sa Huỳnh di inem krung khảo cổ Động Bà  Hòe, tỉnh Bình Thuận. Bruk duah mboh barau ini hu yaom biak glaong dalam gah ruah duah sajarah dak rai tapen tasik bhum kreih negar, abih di nyu nan lac ilamu bản địa di bhum taneh puac gah kreih negar. Tapa nan brei mboh lac: langiu bruk cư trú ilamu samar Sa Huỳnh yau dom mbang khảo cổ dahlau, di labik ini daok hu bruk cư trú avar jang hu niên đại atah di ini meng 2.500 - 3.000 thun.

2/ Di ban klak Hội An, tỉnh Quảng Nam barau rah tabiak danak dak taom gaok ilamu VN – NB mbang ka 14. Bruk ini yau brei mboh lac biểu tượng siam di talei pambuak bruk ngak mbang, taom gaok ilamu hu bhap bini 2 taneh ia khik ramik, patagok mbiah tal harei ini. Dalam dom harei rah tabiak lễ hội lamu VN – NB, daok hu dom bruk taom gaok, giải trí brei ka tuai damuai thau cambaih jang ka ilamu di dua bangsa VN – NB yau: parang iek dom pandap thời trang saong pandap thủ công mỹ nghệ, thaot lưu niệm saong ao Yukata saong  Kimono, pato vak Thư pháp Nhật Bản, ngak lồng đèn, gấp ba-ar Origami, gấp hala li-u… saong dom kadha me-in bhap bini uranaih Việt Nam - Nhật Bản.

3/ Di sang ilamu lao động tỉnh Lâm Đồng, Hội Mỹ thuật VN pambuak bruk saong UB bhap bini tỉnh Lâm Đồng, peih parang iek mỹ thuật Đông Nam Bộ - bhum VII, mbang ka 21. Parang iek, yaih khan tal bhap bini 154 tác phẩm, ngan saong dom kadha ka tasik, phong cảnh, ilamu dom bhum palei dalam taneh ia, di 136 tác giả mai meng 9 tỉnh dalam bhum nan lac Lâm Đồng, Đồng Nai, Bình Dương, Bình Phước, Tây Ninh, Đắc Nông, Ninh Thuận, Bình Thuận saong Bà Rịa - Vũng Tàu. Dom tác phẩm dalam mbang parang iek ini hu dom tác giả sáng tác dalam sa thun ini mai, angaok dom chất liệu sơn mài, ba-ar, kayau (sarak), vật liệu tái chế (sắp đặt).

4/ Hadei di tukvak oh tabiak mbaok kayua scandal, Siu Black mai veik saong đĩa nhạc ndung bak ilamu Tây Nguyên hu angan 'Gió bay về ngàn'. Nan  lac đĩa nhạc ndung bak ilamu Tây Nguyên, pasiam bruk klak saong barau, bruk meng kan saong bruk urak ini, brei mboh ka Tây Nguyên meng ragu ragam. Album “Gió bay về ngàn” hu 12 kadha daoh hu dua rai nhạc sĩ lac: Nguyễn Cường saong Giáng Son, palih ruah dalam jaik 100 kadha daoh vak ka Tây Nguyên. Yaok kadha daoh lac sa blah rup cih ka ceik glai saong anek menuac labik ini.

5/ Dalam dom bruk di “dom harei ilamu Philippines di Việt Nam 2016”, pahadar 40 thun harei padang talei pambuak bruk ngoại giao dua taneh ia, 12 nghệ sĩ Philippines hu danak dak parang iek nghệ thuật di VN dalam tukvak meng harei 16 tal harei 20/8. Danak dak hu parang me-in di sang daoh praong, labik 1 Tràng  Tiền, HN saong di sang daoh Lam Sơn, ban Thanh Hóa.

6/ Ngan saong bộ sưu tập “Vương triều”, urang thiết kế Võ Việt Chung lac urang akaok meti di VN saong lac lambaok duy nhất di châu Á hu jao giải thưởng “Urang thiết kế dunya gheih di abih” saong “urang thiết kế xuất sắc di thun” kayua danak dak Fashion Forward pok brei. Bruk ini barau rah tabiak di khách sạn Hilton San Diego Bayfront, California, Mỹ. Urang thiết kế Võ Việt Chung lac sa dalam 5 urang thiết kế lambaok ka dom taneh ia hu daa mai hu mbaok. Bruk  nan pachreih hu 1000 duai daa lac dom urang hu angan je, dom siêu mẫu, dom urang thiết kế, ngôi sao điện ảnh./.