Khau  tin ilamu harei  23-4

          ** “Sắc màu hòa nhập” lac angan di bruk parang iek kayua  Đại sứ quán Phần Lan di Hà Nội pambuak bruk song pasak ngak bruk kayua patagok  mbeik drei tame (IDEA) bahrau peih tabiak di muinyim urang kamei Việt Nam. Ni lac kadha pachreih tui bruk pahadar  100 thun negar Phần Lan độc lập. Parang iek hu parang tabiak 150 thoat binguk, di 30 tác giả , hu palih ruah meng 1500 thaot binguk kayua urang jaoh jo thaot eng hadei di danak dak pasram megru dui atah labaih 5 bilan dalam bruk di dự án jhul patagok bruk ba drei tame di urang jaoh jo VN. Dom blah rup thaot nan brei mboh rilo kadha ka rai duik yaok harei, bruk ngak, bhum palei, boh sang di urang jaoh jo.

* * Di mui nyim dakrai pakat negar, nhà thiết kế  Xuân Thu  hu yaih khan tal bhap bini bộ sưu tập aow tah hu angan “Pui”. Bộ sưu tập lac takai yam khang di nhà thiết kế  meng bingu la “gốm hoa nâu”  tapa  nghệ thuật sơn mài meng kan. Bingu la hu pandar rilo dalam  dòng gốm hoa nâu abhap XI-XV. Abih di nyu nan lac dom chi tiết pagam di angaok blah aow atah  “Pui” hu brei mboh tui jalan cih tranh sơn mài dahlau deih.

    * * Jiak sa ribau nghệ sĩ, diễn viên di 34 kapul nghệ thuật chuyên nghiệp dalam negar hu yam tame bruk pakacah  di  Harei pataom Độc tấu song  Hòa tấu alat ragam bangsa thun 2017 hu peih tabiak di Puac adit bloh di  ban Thanh Hóa. Harei pataom Độc tấu song  Hòa tấu alat ragam bangsa thun  2017 lac sa bruk ilamu prong piah pok meyaom, yaih khan, khik ramik song patagok dom giá trị di alat ragama bangsa . Harei pataom jeng lac tuk piah yaih khan alat ragam bangsa song dom inem krung ilamu di  Việt Nam tal tuai damuia dunya dalam APEC 2017 peih ngak di Việt Nam dalam tuk vak anak tal, tapa nan, jhul gah du lịch VN oh padeih patagok.

* * Di ban Đồng Hới, Sở Thông tin song Truyền thông  pambuak bruk song Sở pato megru , Gilang tapuk  tỉnh Quảng Bình  peih lễ phát động pamong tal harei tapuk Việt Nam mbang ka  4 song parang iek tapuk thun  2017. Tapa nan, mban peih bruk hu peih tabiak bruk pakacah  vak “ Bác Hồ  song  Quảng Bình” pamong tal bruk harei pahadar 60 thun harei Wa Hồ mai rivang  Quảng Bình. Gilang tapuk  tỉnh hu peih adit puac tapuk, parang iek jiak 1.000 akaok tapuk ginup janih. Dom nhà xuất bản, dom đơn vị phát hành tapuk jeng hu mbaok.  Harei pataom tapuk jeng hu peih rilo bruk dui pachreih hu rilo urang puac tapuk mai hu mbaok yau, pathau khan, taom gaok, yaih khan tapuk, pablei tapuk yaom lap…

    ** Sở ilamu  Thể thao Du lịch tỉnh Quảng Nam brei thau, dalam bilan 6.2017, di dom huyện bhum ceik Quảng Nam rah tabiak harei pataom parang iek phun  nêu  song taom gaok ilamu dom bangsa takik Việt Nam; Lễ hội Sâm núi Ngọc Linh mbang ka I/2017. Tui nan, Harei pataom parang iek phun  nêu song taom gaok ilamu dom bangsa takik Việt Nam hu peih tabiak meng harei 11-13/ 6  di huyện Tây Giang. Tui kuhria, harei pataom hu mbaok 20 bangsa takik hu phun nêu  đặc trưng di yaok bangsa  mai meng 17 tỉnh, ban dalam taneh ia.  Lễ hội Sâm núi Ngọc Linh hu peih ngak mbang camereip, meda rah tabiak  meng harei 10 tal 13.bilan 6 di  huyện Nam Trà My hu angan “Huyền thoại Ngọc Linh”. Dom bruk dalam harei pataom jeng hu peih ngak  yau , bruk pakacah paneh kadha doh ka bruk khik ramik glai hu pagam song  phun sâm Ngọc Linh; sáng tác thaot binguk nghệ thuật ka ilamu –anek menuac Nam Trà My.

** Hội Văn học nghệ thuật dom bangsa takik  Việt Nam pambuak bruk song Sở ilamu song Thể thao Khánh Hòa bahrau peih ngak dom bruk salam uan “harei ilamu dom bangsa  Việt Nam” dalam tỉnh. Tapa nan hu rilo bruk ilamu thể thao ndung bak ilamu meng kan yau: parang iek thaot binguk, parang me-in nghệ thuật, pakacah pandap mbang huak bhap bini, hội thao dom bangsa takik. Hadei di nan, lac danak dak daoh tamia, hu mbaok dom kapul doh tamia  yau Hải Đăng (Khánh Hòa), doh tamia bangsa tỉnh Quảng Ngãi, Nghệ thuật bhap bini Chăm Ninh Thuận, Doh tamia bangsa tỉnh Sơn La

** Di ban raya  Hồ Chí Minh  hu rah tabiak harei pataom ilamu dom bangsa  Việt Nam  kayua Hội Liên hiệp dam dara Việt Nam ban raya  Hồ Chí Minh peih ngak.  . Harei pataom ilamu lac  bruk ngak yaok thun, piah pamong tal harei ilamu dom bangsa Việt Nam  (19.4), tapa nan pathau khan, yaih khan tal hội viên, dam dara ka  ilamu meng kan di dom bangsa Việt Nam  , dong khik ramik song pok meyaom ilamu meng kan, patagok talei jum pataom dom bangsa. Harei ilamu hu pok meyaom 51 dam dara bangsa takik naih gheih thun ni dalam dom bruk yau bac megru, ngak bruk  song kham merat hu mbaok tame dom bruk ngak di palei pala./.