1# Tui dự thảo Thông tư  pasiam, pabak dom paka di bruk tuyển sinh trung học cơ sở saong trung học phổ thông bo Mintri Pato megru bahrau ba tabiak, hu klaak bruk lac Sở Pato megru cộng điểm khuyến khích ka anek saih tuk pilih ruah tame tal bac 10. Dự thảo  daok hu mintri pato megru ba tabiak mek panuac rik daong tal abih harei 18/2.

             2 # Pachreih tui bruk  Bộ đội Biên phòng rik pren tame padang ngak palei pala bahrau, dalam thun bloh, gah Biên phòng tỉnh Gia Lai hu dong ka  3 boh sang mik va bangsa takik tapa kan kathaot, padang ngak 5 boh sang ka dom sang sarak karja. Taphia di nan, Bộ đội Biên phòng daok dong raong suai lavik  48 kamuan di labik tapen negar dalam danak dak “Daong adei tal sang bac”, peih bruk nao rivang, alin brei pandap di tuk lễ, Tết ka urang kan saong yaom jien abih tih labaih  200 triệu đồng.

3# Phòng Cảnh sát môi trường Công an Tây Ninh pambuak bruk haong đội quản lý thị trường ka 3, Thú y huyện Hòa Thành pasang iek labik pablei ralo limo Kim Chi di pasak pablei salih Long Hoa, Hòa Thành kayua amuk Nguyễn Thị Kim Chi ngak po. Di labik ini, kapul pasang iek mek mẫu ngẫu nhiên meng 20kg ralo limo daok hu pablei di sạp dut iek mboh hu hàn the. Kapul duah mboh 40kg klik limo oh hu nhãn mác;  dalah limo 23 kg, taong abih jeng oh hu harak gar hóa đơn, oh thau asal di nyu. Urak ini, bruk nan daok hu ngak brei cambaih laih.

          4 # Ủy ban MTnegar Việt Nam tỉnh Hậu Giang brei thau, thun 2018, daok brei jhul khang bruk pathau khan, jak ba bhap bini  ngak tui dom sarak di  Đảng, hukum di karj, peih ngak siam dom harei rija roya prong di taneh ia. Gam song nan, MT negar tỉnh pambuak bruk song dom gah  chức năng  peih ngak danak dak patrun kathaot khang kajap, peih bruk pakacah “Abih labik dalam taneh ia ba gauk daong ka urang kan kathaot – oh caik ka urang halei dok veik gah likuk”

5 # Ada lac 1 dalam 5 janih kaya nong hu tỉnh Đồng Tháp pilih ruah dalam danak dak rami ramik veik bruk ngak nong di tỉnh. Urak ini,, tỉnh hu labaih 6 triệu drei ada, raong  rilo di abih lac huyện Tháp Mười saong Cao Lãnh. Piah patagok tapon ada, tỉnh Đồng Tháp daok pasiam bruk raong eng saong raong sit sot. Jak ba urang raong tui jalan raong siam, chất lượng, hu dut iek jit ruak, khik kajap bruk  an toàn thực phẩm. 

 Patui di ni dom khau tin dunya

        6   # Giáo hoàng Phrăng-xít (Francis) harei  8/1 hu panuac ieu dom negar pachreih tui dom bruk kham merat ginum biai, piah patrun bruk daok catang tagok di angaok palao kaoh  riều Tiên,  kham merat ka  sa thỏa thuận oh brei pandar vũ khí hạt nhân.

 7 # Ủy ban cakrok saong salih bahrau negar di của Trung Quốc    bahrau brei thau lac meng harei 1/2 tal harei 12/3, hu 3 tỷ mbang nao dalam bilan nao mai praong abih di taneh ia tuk Tết Nguyên đán 2018. Bruk nan dreih yau thun bloh. Tui nan, menuac sia Trung Quốc meda hu jaik 2,5 tỷ mbang nao meng jalan mbak, 390 triệu mbang nao meng radaih pui saong 65 triệu mbang par meng kapal haoh.  

     8  # Dalam thun  2017, dom muinyim  di negar  Italy hu taduan raok tuai  rilo di abih labaih 50,1 triệu mbang, song yaom jien mek hu tagok tal jiak  200 triệu euro. Dalam nan, dang akaok  lac Đấu trường La Mã (Coliseum) hu labaih  7 triệu mbang tuai mai rivang  . Patui di nan lac ban klak  Pompei hu 3,4 triệu mbang. Lazio lac bhum taneh dui pachreih tuai rilo di abih hu labaih  23 triệu mbang ./.     

                                                                            Hanipha/VOV-TPHCM