1# Di Hà Nội, Ủy ban Bangsa (UBDT) saong Mintri pato megru bahrau mbaoh tangin tame harak pambuak bruk ngak tukvak 2018-2021, piah patagok bruk pambuak gauk peih ngak dom sarak di Đảng, hukum di Karja ka pato megru saong bruk bangsa, rik daong cakrok patagok kinh tế - xã hội, ilamu di bhum bangsa takik saong bhum ceik. Bruk ba tabiak dom asal kadha pambuak bruk di dua gah piah paglaong kein laba, siam lagaih bruk khik iek, peih ngak dom sarak cakrok patagok bhum bangsa di Đảng saong Karja dalam tukvak anak tal.

2 #  Peih ngak bruk bangsa, thun 2017, mintri ngak nong song patagok palei pala hu tacei dom puk palei rami ramik tani tanat ka jiak  99 ribau boh sang di cư tự do song  di dân, tái định cư dom danak dak thủy lợi, thủy điện; rami ramik tani tanat ka labaih    22.300 boh sang, hu dom boh sang urang bangsa takik. Dom boh sang hu dong brei labaih 7.000 ha taneh pala bahrau  phun lương thực, phun ngak cong song phun mbang baoh ; labaih  1.000 taneh pala glai song jiak  1.400 ha taneh ngak hamu puh. 

3 # Meng ini tal Tết Nguyên đán 2018, di ban raya Hồ Chí Minh dom doanh nghiệp khik tani tanat yaom kaom darak pasar kuhria peih rilo jang 221 labik pablei pandap khik tani tanat yaom kaom. Tui nna, hu labaih 300 mbang pablei lưu động duh ka urang ngak di dom khu chế xuất - khu công nghiệp; bhap bini bhum lingiu ban raya Hồ Chí Minh, labik hu urang ngak duah hu jien takik, oh hu jien nao palei mbang Tết. 

4 # Piah mek hu bruk pato bruk ngak ka 2.600 urang ngak palei pala, thun 2018 ni  tỉnh Ninh Thuận peih ngak samu gauk dom jalan ngak, dalam nan iek prong bruk patagok chất lượng pato bruk ngak gam song dong duah bruk ngak.  Sở dok pambuak bruk song dom gah , karja puk palei  tui iek, duah thau bruk caong bac bruk ngak di urang ngak, jhul pakhang bruk langyah, daong duah bruk ngak ka urang ngak, khan brei đơn vị, doanh nghiệp daok caong khin palih ruah urang ngak...

5# Dom thun tapa, bruk pato saong bac sap Khmer ka anek saih bangsa Khmer dalam tỉnh Trà Vinh tuk halei jeng hu gah pato megru saong karja palei sangka daong palagaih. Thun bac 2017 - 2018, dalam tỉnh hu labaih 67 ribau urang bangsa Khmer tui bac dom pakat bac. Abih tih anek saih bac haroh Khmer lac labaih 19 ribau, dalam nan pakat tiểu học lac labaih 15 ribau; pakat trung học cơ sở lac labaih 3 ribau saong pakat trung học phổ thông lac 739 em.

Patui di ni dom khau tin dunya

6 # Kuwait khan lac negar ni dang tabiak peih nyaom biai  dunya ka bruk pasiam veik  Iraq hadei di mesruh metak dalam bilan  2 tal, gam hu pambuak bruk di gilang pariak dunya (WB) song dom  công ty tư nhân. Thứ trưởng Ngoại giao Kuwait Khaled al-Jarallah ndom lac,  negar ni tuk halei jeng dong ka negar Irap dok jiak tapen, song ndom lac bruk tani tanat di raq jeng lac tani tanat di  Kuwait song khu vực.

7# Tổng Thư ký Hội đồng Bộ trưởng Iraq Mehdi al-Alaq brei thau, tui kuhria abih tih yaom jien piah padang veik Iraq takik di abih meda tagok tal 100 tỷ USD. Kol IS nyu ngak ka 5 triệu urang Iraq nduac klaak sang danaok nao daok labik karei. Hu meteh dalam dom urang nan hu ba nao sang veik. Urak ini daok hu  2,6 triệu menuac daok klaak palei.

     8 #  Gilang pariak bhap bini  Trung Quốc brei thau, Trung Quốc song  Thái-lan hu patui bruk mbaoh tangin tame  harak sanya salih jien ndua. Tui nan, brei adat ka gilang pariak bhap bini Trung Quốc song gilang pariak  Thái-lan salih  70 tỷ nhân dân tệ (labaih 10,8 tỷ USD) jeng  370 tỷ bạt./.