1# Mesup harei 12/12, di Hà Nội, Thủ tướng Nguyễn Xuân Phúc mai hu mbaok di Diễn đàn doanh nghiệp Việt Nam (VBF) yaok thun- thun 2017, ngan saong kadha “VBF-20 thun nao gam haong dom doanh nghiệp saong pamaong tal bruk patagok kinh tế xã hội thun 2020”. Diễn đàn kayua 3 đơn vị lac Công ty jien padai dunya IFC, Mintri Kế hoạch saong Đầu tư Việt Nam, Gilang pariak dunya (WB) pambuak gauk peih tabiak.

2 # Amuk Nguyễn Thị Doan, dahlau deih ngak  Phó akaok negar, Akaok kapul pachreih bac Việt Nam bahrau nao  rivang song brei pandap dong ka anek saih bhum kan kandah kayua gaok bala meng langik tasik di tỉnh Quảng Nam. Lambaok Trung ương kapul pachreih bac  Việt Nam, muk Nguyễn Thị Doan hu jao 200 triệu đồng ka urang lambaok kapul pachreih bac tỉnh Quảng Nam piah payua tal dom adei anek saih  bhum palei gaok bala.

3# Piah pabak siam ka bruk blei pandar di bhap bini tuk Tết Mậu Tuất anak tal, ban Hà Nội hu tacei dom doanh nghiệp khik piah dom janih pandap yau: brah, ralo, menuk ada, baoh menuk ada, pandap mbang chế biến, kaya ikan, kaya nong thu… Abih tih yaom pandap labaih 26.000 tỷ đồng. 

4 # Dalam thun ni, gah jhik menyim hu rilo salih bahrau ba yaom jien pablei pandap tabiak negar langiu di gah jhik menyim  Việt Nam dalam thun hu  labaih  31 tỷ USD, tagok 10,23% dut song tuk vak ni thun dahlau . meng jalan peih tabiak khang kajap ni, bruk pablei tabiak negar langiu di gah jhik menyim tui kuhria meda mek hu meng 33,5-34 tỷ USD dalam thun 2018. 

5#Pathau khan bruk ngak mbang di Tập đoàn Điện lực Việt Nam (EVN) bahrau ini brei mboh lac, abih tih điện pablei di EVN bilan 11 hu jaik 15 tỷ kWh; lũy kế 11 bilan hu jaik 160 tỷ kWh, tagok 9,18% duk saong tukvak ini thun dahlau, dalam nan, abih tih điện pablei dalam taneh ia tagok 9,35%. 

6 # Harei  12/12, Ban khik ramik hacih saat  pandap mbang menyum  ban raya  Hồ Chí Minh peih bruk duah thau makna ngak ka  142 anek saih sang bac  Tiểu học An Phú, phường An Phú, Quận 2 njauk pandiak, pandik tain, aik chraoh medin kayua njauk jru mek pandap mbang. Anak meta ban khik ramik hacih saat pandap mbang menyum medin ni lac sa Bruk njauk jru mek pandap mbang song daok dut iek mẫu piah duah tabiak makna di nyu. 

7#Gam saong dom janih pandap hu angan yau njam, bingu, tea B’Lao – Bảo Lộc, du lịch canh nông di Đà Lạt (Lâm Đồng) daok jeng sa janih pandap meriak gauk, siam lagaih, ngak jeng angan je. Meng dom siam lagaih hu bloh, rilo urang ngak nong, rilo trang trại hu ngak ka labik sản xuất di drei, jeng labik ka tuai du lịch mai rivang, thaot binguk. Sa-ai Lâm Hàn Nghi, sa urang tuai mai meng ban raya Hồ Chí Minh mboh biak takre, khan lac: “Dahlak mboh Đà Lạt biak mekre. Lingi la-an bingi nan ye kol dahlak pilih ruah ka mbang du lịch ini. Kol dahlak biak takre dom labik bingu pala di urang ngak nong”. 

Patui di ni dom khau tin dunya:

8 # Harei 11/12, gah Thú Y dunya  brei thau panuac di  Hà Lan khan lac jit cúm menuk da di  tỉnh Phờ-le-vô-len (Flevoland) ba tal bruk am cuh klak jiak 16 ribau drei da.  Chủng cúm H5N6 độc lực cao hu duah mboh di  trang trại rong da  di  Bít-đinh-huy-den (Biddinghuizen) harei 07 / 12, ngak brei 40 drei menuk da metai.

9# Hàn Quốc daok kham merat mek veik hatai jia di Trung Quốc saong patagok talei pambuak bruk taong abih gah di dua taneh ia. Ini lac panuac di Tổng thống Hàn Quốc Mun Chê-in (Moon Jae-in) dalam mbang javap jalơi báo chí dahlau di mbang tapa rivang Trung Quốc tui kuhria lac 13/12.

10 # Di ban  Bao Đầu, bhum tự trị Nội Mông Cổ, Trung Quốc harei 11/12, rah tabiak  rò rỉ khí ga ngak 3 urang metai, 1 urang njauk rambuac song 14 urang gaok bala hasit. Dom gah chức năng samar hu mbaok pak nan piah dong urang gaok bala song duah thau makna bruk nan. Tui pasang iek, jalan  khí ga kanduak jiak labik sang rò rỉ lac makna ba tal bala nan.