1/ Thủ tướng rajaei barau mboh tangin brei ngak danak dakbruk ngak patagok  ilamu tukvak 2016 - 2020. Danak dak lac khik ramik saong patagok yaom glaong dom inem krung ilamu hadah krah di bangsa pamaong tal bruk dak padang ilamu VN tiên tiến, mbak carak ilamu bangsa. Kham merat tal thun 2020, danak dak hu daong pabak, pasiam 20 inem krung ilamu dunya, inem krung pakat negar đặc biệt saong dom inem krung pakat negar hu yaom glaong, brei peih ngak dahlau bruk khik ramik, patagok ilamu meng kan di 16 bangsa takik hu menuac ala 10.000 urang.  

2/ Bruk pakacah “Sap daoh ASEAN 2017” mbang akaok meti hu peih tabiak meng harei 18 – 21/8 di labik padeih padei  FLC Sầm Sơn, Thanh Hóa. Bruk pakacah kayua rayo sap ndom VN peih tabiak tuk pahadar 50 thun padang ASEAN saong pahadar 72 thun harei padang rayo sap ndom VN. Sap daoh ASEAN 2017” lac bruk pakacah nhạc Pop brei ka dom ca sĩ ranaih chuyên nghiệp hu umo meng 18 tal 35 thun mai meng 10 taneh ia ASEAN.

3. “Sajarah Việt-12 khúc tráng ca” lac baoh tapuk di Phan Dũng barau tabiak mbaok urang puac tapuk di ban raya Hồ Chí Minh. Nan lac baoh tapuk camereip abih di Phan Dũng. Oh yau dom baoh tapuk sajarah dak rai meng kan, baoh tapuk ka 12 urang anh hùng dalam sajarah dak rai phong kiến VN hu vak tui jalan vak dung dị, langyah sâu sắc. Baoh tapuk hu caong lac mai jaik jang hong rairah dam dara sangka tal sajarah dak rai bangsa. 

4. Gah Du lịch dunya di LHQ barau ba tabiak angan dom taneh ia patagok DL samar abih dunya, dalam nan, VN dang ka 7 dalam 20 taneh ia daok patagok DL khang. Dahlau nan, VN hu ralo mbang tame top taneh ia biak siam lagaih piah DL kayua dom tạp chí, blah web saong chuyên gia DL negar langiu hu angan je palih ruah.

5. Di pasak parang iek Hòa Bình, ban Đà Lạt, họa sĩ Võ Trịnh Biện hu peih parang iek rup cih nghệ thuật cih meng baoh tangin ngan saong kadha “Linh hồn màu sắc”. Parang iek yaih khan 36 blah rup cih hu palih ruah dalam labaih 100 blah hu họa sĩ Võ Trịnh Biện cih meng thun 2015 tal ini. Parang iek peih pabah mbang brei tame iek saoh tal abih harei 12/7/2017./.