1/ Thủ tướng Nguyễn Xuân Phúc barau hu chỉ thị pasiam veik  bruk khik iek peih ngak  lễ hội, bruk pahadar  di gah ilamu brei thau. Chỉ thị ndom cambaih: “Taphia dom bruk ngak hu, bruk khik iek saong peih lễ hội jeng daok dom yếu kém brei pasiam veik yau: pagam pambak tame lễ hội piah duah laba,  peih praong bruk padang lễ hội tui hatai; padang veik lễ hội min ngak sung dom adat cambat meng kan; biểu hiện bảo lực, phản cảm yau tak pabui, tuan kabau,  meriak gauk meblah lộc”. Thủ tướng pandar akaok mintri, Thủ trưởng jabat samu Mintri, jabat di rajaei, akaok UB bhap bini dom tỉnh, ban di TƯ peih lễ hội, peih bruk pahadar harei padang tagok, harei ilamu meng kan hu praong prang, patak pataom, an toàn, kein lagaih, klah phô trương, hình thức, palai pajoa; lagaih saong ilamu di bangsa, adat cambat tanarakun siam mekre di yaok puk palei.

2/ Sang daoh Kịch VN barau hu sa mbang taom gaok gah báo chí truyền thông  khan brei thau bruk parang iek dalam bilan 2 saong bilan 3 ngan saong sa dàn kịch mục hu dom vở chính kịch. Bruk njauk meyai nan lac gah likuk bruk tabiak mbaok mbang ini, hu sa gah daong  dane angan siam lagaih dalam bruk parang iek, nan lac Công ty cổ phần yaih khan ilamu Đông Đô taduan pablei harak ka 10 melam parang iek vở Kiều ngan saong yaom oh lac biar; Meng 300 tal 400 ribau đồng sa harak. 3 melam parang iek di Kiều pablei abih harak saong daok hu rilo menuac caong blei harak tame iek, tapa nan brei mboh siam lagaih meng bruk pambuak gauk khang kajap di sang daoh saong gah peih bruk parang iek.

3/ Tỉnh Quảng Ngãi hu peih bruk brei thau labik khik ramik tasik Lý Sơn. Tui nan, abih tih phun jien buh tame ka labik khik ramik tasik Lý Sơn labaih jaik 34 tỉ đồng. Vành đai khik caga labik khik ramik lac labaih 2.500ha vir taom dar piah khik kajap an toàn dalam tukvak khik ramik tasik. Dom bruk khik caga môi trường, pacang cakak cap mek sinh vật sung hukum; pasiam veik hệ sinh thái, ruah duah, pasang iek, khảo cổ; patagok bruk du lịch bhap bini hu peih ngak dalam danak dak khik ramik tasik. Labik khik ramik tasik Lý Sơn hu peih ngak dalam 7.925ha, dalam nan taneh mbaok ia tasik lac 7.113ha. Ini lac labik khik ramik tasik ka 16 di VN.        

4/ Di miuyim Mỹ thuật ban  Hồ Chí Minh daok parang iek labaih 300 blah rup cih tui rilo janih, rilo gah… di 160 nghệ sĩ 3 bhum brak – kreih negar – meraong. Dalam nan, biak ralo họa sĩ  ranaih umo mbang akaok meti hu parang iek di labik ini. Parang iek hu angan ieu lac “brak meraong pataom gauk” dalam tuk yaih khan dom tác phẩm di dom nghệ sĩ ranaih umo piah pamaong tal sa darak pasar tranh trẻ, chreih chrai saong patagok jang pak di sân nhà. Labik ini hu iek yau sa mblang me-in ka họa sĩ ranaih umo hu jalan piah hu mbaok tame. Dalam luac tukvak rah tabiak parang iek hu bruk taom gaok, ndom biai nao mai di dom họa sĩ saong dom urang sưu tập, bhap bini mai rivang iek.    

5/ Pasak ilamu Hàn Quốc di Việt Nam saong Heritage Space pambuak bruk peih parang iek  “Ranh giới vô định”   yaih khan ka nghệ thuật đương đại di VN saong HQ, tuk dua taneh ia pahadar 25 thun padang talei pambuak bruk ngoại giao. Parang iek hu rah tabiak meng harei 3 tal harei 31/3, di pasak ilamu HQ di VN saong Không gian Di sản Heritage Space. Parang iek hu yaih khan tal urang mai maong iek dom tác phẩm ralo thể loại yau hội họa, nhiếp ảnh, sắp đặt, rup thaot... di 8 nghệ sĩ, urak ini daok ngak bruk nghệ thuật dalam saong langiu taneh ia. Parang iek lac jalan peih tabiak piah mboh hu dom hatai sahneng đa sắc đa chiều di nghệ sĩ dua taneh ia Á Đông Việt Nam saong Hàn Quốc.   

6/ Disney On Ice hu mai veik VN meng harei 22 tal harei 26/2 ngan saong kadha “Dunya diệu kỳ”. Dom bộ phim hoạt hình Disney krein randap hu parang iek tapak anak meta khán giả di sân băng nhân tạo dalam sang pakacah Thể dục thể thao  Phú Thọ  ban raya Hồ Chí Minh. Dom khán giả VN hu dom trải nghiệm tapa 8 vở kịch gam saong labaih 50 nhân vật Disney hu urang biak takre yau  chuột Mickey, Minnie, vịt Donald, Goofy saong kadha barau lac  bộ phim Finding Dory ngak pandiak thun bloh. Peih danak dak Disney On Ice, Disney hu caik sa var peih tal pato trượt băng ka dom adei meng 7 đến 15 thun piah pato brei thau trượt băng nghệ thuật ./.