1# Mintri padang ngak bahrau huharak payua 8 tỉnh lac: Thanh Hóa, Hà Tĩnh, Quảng Bình, Quảng Trị, Thừa Thiên Huế, Quảng Nam, Quảng Ngãi saong Bình Định – lac dom labik hu Thủ tướng brei adat dui atah tukvak peih ngak Quyết định 48/2014 ka bruk daong sang kan ngak sang daok pacang caga ribuk ia sua bhum kreih negar. Piah ngak tui Quyết định 48 hu siam lagaih, Mintri padang ngak hu panuac tacei 8 tỉnh ini pasang iek, ramik pasiam angan dom urang hu daong sang daok piah ngak njauk tui adat.

         2# Urak ni, vải thiều Lục Ngạn, tỉnh Bắc Giang dok yam tame bilan paik boh.  Di  huyện Lục Ngạn, yaom pablei  vải thiều tagok glong jang dom harei akaok  vụ, abih di nyu nan lac vải thiều hu iek glang tui tanut  VietGAP. Darak pasa pablei vải thiều di  Bắc Giang hu tong yaom lac siam lagaih, yaok harei vải thiều dalam tỉnh pablei tabiak jiak 6.000 tấn. Tui kuhria, tỉnh Bắc Giang hu peih adit  Vải thiều Lục Ngạn - Bắc Giang di  Hà Nội, meng harei  13/6 tal abih harei  20/6/2018. 

 3# Tui Sở ngak nong saong patagok palei pala Đồng Nai, kayua tukvak jaik di ini hu ralo mbang hajan praong, ngak ka labaih 1.300 hécta amriak kalu dalam tỉnh njauk ruak metai suai saong labaih 210 hécta njauk ruak metai samar. Đồng Nai urak ini hu jaik 18 rabau hecta amrika kalu, rilo jang bruk ba tabiak tal thun 2020 lac jaik 8 rabau hécta. Tui panuac kakei di Sở ngak nong saong patagok palei pala, piah patrun patakik ruak metai samar, metai suai di phun amriak kalu, urang nong njauk tathuak ia siam ka bein phun, pabak khak hữu cơ, pandar dom chế phẩm sinh học pacang pasiam ruak ka phun.

          4# Akaok thun  2018, yaom khoai môn di huyện Lấp Lò (tỉnh Đồng Tháp) lac 18.000 đồng/sa kg, meng puac bilan 5, akaok bilan  6/2018,  yaom nyu trun biak beir meng 5.000-8.000 đồng/sa kg. Tui yaom pablei ni urang pala  khoai môn khat meng 100 tal 150 triệu đồng/sa ha. Tui rilo urang nong, yaom lac thau pablei tabiak khat trak min njauk pablei, kayua piah lavik harei bei nyu khut , piah livik nyu tagok jien khak drak, pren iek glang. Yau nan ye rilo urang nong pala bei njauk paik jip, pablei hu ndo halei thau ndo nan.

    5# Piah khik caga tasik, pacang glut jaleih takai tasik, pacang caga bala meng lingik tasik, pacang caga biến đổi khí hậu tukvak 2016 - 2020 saong pamaong tal thun 2030, tỉnh Kiên Giang hu padang 13 dự án, dalam nan hu 3 dự án hu brei adat peih ngak saong yaom jien buh tame ngak abih tih 2.215 tỷ đồng. Urak ini ralo labik takai tasik njauk glut jaleih, riyak paoh tame tal takai ar, mbuan ngak khut ar saong ngak kan kandah tal bruk ngak mbang, ngak huak di yaok ratuh sang bhap bini daok tapen takai tasik njauk samar panduan ba nao tl labik siam mekre.

          Patui di ni dom khau tin dunya

          6  # Hadei di rilo tukvak cang, Tổng thống Mỹ Donald Trump song urang pal akaok  Triều Tiên Kim Jong Un hu taom gaok song chap tangin gauk di  khách sạn Capella angaok palao Sentasa. Asar kadha prong dalam danka dak taom gaok nan lac  bruk hạt nhân di  Triều Tiên, bruk bo ong Trăm dok maong lac meda thuyết phục ong  Kim Jong Un tah klaak piah salih mek bruk dong brei gah kinh tế.

7 # Meng bilan 1 tal bilan 4 meng bloh hu gac 920 ribau urang Xyri nduac klaak sang danaok, lac biak ralo kuhria meng thun 2011. Abih tih, 6 triệu 200 rabau urang Xyri njauk klaak sang danaok, nao duah labik karei daok pak dalam taneh ia di drei, dalam tuk hu 5 triệu 600 rabau menuac jeng daok tị nạn di dom taneh ia jaik taphia.

       8 # Khau tin  Nga brei thau, takik di abih  9 metai hadei id sa mbang paoh gauk  di sa sruh gaiy kayau song  xà lan pajeng pandap di angaok krong  Vôn-ga (Volga) di melam  11/6. Hãng thông tấn RIA Nô-vô-xti (RIA Novosti) ba panuac meng Jabat  tình trạng khẩn cấp pak nan brei thau, langiu di  9 urang metai  dalam mbang gaok bala, 5 urang karei hu giải cứu./.