1# Paglaong bruk pato bruk ngak lac sa dalam dom bruk praong daok hu Bộ Lao động Thương binh saong Xã hội pataom tame ngak.  Piah paglaong ilamu ngak bruk saong patagok bruk hadah krah di urang ngak, Bộ Lao động Thương binh saong Xã hội hu tabiak Thông tư brei adat doanh nghiệp hu mbaok tame dalam bruk pato pakai. Gam saong nan, ralo jalan ngak jeng hu Bộ ba tabiak piah jhul patagok bruk xã hội hóa pato bruk ngak. Ông Lê Quân, Thứ trưởng Bộ Lao động, Thương binh saong Xã hội brei thau: Salih bahrau bruk patao bruk ngak lac bruk praong di gah LĐTBXH saong bruk pambuak gauk meda daong ka labik pato bruk ngak hu pambuak bruk haong doanh nghiệp piah daong ka urang bac bloh duah hu bruk ngak.

2 # Ubbhap bini  tỉnh Tây Ninh bahrau mbaoh tangin brei adat ka bruk tuyển sinh thun bac  2018-2019 di sang bac gam bac gam dok tỉnh Tây Ninh. Tui jalan ngak, anek saih hu pilih ruah bahrau akaok pakat tame tal  6, tal  10 lac thanh thiếu niên bangsa takik dok dalam  tỉnh, hu hộ khẩu thường trú song daok tani tanat meng 3 thun tagok . Tanut  tuyển sinh ngan song tal  6 lac 67 anek saih; tal 10 lac 102 anek saih, dalam nan hu 61 anek saih tal  9 dok bac di sang bac . 

3# Labaih meteh thun bloh kluhrai meng tuk rah tabiak bruk ia nduac ngak glut jaleih haluk, mbuan ba tal jaleih sang bhap bini di xã Hố Nai 3, huyện Trảng Bom, tỉnh Đồng Nai. Makna hu thau lac kayua kayua cống pataom tahuak ia di jalan roya 1A nao tapa nan nyu pacah, ia nduac ngak jaleih haluk, mbang tame gheng sang bhap bini. Bruk nan livik harei ngak ka ralo sang mbleing, ra-ai, hu 2 baoh sang jaleih abih. Dom baoh sang karei jeng daok cang tal harei jaleih meyah oh hu samar pasiam veik.

4 # Chủ tịch Ubbhap bini tỉnh Hậu Giang Lê Tiến Châu song dom  ban, dom gah  pambuak tal di  tỉnh bahrau pasang eik, duah thaubruk glut jaleih di huyện Châu Thành piah hu jalan pasiam veik. Ngan song dom labik gam gam rah tabiak glut jaleih tuk vak tapa yau labik tapen krong Cái Côn, tui kuhria dalam tuk vak anak tal dok rah tabiak bruk glut jlaeih, nan ye meng urak ni karja palei khang hatai jak ba mik va panduan ba sang danaok kadun tame gah likuk, atah di takai krong piah nyaih khat lihik menuac sia saong drap ar tuk glut jaleih rah tabiak.

5# Bharau njauk khang tamekai vụ Đông Xuân pablei tapa Trung Quốc, dom urang pala tamekai di tỉnh Phú Yên daok pala vụ patui di nan ngan saong pajaih tamekai hijao biak yamen. Bruk njauk duh hatai lac urang oh sangka tal yaom pablei, bo taong abih jeng maong tame bruk yau Yuan lac “may nhờ, rủi chịu”. Bruk njauk biai nan lac, tamekai bahrau hu yaom, urang nong ba gauk pala chip vụ hadei, nan ye mbuan ba tal khat lihik kayua tamekai meda laik yaom..

Patui di ni dom khau tin dunya:

6 # Bhap bini  Malaysia harei  9/5 hu nao plaik phiếu dalam mbang  tổng tuyển cử di negar  Đông Nam Á này. Hu 14 triệu 900 ribau cử tri  tut angan tame plaik  phiếu. Dom  kết quả sơ bộ tui kuhria hu brei thau di mesup harei page  Hu mbaok dalam bruk bầu cử mbang ni  hu 3 gah prong lac: liên minh Mặt trận negar cầm quyền (BN), Liên minh đối lập (PH) song đảng Hồi giáo liên Malaysia (PAS). Tui  hukun  bầu cử di Malaysisa, đảng atau liên minh halei hu rilo  menuac di abih dalam Quốc hội 222 urang lac  mek hu ja yah

7# Nyaom biai pakat glaong Nhật Bản - Trung Quốc saong Hàn Quốc hu peih tabiak di Tokyo, Nhật Bản mesup 9/5- tui tukvak Nhật Bản. Dalam nyaom biai ini, 3 taneh ia pataom tame ginum biai bruk ngak hu di mbang taom gaok pakat glaong dua gah Triều Tiên saong mbang taom gaok akaok meti dalam sajarah di Mỹ và Triều Tiên tui kuhria lac di bilan hadei. Dalam gah kinh tế, urak ini 3 taneh ia meblah  20% GDP di dunya. 3 gah jeng brei brei thau veik bruk khik ramik saong patagok bruk tự do pablei salih..

            8 # Cảnh sát khu tự trị bangsa  Choang di  Quảng Tây, Trung Quốc, chap mek 46 ki-lô-gam hê-rô-in dalam bruk pacang khol pablei salih jru pheil. Tui nan, jru phiel ni chap mek  di 2 urang  pablei salih jtru phiel hadei di rilo bilan duah thau. Dom urang ni Padauk jru phiel dalam dom pandap ngak meng kayau. Urak ni, bruk ni dok hu pasang iek, duah thau di Trung Quốc, urang pablei salih atau ngak  labaih  50 gam hê-rô-in njauk lĩnh án tử hình./.