1/ Salam uan 62 thun harei peih paha ban ine (10/10/1954 – 10/10/2016), Hội Mỹ thuật Hà Nội daok peih parang iek mỹ thuật ban ine  2016 di pasak parang iek ilamu nghệ thuật VN. Parang iek mbang ini hu 250 tác phẩm di 250 tác giả di dom thể loại hội họa, đồ họa, sarak, ralo meng lac brei thau ka rai diuk, anek menuac ban ine dalam samar salih barau. Rilo nghệ sĩ hu palih kadha pok meyaom ilamu hadah hadai di ban ine dalam bruk đấu tranh khik caga taneh ia palei negar, taphia di nan lac dom tác phẩm brei mboh phong cảnh, inem krung sajarah dak rai – ilamu di HN. Parang iek hu rah tabiak tal harei 11/10.

2/ Lễ hội baha keo hu rah tabiak dalam 6 harei, meng harei 10/10 tal harei 15/10 di huyện Vũ Thư, tỉnh Thái Bình.  Lễ hội rah tabiak njauk tuk pahadar  1000 thu harei menek quốc sư Dương Không Lộ (1016-1094) saong dom urang hu buh pren yava dak padang baha keo. Nao tapa jaik 400 thun, baha keo jeng daok khik hu yau tamo dom kiến trúc biak mekre hu meng abhap 17.

3/ Mintri ilamu saong DL barau đề nghị UB bhap bini dom tỉnh, ban patui pabak saong patagok gilang tapuk lưu động thư viện tỉnh ba brei dom puk palei, rik daong paglaong akaok sahneng di bhap bini. Langiu di nan, Mintri ini jeng đề nghị dom puk palei patui pabak saong patagok gilang tapuk luân chuyển piah daong siam lagaih abih ka dom thư viện tỉnh, ban ngak salah bruk hu jao, rik daong tame bruk duh danak dak padang ngak palei pala barau saong paglaong akaok sahneng di bhap bini.

4/ Di tỉnh Thừa Thiên – Huế, mintr Thông tin saong Truyền thông peih pasram megru pathau khan ka tasik, pulao khik caga chủ quyền Hoàng Sa saong Trướng sa ka urang jakar thông tin cơ sở 14 tỉnh tapen tasik bhum kreih negar piah paglaong akaok saneng di dom pakat, dom ngành saong dom rai rah bhap bini ka labik dang praong di tasik, pulao. Di var pasram megru, dom urang hu pang yaih khan ka pren khang kinh tế tasik, pulao VN dalam bruk di dunya saong khu vực urak ini; adat hukum brei mboh chủ quyền Hoàng Sa, Trường Sa di VN jeng yau jalan pathau khan ka tasik, pulao, chủ quyền tasik, pulao VN dalam tukvak barau.

5/ Piah khik ramik, patagok ilamu bangsa Mông saong piah ngak pachreih tuai DL, UB bhap bini tỉnh Hà Giang barai mbaoh tangin tame đề án “palei ilamu DL bhap bini bangsa Mông” di palei Pả Vi Hạ, xã Pả Vi, huyện Mèo Vạc. Palei ilamu DL bhap bini bangsa Mông hu padang ngak di labik taneh praong 4,6 ha ala takai đèo Mã Pì Lèng, hu ngak tui mô hình HTX dịch vụ  DL bhap bini hu mbaok di 30 baoh sang urang Mông./.