1# Di huyện  Ea Súp, tỉnh Đắk Lắk bahrau hu hajan praong gam tui ngin khang labaih 30 minit, ngak ka yaok rituh baoh sang jaleih saong par tabung, rilo phun mbang baoh saong njam patam jaoh, jaleih. Ngin khang jeng ngak ka dom labik ngak bruk di Ủy ban Nhân dân xã Cư M’lan saong Ea Bung par tabung, 4 gheng điện dalam xã Ea Bung klaoh talei, jaleih. Sa-ai Phạm Văn Phương, 30 thun, daok di palei 7, xã Ea Bung njauk cakala klaak metai.

2 # Ban ngak bruk đặc biệt tỉnh Nghệ An brei thau, bilan thu thun  2017-2018, Đội quy tập tỉnh Nghệ An duah mek hu  88 hài cốt liệt sĩ urang lin halan hatain song chuyên gia Việt Nam klah rup drei di  Lào dalam bruk mesruh metak dahlau deih song dok peih ngak dom thủ tục piah ba dom saai nan gilac mai veik aneh ia. 88 bộ hài cốt liệt sĩ hu  tỉnh Nghệ An taduan song mek meng dom  Ban ngak bruk đặc biệt dom tỉnh di Lào piah ba mai kubo di nghĩa trang liệt sĩ huyện Nghi Lộc dalam harei  15/5 anak tal.  

3# Di Nghĩa trang liệt sĩ Ba Dốc (xã Lý Trạch, huyện Bố Trạch), tỉnh Quảng Bình bahrau peih ngak dalam praong prang bruk taduan mek saong ba nao dar 18 hài cốt liệt sĩ quân tình nguyện saong chuyên gia Việt Nam metai di Lào. Meng bruk pambuak gauk catang di pakat ủy Đảng, karja 2 tỉnh Quảng Bình (Việt Nam) saong Khăm Muộn (Lào), gam saong bruk daong abih hatai di bhap bini  Lào, Đội quy tập 589 (Bộ Chỉ huy Quân sự tỉnh Quảng Bình) pataom mek hu 18 hài cốt liệt sĩ quân tình nguyện saong chuyên gia Việt Nam metai di Lào dalam 2 mbang mesruh metak haong Prang saong Mỹ.

4 #Ngan saong kadha “ Samar pacang caga song pasang iek dom bruk ba tal nguy hiểm, kanjah jhak di labik ngak bruk piah patrun tai nạn lao động, ruak nghề nghiệp”, tỉnh Điện Biên bahrau peih bilan ngak ka an toàn, vệ sinh lao động nthun 2018. Tuk peih tabiak bruk nan hu mbaok labaih  300 urang mai meng  dom jabat,  doanh nghiệp, anek saih  sinh viên song urang ngak dok dalam tỉnh. 

5# Piah pacang cakak bruk mek cuah suan hukum di kraong, tal urak ini, tỉnh Bến Tre pambak praong hu 3 mô hình “Bhap bini pacang kol mek cuah” di xã Tân Phú, huyện Châu Thành. Nan lac 3 kapul pacang kol mek cuah di dom labik tapen kraong Tiền saong kraong Hàm Luông – sa labik bhian rah tabiak bruk mek cuah suan hukum. Yaok kapul hu meng 10 tal 20 urang, lac menuac di dom sang daok dalam bhum glut jaleih tapen kraong. Bruk di dom kapul lac tui iek, duah thau bruk ngak di kol mek cuah, khan brei karja thau piah langyah.

Patui di ni dom khau tin dunya:

6 # Mintri jien padai  Nhật Bản brei thau, sre di rajaei  trung ương tagok tal tanut glong abih di puac thun 2017. Kuhria tal harei  31 bilan 3, sre dang di tanut 1 triệu tỷ 87 ribau  813 tỷ Yên, samu  9 ribau 940 tỷ đôla Mỹ. Yaom jien ni rilo jang labaih  148 tỷ đôla dut song puac thun  2016 song glong jang yaok saman. Sre tagok rilo mai meng bruk Rajaei pa tabiak trái phiếu piah bayar ka dom pandar cai dak harei dak prong tame bruk bruk menuac sia daok hata nao. 

7# Mỹ bahrau brei thau bruk trừng phạt pamaong tame 6 urang saong 3 thực thể di Iran bo Mỹ mboh lac hu daong yaok triệu đôla Mỹ ka kol đặc nhiệm Cut (Quds) dalamc Lực lượng vệ binh cách mạng Hồi giáo Iran. Panuac ini hu ba tabiak 2 harei hadei di tuk Tổng thống Mỹ Đô-nan Trăm ( Donald Trump) khan lac tabiak truh thỏa thuận hạt nhân haong Iran. Ini lac sa jalan trừng phạt haong gauk hu ngak haong dom tiểu vương quốc A-rập thống nhất, piah pacang cakak bruk trao đổi jien padai praong hu pandar piah daong gah vệ binh cách mạng Hồi giáo Iran saong dhar di kapul ini.

8 # Quốc hội bahrau di  Hung-ga-ri (Hungary) bahrau palih ruah veik ong Vích-to Ô-ban (Viktor Orban) ngak  Thủ tướng bahrau di negar ni hadei di tuk  đảng cầm quyền Liên minh Công dân (FIDESZ) di ong mek hu ja yah khang dalam mbang palih ruah Quốc hội di bilan dahalau. Meng bruk ni , ong Ô-ban hu ngak veik  Thủ tướng Hung-ga-ri mbang ka 3 gam gam. Ong Ô-ban – umo 54 thun, lac urang pal akaok cánh hữu hu angan je di  Hung-ga-ri ngan song dom salih bahrau  gah kinh tế, dong ka  kinh tế Hung-ga-ri hu siam veik  hadei di tuk suy thoái./.