1# Festival Huế mbang ka X ngan saong kadha "Inem krung ilamu haong bruk ba drei tame saong cakrok patagok - Huế 1 labik nao tal 5 inem krung" hu peih tabiak meng harei 27/4 - 2/5/2018. Tal urak ini, bruk kuhria caga ka Festival Huế hu blaoh blai. Ông Nguyễn Dung, Phó Chủ tịch UBND tỉnh, urang dang akaok mban peih ngak Festival Huế 2018 brei thau: Festival Huế mbang ka X-2018 lac labik taom, gaok ilamu nghệ thuật di dom nền văn hóa piah patui jalan jhul pakhang talei pambuak bruk dunya; yaih khan yaom glaong ilamu Việt Nam, ilamu Huế, jhul khang bruk cakrok patagok dịch vụ - du lịch, patagok kinh tế - xã hội di Thừa Thiên - Huế dalam tuk kham merat ba drei tame dunya.

          2 # Di ban Buôn Ma Thuột, tỉnh Đắk Lắk, Viện Âm nhạc (di Học viện Âm nhạc negar Việt Nam) pambuak bruk song  Sở ilamu– Thể thao song  Du lịch tỉnh Đắk Lắk bahrau peih nyaom biai ilamu  khoa học hu angan: “Bruk hik ramik inem krung ragu ragam meng kan dom bangsa takik  di Trung bộ song Tây Nguyên – Sarak song bruk anak meta”. Di nyaom biai, dom urang hu pataom tame ginum biai  dom bruk yau: Bruk khik ramik inem krung ragu ragam meng kan song bruk peih ngak sarak khik ramik, patagok inem krung ragu ragam bangsa takik di Trung bộ song Tây Nguyên; ba tabiak dom jalan ngak lagaih, hu kein laba ka bruk khik ramik song patagok inem krung ragu ragam meng kan di dom bang takik di  Trung bộ song Tây Nguyên.

          3# Mesup harei 11/4, sa mbang khuah praong khuah ralai labik ngak sâm Ngọc linh di phường 3, ban sit Đà Lạt, Lâm Đồng. Labik ngak  sâm Ngọc linh daok dalam labik danao Tuyền Lâm, atah di pasak ban Đà Lạt labaih 10km. Tuk mboh pui khuah, taong abih urang ngak di labik ini kham merat ba gauk padam pui. Min kayua hu rilo janih mbuan khauh, nan ye taong abih labik ngak sâm ngọc linh saong glai thông tapen nan praong 2.000m2 jeng njauk pui mbang abih.. 

          4 # Sở ngak nong song  patagok palei pala  tỉnh Trà Vinh pambuak bruk song  Ban khik ramik patagok  doanh nghiệp sit song mbaih tỉnh (SME Trà Vinh) peih nyaom biai paglaong yaom phun li u dalam tỉnh.  Ong Tô Ngọc Bình, Phó Giám đốc Sở Kế hoạch song  Đầu tư tỉnh Trà Vinh, Giám đốc Dự án SME Trà Vinh brei thau, tỉnh Trà Vinh hu  taneh pala li u dang ka 2 di bhum taneran krong CL, hadei di tỉnh Bến Tre, ngan song jiak 20.000 ha. Ni jeng lac 6 janih pandap hu dom chuyên gia tong yaom lac hu pren meriak gauk di  tỉnh Trà Vinh.

   5# Pasak khik ramik giao thông công cộng TP. Hồ Chí Minh brei thau, Pasak daok kuhria patagok rilo jang 13 tuyến xe buýt hu daong yaom saong 5 tuyến xe buýt oh daong yaom, abih tih lac 1.835 chuyến xe buýt dalam 4 harei padeih lễ 30/4 saong 1/5. Tui Công ty cổ phần pajeng ba jalan pasei Sài Gòn, tuk lễ 30/4 saong 1/5, Ga Sài Gòn hu rilo jang 28 mbang radaih pui nduac meng Tp. Hồ Chí Minh nao Phan Thiết, Nha Trang saong Quy Nhơn gam saong dom radiah pui nduac yaok harei.

                   Patui di ni dom khau tin dunya

        6   # Cố vấn An ninh nội địa di Tổng thống Mỹ Đô-nan Trăm (Donald Trump), ông Thô-mátx Bô-xớt (Thomas Bossert) bahrau likau padeih bruk. Ni lac bruk bahrau di abih dalam dom bruk likau padeih atau brei padeih dom urang jakar dalam rajaei Mỹ. Tui dom khau tin Mỹ brei thau, ong Bô-xớt likau padeih tui panuac ieu  di urang  bahrau tagok ngak Cố vấn an ninh negar  Mỹ Giôn Bôn-tơn (John Bolton) – urang hu mong lac hu jalan sahneng ka bruk  đối ngoại biak khang

   7# Gah Lương thực negar Phi-líp-pin (Philippines) (NFA) daok dalam tuk ginum biai dom paka di harak pambuak bruk blei tame chip  250 ribau tấn brah meng Thái Lan atau Việt Nam, piah khik kajap bruk pabak brah dalam taneh ia dalam dom bilan oh pala njauk. Tui nan, Gah Lương thực negar Philippines (NFA) meda pachreih tui jalan Xuýt Che-lừn (Swiss Challenge) dalam nhập khẩu, lac gah pablei brei thau yaom samar di abih saong lap di abih hu pambuak bruk pablei brah

          8 # Takik di abih 13 urang njauk rambuac hu ba tal sang iek ruak song 7 urang karei oh ka duah mboh dalam mbang patuh khang rah tabiak melam kabroi di sa sruh radeih pajeng chất nổ di  tỉnh Thiểm Tây, Tây Bắc Trung Quốc. Bruk patuh nan rah tabiak harei 10/4 , di palei  Phổ Tam. Sruh radeih gaok bala ni lac radeih hu tut angan di tỉnh Hà Nam, hu jao bruk pajeng  chất nổ tal sa gilang pandap jiak palei nan. Makna di bruk patuh dok hu pasang iek ngak brei cambaih laih.

                                                                                          Hanipha/VOVTPHCM