1# Urak ini daok lac tukvak dom janih baoh kayau mbang bilan hè daok tame bilan paik baoh, thun ini dom bein phun mbang baoh dalam tỉnh Bà Rịa-Vũng Tàu jeng pala njauk saong pablei hu yaom, ngak ka mikva urang ngak bein uan tabuan lô. Ong Mai Sỹ, ấp Bàu Sen, xã Xà Bang, huyện Châu Đức hu taneh praong 6 sào pala makhut hu 20 thun. Ong brei thau, dut saong thun bloh, thun ini bein makhut di ong yaom lac druh baoh meda ralo min tui kuhria mboh jeng njauk jang. Meyah thun bloh hu 7 tạ ye thun ini meda mek hu labaih 1 tấn baoh. Urak ini, urang mai blei yaom meng 35.000-40.000 đồng/kg. 

2 # Huyện Thạnh Hóa dok jeng sa bhum taneh pala kruac siam di tỉnh Long An. Meng hu dom jalan nao khang kajap dalam bruk salih phun pala, boh kruac that Thạnh Hóa hu mbaok di rilo darka pasa dalam song langiu negar Bruk pilih njauk phun kruac ka bhum taneh ni hu dong ka rilo boh sang meng kan kandah hu jeng ginup meda . Amuk Đinh Thị Phương Khanh, Phó Giám đốc Sở ngak nong song patagok palei  pala  tỉnh Long An brei thau:

        Bruk dong pablei ye dom nyaom darak pasa, parang iek ye tỉnh jeng hu ba dom hợp tác xã ngak mbang hu gah pala kruac nao parang iek yaih khan song urak ni hu nông trang Hải Âu tapa pambuak  bruk di  tỉnh , di mintri ye urang duah hu labik pablei di Trung Quốc, Trung Đông song dom negar karei karei .

          3# Labaih 500 ha kruac bung kanduh hijao, kruac bung năm roi daok tabiak baoh di huyện Cầu Kè, tỉnh Trà Vinh njuak ruồi đục ngak khat lihik trak gah năng suất saong chất lượng.  Ong Nguyễn Văn Hạnh, urang dang akaok kapul pambuak bruk kruac bung kanduh hijao, ấp Rạch Đùi, xã Ninh Thới, huyện Cầu Kè brei thau, labaih 12,4 ha bein kruac bung, ngan saong labaih 5.000 phun daok tabiak baoh meda di tổ hợp jeng njauk ruồi đục palai kaik khang ngak brei druh baoh saong trun chất lượng labaih 30%. Kuhria rah tapa 1 ha kruac bung kanduh hijao pala chuyên canh paik hu jaik 13 tấn baoh yaok thun, tui yaom 35.000 đồng/kg, urang pala duah hu labaih 500 triệu đồng. Meng bruk hu ruồi đục palai kaik yau urak ini, dom bein di Cầu Kè meda khat lihik yaok pluh tỷ đồng. 

            4   # Tui  Sở Y tế Cần Thơ, tuk vak tapa dalam ban ruah pandiak tabiak darah hu mboh veik biak avar, ruak meda tagok khang, song meda patuh jeng jit, meyah oh samar pacang cakak. Tui kuhria mboh di sang iek ruak Nhi đồng Cần Thơ,  dalam 10 harei akaok bilan  6/2018, Khoa pandiak tabiak darah di sang iek ruak taduan jiak  20 urang pandiak tabiak darah tame iek ruak, rilo di dom nyaom uranaih umo meng  10 - 15 thun. Dalam nan hu dom mbang ruak trak njauk tui iek song dui atah tukvak kayua amaik ame takik sangka, tuk anek ruak trak meng ba tame sang iek ruak. Rilo urang hu biến chứng, mbuan metai . 

          5# # Piah khik ka tong abih dom  thí sinh hu labik ndik dok, nao mai mbuan lagaih dalam mbang pakacah THPT pakat negar  2018, Ubbhap bini  tỉnh Gia Lai hu tabiak harak pandar dom puk palei ngak harak angan dom thí sinh sang kan kathaot, jaik si kathaot, bhap bini bangsa takik song urang hu rai duik biak kan kandah piah hu jalan dong jien . Yaom jien dong ni iek tui bruk jien ndua di yaok puk palei. Ong Lê Duy Định, Phó Giám đốc Sở pato megru  tỉnh Gia Lai brei thau:

 “Sở pato megru hu nao ngak bruk song urang pal akaok  17 huyện, ban sit dalam  tỉnh song tong abih  labik jeng ngak njauk tui harak tacei pato di  Ubbhap bini tỉnh. Yaom jien dong meng  300 ribau tal  500 ribau đồng/ sa  thí sinh lac anek saih kan kathaot  jiak si kan kathaot, bangsa takik . Meda lac Gia Lai hu taong abih thí sinh hu mbaok di mbang pakacah ni, oh hu  thí sinh halei oh hu mbaok tame pakacah  kayua oh ginup jien.”

                   Patui di ni dom khau tin dunya :

6 # Urang dang akaok Liên hiệp Trang trại Pháp – sa kapul  công đoàn prong di  Pháp, muk  Chrít-tri-an Lam-bớt (Christiane Lambert) harei  13/6 hu panuac ieu  trun jalan hadei di tuk bruk taom gaok di urang lambaok liên hiệp song Akaok mintri ngak nong Pháp Xtê-phan Tra-vớt (Stephane Travert) rah tabiak dahlau di nan bo oh langyah hu bruk oh njauk gauk. Tui muk  Chrít-tri-an Lam-bớt, urang ngak di Pháp ngak rilo min jien bilan oh samu haong bruk ngak

          7# Trung Quốc biak kham merat ka bruk di Bán đảo Triều Tiên. Ini lac panuac di ong Xtê-phan Đu-gia-rích (Stephane Dujarric) urang brei panuac di Tổng thư ký Liên hợp quốc anak báo giới bahrau ini. Ong Đu-gia-rích jeng brei thau, Tổng thư ký Liên hợp quốc An-tô-ni-ô Gu-tê-rét (Antonio Guterres) pok meyaom dom siam mekre di nyaom biai pakat glaong Mỹ - Triều Tiên. Jalan sahneng di Tổng thư ký Liên hợp quốc ka phi hạt nhân hóa angaok Bán đảo Triều Tiên lac oh salih karei. Ong ndom veik lac, phi hạt nhân hóa njauk ngak ka nyu siam mekre, cambaih laih saong oh salih karei hu.

8 # Yaom lac gaokbruk phản đối di bhap bini  dunya dalam nan hu Pháp, Italia jeng dok ba yaok rituh urang nhập cư di sa kapan  cứu hộ di  Địa Trung Hải nao tal Tây Ban Nha, hadei di tuk kreik pabah lamnge oh taduan dom urang  nhập cư ni. Piah ba dom urang  nhập cư nan nao tal  Tây Ban Nha  dalam tuk tasik hu ribuk , Italia brei 2 kapan  hải quân ba jalan kapan  cứu hộ A-qua-ri-ớt (Aquarius) pamong tal gah pai Tây Ban Nha./.

                                                                                                    Hanipha/VOVTPHCM