1 # Meng akaok thun tal ini, dalam negar hu jaik 120.000 urang ngak Việt Nam nao ngak bruk di negar langiu. Dalam nan, Đài Loan saong Nhật Bản  lac 2 darak pasar prong. Tui Cục khik iek urang ngak langiu negar, Bộ Lao động - Thương binh saong Xã hội, ngan haong yaom jien mek tame siam, ralo urang ngak hadei di tuk mai veik palei hu rai diuk siam jang. Di dom darak pasar urang ngak meng kan mai yau: Nhật Bản, Đài Loan, Hàn Quốc, dom doanh nghiệp biak takre palih ruah urang ngak  Việt Nam kayua gheih tangin, tari tareng saong bhian randap samar. Ini jeng lac pren khang ka urang ngak Việt Nam dalam tukvak anak tal.

2# Urak ini, di Bình Thuận hu dom libik hu mbaok tame danakdak khik piah pandap panda thiết yếu khik kajap yaom darak pasal dahlau, dalam saong hadei Tết nguyên đán Kỷ Hợi 2019 tut angan bruk ngak saong Sở Công Thương. Dalam nan hu Công ty CP Thương mại Bình Thuận, Siêu thị Co.opMart Phan Thiết, Siêu thị Co.opMart La Gi, Pasak Dịch vụ bhum ceik tỉnh saong dhar Công ty CP Lương thực Nam Trung Bộ.  Tanut khik piah pandap panda thiết yếu khik kajap yaom darak pasal tết thun ini jaik 150 tỷ đồng, rilo meng lac dom janih pandap mbang menyum yaok harei. Danakdak tui kuhria meng ini tal akaok bilan 3/2019.

3 # Pahadar 36 thun harei Gru pato Việt Nam, harei 15/11, Sở pato megru bal raya HCM peih bruk taom gaok gru pato ưu tú dom jaman saong pok brei kỷ niệm chương ka dom gru pato ưu tú thun 2017.  Tapa nan, Sở hu pok meyaom saong brei kỷ niệm chương ka 21 gru pato ưu tú hu ralo rik daong ka bruk “pala manuac”.

4# Tui kuhria mboh di pasak Y tế dự phòng ban raya Hồ Chí Minh,  meng akaok thun 2018 tal ini hu labaih 19.000 urang tame iek ruak pandiak tabiak  darah,   dreih yau dom bilan ini thun 2017. Bilan  11 hu maong lac tabung glaong di jit ruak pandiak tabiak drah, min dalam bilan 10 hu dom tukvak yaok adit hu labaih 1.100 urang ruak tame sang iek ruak. Tui bác sĩ Nguyễn Thanh Phong, Trưởng khoa Nhiễm D, sang iek ruak nhiệt đới,  dom urang njauk ruak pandiak tabiak darah tame sang iek ruak ini tagok rilo jang dua mbang duk saong thun 2017 saong oh ka mboh padheih. Dreih yau nan, dalam Khoa Nhi A di sang iek ruak ini jeng daok iek ruak ka 40 uranaih gaok ruak pandiak tabiak darah

    5 # Page harei 15/11, di khu phố 2, phường Hòa Phú, bal sit Thủ Dầu Một, tỉnh Bình Dương rah tabiak bruk khuah di cửa hàng văn phòng phẩm saong cửa hàng điện aia ngak ka sa urang metai khuah. Urang metai dalam mbang khuah nan lac sa-ai Phạm Thế Huỳnh, umo 35 thun, daok di Tiền Giang, lac adei di po cửa hàng văn phòng phẩm. Sa-ai Huỳnh ndih sa drei di cửa hàng piah mong iek, kayua apui mbang prong nan ye sa-ai oh tathuak tabiak langiu hu. Taduan hu panuac khan lac hu khuah, gah pacang khuah padam khuah tỉnh Bình Dương hu brei 10 sruh radaih padam khuah gam haong yaok pluh urang lin padam khuah mai padam apui, tal jaik 2 tuk hadei apui meng hu padam abih.

Nhạc cắt

Khaw tin dunya

     6# Jabat Tổng thống Nga (Điện Kremlin) brei thau, Tổng thống Nga Vla-đi-mia Pu-tin (Vladimir Putin) meda nao ravang Thổ Nhĩ Kỳ di harei 19/11 tal. Tui bruk ba tabiak, Tổng thống Nga Pu-tin gam saong Tổng thống Thổ Nhỉ Kỳ Tay-íp Éc-đô-gan (Recep Tayyip Erdogan) nao tal ban I-xtan-bun (Istanbul), piah hu mbaok di tuk peih bruk brei thau ngak bloh bruk dak padang lingiu tasik di jalan ống ba khí Tuốc Xtrim (TurkStream), meng Nga nao tal Thổ Nhĩ Kỳ. Dự án jalan ống dẫn khí Tuốc Xtrim hu peih tabiak ngak di kreih thun diah. Tui kuhria jalan ống dẫn khí ini hu ba tame pandar di puac thun 2019.

7 # Nyaom biai pakat glaong ASEAN mbang ka 33 daok rah tabiak di Singapore ngan haong bruk hu mbaok di ralo urang dang akaok negar. Piah khik kajap   an ninh di tanut glaong abih, cảnh sát Singapore bahrau ba 1 robot tự hành tame bruk pasang iek duah thau anak baoh sang Suntec City, labik rah tabiak  nyaom biai. Robot ini  hu pagam ralo camera meda truyền nao thaik binguk meng góc nhìn 360 độ di labik ngak bruk. Nyu jeng hu hệ thống liên lạc nội bộ, peih ngak tui lệnh chỉ huy saong abih di nyu lac duah mboh bruk ngak đáng ngờ piah khan brei ka Sở Chỉ huy thau. Singapore nan lac sa dalam dom negar biak tích cực dalam bruk pandar robot piah daong ka bruk ngak di gah cảnh sát, abih di nyu lac dalam dom bruk ngak praong.

           8# Barau ini, cảnh sát I-ta-li-a hu mek khik 68 urang dalam sa  chiến dịch dunya pagui mek dom băng nhóm tội phạm peih bruk taong bạc trực tuyến. Jaik 800 cảnh sát hu ieu pataom saong cap mek hu rilo urang di rilo kapul nyaom mafia karei di gauk di 3 ban gah meraong I-ta-li-a. Dom băng mafia ini bảo kê ka dom tổ chức taong bạc angaok mạng, bleik saleik piah duah mek jien suan hukum dalam tukvak đặt cược. Cảnh sát hu mek labaih 1 tỷ ơ-rô pak I-ta-li-a jeng ye taneh ia lingiu dalam chiến dịch ini. Tui dom urang điều tra,  jalan talei taong bạc dunya ini tagok tal labaih 4 tỷ 500 triệu ơ-rô./.