1/ Harei pataom tamia dunya 2017 barau tamat bloh di pasak nyaom meyai tỉnh Ninh Bình. Harei pataom tamia dunya 2007 hu mbaok 24 kapul nghệ thuận VN saong dunya, lac dom kapul mai meng Nga, Nhật Bản, Hàn Quốc, Trung Quốc, Ai Cập, Lào, Campuchia, Indonesia, Malaysia, Myanmar, Singapore, Colombia, Bangladesh saong Philippines.

2/ Harei pataom ilamu bangsa Dao pakat negar mbang ka sa saong Lễ hội Thành Tuyên thun 2017 bu rah tabiak dalam dua harei 29 saong 30-9 di tỉnh Tuyên Quang ngan saong ilo bruk ngak ilamu, thể thao, du lịch chreih chrai. Harei pataom hu mbaok 12 tỉnh, ban saong dom kapul lambaok dunya, dom puk palei, hu pambuak bruk saong tỉnh Tuyên Quang, hu peih ngak piah pok meyaom dom yaom glaong ilamu meng kan siam mekre di bangsa Dao dalam ilamu di bhap bini 54 bangsa VN.

3/ Di rạp Hồng Hà, Hội Nghệ sĩ sân khấu Việt Nam, pasak ruah duah khik ramik saong patagok ilamu bangsa, sang daoh Tuồng Việt Nam barau peih bruk pahadar 110 thun harei palang lihik di nhà soạn tuồng, danh nhân ilamu Đào Tấn. Di var peih bruk, Giáo sư Hoàng Chương – Tổng Giám đốc pasak ruah duah khik ramik saong patagok ilamu bangsa, ndom lac: “Đào Tấn hu caik veik ka bangsa sa inem krung ilamu biak praong, biak rilo kịch bản Tuồng, vở diễn Tuồng saong văn, thơ jeng yau lý luận ka sân khấu oh thei samu”.

4/ Harei 28-9 tal, pasak khik ramik inem krung Thăng Long - Hà Nội hu peih sa danak dak trung thu bak inem mek meng kan brei ka uranaih di Hoàng thành Thăng Long. Oh lac pamaong tal bruk sambai Tết Trung thu, mban peih bruk daok caong khin tapa dom bruk ngak di danak dak, dom adei hu thau jang ka ilamu meng kan VN.

5/ Di Hà Nội hu rah tabiak bruk peih pakak đoạn tranh lan am di jalan lan am, kayua họa sĩ Chile dane angan dunya, ong Alejandro Mono Gonzalez thiết kế. Lac sa nghệ sĩ suh sah ka dom bruk di XH, thar vak di bangsa, họa sĩ Alejandro Gonzalez hu ba tagok dom tác phẩm tranh tường di ong dom panuac ndom tal menuac urang ka dom caong khin hadah hadai dalam talei rohim di anek menuac saong anek menuac, di anek menuac haong XH. 

6/ Tui panuac khan di Cục Điện ảnh, bộ phim “ame gui anek” di đạo diễn Lương Đình Dũng hu palih ruah lambaok ka điện ảnh Việt Nam nao pakacah giải Oscar di hạng mục Phim negar langiu. Phim ndom ka sa uraniah likei daok di bhum glaong angan lac Cá ngan saong dom caong khin di uraniah njauk ruak ung thư. Ame di Cá hu rah tapa jalan atah piah ba adei nao tal ban raya caong khin daong adei tabiak truh ruak kan kandah.

7/ Melam jao giải Emmy mbang ka 69 hu tame dalam sajarah jao giải tuk ralo ngôi sao, series phim, danak dak hu xác lập dom jy3 lục barau dalam gah truyền hình Mỹ. Gam saong dom giải:  Oscar (điện ảnh), Grammy (âm nhạc) saong Tony (sân khấu, kịch), Emmy lac sa dalam dom bruk jao giải hu cang maong abih di dom nghệ sĩ Mỹ gah truyền hình. Thun ini Stephen Colbert hu jao bruk lac urang dang tabiak peih bruk./.