1#  Mintri VHTTDL hu harak njauk hatai haong panuac likau di UBND tỉnh Ninh Thuận ka bruk padang ngak Hồ sơ Nghệ thuật ngak lan am meng kan di urang Cam pok tagok UNESCO pasang iek ba tame angan Inem krung ilamu phi vật thể njauk khik caga chip. Dalam harak payua UBND tỉnh Ninh Thuận, Mintri VHTTDL tacei lac, dalam tuk padang ngak hồ sơ, Sở VHTTDL tỉnh Ninh Thuận saong Phân viện Văn hóa Nghệ thuật Quốc gia Việt Nam di ban raya Hồ Chí Minh (lac gah hu UBND tỉnh Ninh Thuận pok panuac pambuak gauk ngak hồ sơ) njauk pasang iek, roh duah saong da-a dom puk palei hu ngak lan am meng kan di urang Cam pataom mbaok tame..

2# Bruk pablei harak mek jien di harei pataom ginuh kubao Đồ Sơn, Hải Phòng meng bloh, Mintri VH-TT saong Du lịch mboh lac suan adat hukum. Mintri ini jeng hu panuac caong UB bhap bini ban sit Hải Phòng tacei pato dom jabat chuyên môn ngak catang tui Công điện ka 240 harei 21.2.2018 di Thủ tướng Rajaei, dalam nan: “Pacang klaoh bruk thương mại hóa dom lễ hội, peih dom bruk ngak gam tal bạo lực, phản cảm. Pambuak gauk khik iek catang dom dịch vụ, pacang cakak bruk tagok yaom, dui ieu, kateik greik tuai di dom labik du lịch, lễ hội” saong dom adat hukum urak ini ka bruk khik rmik saong peih ngak lễ hội; khik ka lễ hội rah tabiak dalam siam mekre, kein laba, văn minh; rik daong yaih khan dom ilamu siam mekre di puk palei haong bhap bini saong tuai damuia dunya.

 3# Meng harei 30/8 tal harei 8/9, di miuyim Mỹ thuật Việt Nam, Cục Mỹ thuật, Nhiếp ảnh saong parang iek (Bộ VHTTDL) hu peih parang iek dom tác phẩm mỹ thuật, nhiếp ảnh di dom urang hu pok brei Giải thưởng Hồ Chí Minh, Giải thưởng Nhà nước. Tui nan, parang iek hu parang tabiak kadha di 13 tác giả, dalam nan hu 2 tác giả hu pok brei Giải thưởng Hồ Chí Minh 2016 lac: Lương Nghĩa Dũng (nhiếp ảnh), Tạ Quang Bạo (điêu khắc) saong 11 tác giả hu pok brei Giải thưởng Nhà nước 2016 lac: Nguyễn Bích, Cổ Tấn Long Châu, Bửu Chỉ, Lê Lam, Đỗ Sơn (họa sĩ); Phan Gia Hương, Nguyễn Văn Quế (điêu khắc); Nguyễn Hữu Cấy, Hứa Thanh Kiểm, Lâm Tấn Tài, Mầu Hoàng Thiết (nhiếp ảnh).          

4# Harei Kate di urang Cam Ahier thun 2018 lac meng harei 7-9/10 tal. Tui nan, pasak parang iek ilamu Chăm huyện Bắc Bình, tỉnh Bình Thuận meda peih ngak dom bruk yau ye: parang iek pandap panda, harak gar tài liệu Chăm klak; pakacah ngak ahar naong ya saong ramik pandap paling yang; trình diễn ngui cuk khan ao meng kan, peih pakacah tamia Cam meng kan yau ye tamia Biyen (múa chim công), Chron (múa gà tây) saong Balaiy (múa bóng) tui ragam ragu Cam… duh ka bhap bini.     

5# Labaih 2.000 nghệ nhân, urang daoh tamia, urang me-in alat ragam, vận động viên quần chúng, bhap bini bangsa di 13 tỉnh bhum kreh negar daok mai tal harei pataom ilamu dom bangsa bhum kreh negar mbang ka III thun 2018 rah tabiak di ban sit Tam Kỳ, tỉnh Quảng Nam meng harei 24 tal harei 27/8. Tui Ban

tổ chức, dom danak dak di harei pataom mbang ini hu pilih ruah siam, hu rilo kadha bahrau, siam lagaih, pabak caong khin di bhap bini. Lingiu di nan, daok paglaong ilamu, patagok yaom glaong ilamu meng kan ngan saong dom tiến bộ di saman bahrau…

6# Tui bruk nan, Miu-yim ilamu dom bangsa Việt Nam hu parang tabiak labaih 200 harak gar hiện vật gốc lac inem krung ilamu meng kan saong bahrau ini di bhap bini dom bangsa Việt Nam, ngan saong kadha: “Ilamu dom bangsa bhum kreh negar dalam bhap bini dom bangsa Việt Nam”. Ini lac dom tài liệu hu pilih ruah dalam yaok ribau pandap, harak gar daok hu khik piah dalam kho cơ sở di miu-yi

6# Thun ini , nyaom darak pasar Du lịch Quốc tế TP.HCM (ITE HCMC 2018) hu peih praong tagok  40 negar saong bhum lãnh thổ, pachreih hu 375 đơn vị hàng không, khách sạn, labik padeih padei, dom công ty lữ hành. Danak dak kayua Mintri ilamu Thể thao saong Du lịch pambuak bruk haong UBND TP.HCM dang tabiak ngak. Nyaom darak pasar 2018 caong peih praong bruk dui pachreih tuai du lịch dunya di 4 bhum praong lac: Đông Bắc Á, Bắc Mỹ, châu Âu saong Đông Nam Á, piah pakhang tagok bruk yaih khan du lịch meng thun 2018 tal thun 2020. Nyaom darak pasar rah tabiak meng harei 6 - 8.9 di SECC (quận 7)./.