1/ # Di palei ilamu, du lịch dom bangsa Việt Nam (Ðồng Mô, Sơn Tây, Hà Nội) bahrau rah tabiak danak dak Giấc mơ Chapi ngan song rolo bruk ngak yaih khan ilamu di bangsa Ra Glai  tỉnh Ninh Thuận. Di labik ni hu brei mboh veik bruk ngak Chapi, đan gùi song main Chapi; dom nghệ nhân yaih khan, tacei pato tuai du lịch ngak Chapi.

2/ # Meng ni tal harei 31/7, di Muinyim urang kamei  Việt Nam (Hà Nội) hu parang iek thaot binguk "Dom boh sang bình đẳng Việt Nam". Parang iek hu 20 blah thaot binguk palih ruah meng  yaok ribau blah hu mbaok tame mbang pakacah thaot binguk pakat negar, kayua Ðại sứ quán Thụy Ðiển di Việt Nam pambuak bruk song mintri Ilamu, Thể thao song  Du lịch peih ngak meng bilan 3 thun ni. Blah rup thaot ‘Klah rabha bruk ngak” di  (Nguyễn Hữu Thông) mek hu giải nhất. Dom blah rup thaot ba tabiak parang iek ini brei mboh bruk bình đẳng dalam xã hội Việt Nam, meng bruk dom urang dalam sang klah rabha bruk ngak, ame pato anek caluia ia tal duik pasang ba gauk ngak bruk song iek glang anek nhik.

3/ # “Bầu trời đỏ” lac bộ phim  di đạo diễn Oliver Lorelle (Pháp) hu quay di dom labik danao Ba Bể (tỉnh Bắc Kạn) song vil va bhum Đồng Văn, Mèo Vạc (tỉnh Hà Giang). Bộ phim ndom ka bruk meyut meyau di sa urang lin  Prang song anai kamei Việt minh hu mbaok dalam mbang mesruh metak  njauk saai chap ngak  tù binh. Mboh pandik harao tuk thau drei njauk “tra tấn’ anai kamei ranaih, saai khang hatai nduac klak song anai dalam tuk daok di kreh glai ram …Phim hu chiếu di dom rạp dalam negar Prang  di harei 19/7 song di Việt Nam dalam bilan 10/2017.

4/ # Meng harei 24/6 tal harei 30/7, dalam taneh ia,  Adit  phim pahadar  70 thun harei  Thương binh- Liệt sĩ kayua Cục Điện ảnh dalam Mintri Ilamu The thao saong Du lich dang tabiak ngak.  Dom  phim hu ba tabiak chiếu dalam adit  phim hu: phim truyện Mắt biển; phim tài liệu K10; Ta còn gửi lửa trong than; Tầng sâu bình yên.

5/ # Vở nhạc kịch Cây sáo thần hu parang me-in veik di ban raya Hồ Chí Minh  dalam 2 melam  30/6  song 1/7 di Nhà hát Thành phố. Ni lac  vở nhạc kịch opera ndung bak dalikan, hu patagok meng hài kịch cổ Đức, ndom ka bruk meyut meyau. Dalikan ndom tal gah đối lập song thống nhất di bruk jhak saong bruk siam, di harei song melam, di likei saong kamei,  di  đam mê song  ý chí…piah nao tal hu meyut meyau, dalam nan Tamino song Pamina njauk yam tapa rilo kan kandah, glaih glar.

6/ # “Cô gái đến từ hôm qua”  lac hu ngak tui truyện dài  di  nhà văn Nguyễn Nhật Ánh, sa tác phẩm brei ka umo anek saih, lac bộ phim ka anek saih hu cang maong di abih dalam thun ni . Đạo diễn Phan Gia Nhật Linh hu payua dom inem mek siam di abih dalam umo ranaih  tame phim điện ảnh ni. Phim oh lac  sa bộ phim di anek saih, bo nyu daok pachreih urang maong meng bruk naih gheih di đạo diễn, saong daok hu ba sap klao tapa dom bruk hài duyên dáng. Phim hu chiếu meng harei  21/7 anak tal.

7/ # Mintri ilamu, Thể thao song Du lịch bahrau tabiak harak công nhận 7  inem krung ilamu phi vật thể pakat negar di 3 janih lac: rija meng kan; bruk ngak thủ công meg kan; adat cambat tanarakun saong tín ngưỡng. Dom inem krung hu pok brei angan mbang ni hu : Lễ hội Nàng Hai bangsa Tày (Tiên Thành, Phục Hòa, Cao Bằng); lễ hội đền Lảnh Giang (Mộc Nam, Duy Tiên, Hà Nam); lễ hội đền Chiêu Trưng (di 2 huyện Thạch Hà song Lộc Hà, Hà Tĩnh);  Ka tê bangsa  Chăm (Ninh Thuận); brukngak lan an urang  Chăm palei  Bàu Trúc (Ninh Phước, Ninh Thuận); lễ hội Trò Chiềng (Yên Ninh, Yên Ðịnh, Thanh Hóa); rija doh uan ala phun Bông bangsa  Thái (Xuân Phúc, Như Thanh, Thanh Hóa)./.