1 #Dalam dom bruk ngak gah lingiu di Diễn đàn Kinh tế dunya  (WEF), mesup 11/9, di Hà Nội, Mintri ngak nong song patagok palei pala peih  Diễn đàn pataogk Châu Á hu angan:  “Salih bahrau piah salih karei: roh duah song pabak chreih chrai”.  Diễn đàn hu abih tih 20 mbang, piah tagok bruk ginum biai song pambuak bruk di dom gah pagam tal. Meng nan piah peih meta mong bahrau dalam bruk ngak nong di Diễn đàn Kinh tế dunya piah khik kajap an ninh padai brah, patagok bruk ngak nong khang kajap, khik caga môi trường song peih tabiak dom jalan ka bruk pablei salih song ngak mbang dalam bruk ngak nong. 

2# Page harei 11/9, di baoh sang ka 15 - 17 Lê Duẩn, quận Hải Châu, ban Đà Nẵng rah tabiak sa mbang khuah quán Bar di Công ty cổ phần Câu lạc bộ LEO. Thak pui me-om pacang abih baoh sang glaong 3 tal. Sa canah phố njauk thak pui, dhur mur di mbang khuah pacang me-om. Tal jaik 8 tuk  40 minit, mbang khuah hu padam. Baoh sang ka 17 Lê Duẩn hu brei thau lac pambuak tal Phan Văn Anh Vũ, nan lac “Vũ nhôm”. Urak ini, bruk blei, pablei baoh sang ka 17 Lê Duẩn ndih dalam dom taneh, baoh sang công sản di ban Đà Nẵng pambuak tal Vũ nhôm daok hu gah chức năng pasang iek, duah thau.

3 # Lễ vía Bà Linh Sơn Thánh Mẫu - Núi Bà Đen, tỉnh Tây Ninh bahrau hu Mnitri  ilamu ,Thể thao song  Du lịch pok brei angan lac inem krung ilamu phi vật thể pakat negar. Bà Linh Sơn Thánh Mẫu lac sa dalam dom biểu tượng thờ mẫu di gah merong. Adat cambat di harei rija hu bruk pambuak gauk di adat Phật giáo song bhap bini . Yaok thun ,meng harei 4 tal harei 6 bilan 5 tui saak ia bilan di  Linh Sơn Tiên Thạch tự (núi Bà Đen, tỉnh Tây Ninh) hu rah tabiak lễ vía Bà Linh Sơn Thánh Mẫu ngan saong dom adat cambat meng kan biak gheih. Tapa nan dui pachreih hu yaok triệu  tuai damuai meng TPHCM song dom  tỉnh ban karei di gah  merong tuh mai ngak adat song rivang main.

 4# Ông Giáp Văn Tỉnh, Hạt phó Kiểm lâm huyện Bảo Lâm, tỉnh Lâm Đồng  brei thau lac daok pambuak bruk saong dom gah chức năng duah thau bruk tuh hóa chất đầu độc glai thông di tiểu khu 442, kayua mBan khik ramik glai phòng hộ Đam Bri khik caga. Abih tih taneh glai thông gaok đầu độc lac 3.800 m². Dalam nan hu 76 phun thông 3 hala pala meng thun 2012. 

            5 # Công an tỉnh Khánh Hòa brei thau, patom mek hu gac  730 triệu đồng dalam pok jien abih tih  4,5 tỉ đồng njauk 2 urang blah gilang pariak mek nao. 3,7 tỷ đồng dok veik hu  Hùng ba nao dar dalam sang song hu công an mek veik dahlau di nan. Tui urang dang akaok  công an tỉnh Khánh Hòa,  2 ja blah lac  Trần Hoàng Nhật Hùng (umo 36 thun) song  Đàm Minh Quang (umo 30 thun, jeng dok di ban sit Ninh Hòa, tỉnh Khánh Hòa) dok hu gah công an ngak  hồ sơ ba tagok  viện KSND brei adat khởi tố bị can.

Khaw tin dunya

6# Tui dom chuyên gia phân tích di sa phòng thí nghiệm di ban Niu-gioóc (New York), Mỹ, 17 thun nao tapa kuhria meng hadei di bruk khủng bố harei 11/9/2001 ngak kinh hoàng ka dunya, tal tukvak ini jeng daok labaih 1 rabau urang njauk bala oh ka thau angan je. Urak ini dom chuyên gia jeng daok ngak bruk piah duah thau dom thi thể dom urang metai hadei di mbang khủng bố. Min, tui dom chuyên gia, talang lac janih kan si thau ADN di baih tuk bo dom mẫu talang ini gaok thak, apui, vi khuẩn, nhiên liệu meng kapal ahaok…lac dom janih meda ngak tayah cấu trúc ADN dalam talang ba tal tỷ lệ jak jeng dalam xác định ADN trun biak bair.

7 #Mintri  Y tế Cập harei  10/9 brei thau, urang Islam di negar ni nao ngak rukum haji di palei Méc-ca metai tagok tal 70 urang. Dom urang metai rilo meng lac di  A-rập Xê-út tuk urang nao ngak rukun nao tapa sa mạc ala langik pandiak song kurang ia. 2 urang metai puac di abih dalam mbang nao ngak rukun haji thun ni hu sa urang njauk  trụy tim song urang daih njauk  suy hô hấp.

8# Hu sa sruh jit tả pabui châu Phi tra hu duah mboh harei 10/9 di gah timul Trung Quốc. Sruh jit barau hu duah mboh di huyện Nghị An, ban Đồng Lăng, tỉnh An Huy. Tui pathau khan di pasak dut iek jit ruak anek athur Trung Quốc, 63 dalam dom 219 drei pabui dalam sa trang trại njaom ruak saong 23 drei metai. Karja palei ini hu tabiak lệnh pacang caga chip piah pacang cakak, cuh klak saong khử trùng di sruh jit. Jit tả patuh tabiak di Trung Quốc meng bilan 8, pambak tapa 18 trang trại saong lò sik raih di 6 tỉnh. Urang jakar taneh ia ini hu cuh klak labaih 38.000 drei pabui, saong pakauk pajeng ba pabui di sruh jit./.