1# Tui kuhria mboh, urak ini di Việt Nam hu labaih 170 labik pablei lẻ hu phun jien di taneh ia lingiu (FDI), dalam nan hu 110 labik pablei lẻ FDI praong 500 m2 tagok tui jalan siêu thị, pasak pablei salih di ralo angan praong yau ye BigC, Lotte Mart, Aeon, Emart… Ông Đỗ Thắng Hải, Thứ trưởng Bộ Công thương mboh lac, ini jalan pablei salih praong daong jhul khang bruk pablei pandap Việt Nam tabiak negar lingiu, saong daok daong paglaong pren meriak gauk, patagok angan pandap Việt angaok darak pasar dunya.

2 # Mintri Kế hoạch song  Đầu tư tah klak panuac likau padang trụ sở yaok rituh  tỷ đồng di tỉnh Hà Giang. Tui mintri  Kế hoạch song Đầu tư, Hà Giang lac sa tỉnh kan kathaot, kadung jien karja hu takik,  dok tavak saiy ka dom bruk padang ngak prong. Mintri  KH&ĐT pandar  Hà Giang ngak cambaih laih phun jien peih ngak dự án, yaom pah dịch vụ yaok thun, song jalan bayar phun jienka po đầu tư.

3# Tỉnh Nghệ An hu brei jaik 10 tấn ikan pajaih dom janih ka dom xã dalam tỉnh, dalam nan hu meteh lac pajaih ikan mè, chép, trôi, trê phi saong cá quả; daok ikan trắm lac jaik 1,3 tấn. Mbang brei pajaih ini huyện Tương Dương parabha tui bhum daong yaom yau ye: dom xã jaik pasak huyện 50%, dom xã bhum atah bayah 60% saong dom xã biên giới lac 70%.

4 # Tỉnh Quảng Trị dok pataom tame bruk patagok “6 phun, 2 drei” tui jalan khang kajap, tapa bruk padang angan je, pandar công nghệ glong, pambuak pagam dalam bruk sản xuất, piah ngak tabiak pandap panda hacih saat hu yaom kinh tế glong. Sở ngak nong song patagok palei pala  Quảng Trị brei thau, 6 phun nan lac: Cà phê Arabica, amriak kalu, cao su, padai  chất lượng glong, phun mbang boh song phun jru, phun kayau glai pala  ; 2 drei nan lac limo song hadang rong.

5# Harei 15/5, yaok ribau urang Cam  Awal di tỉnh Bình Thuận chreih chrai uan raok Ra-mư-wan – daok ieu lac mbang muk kei. Dahlau di nan, dom sang urang Cam hu nao gun, da-a muk kei mau bui sambai haong anek taco. Bình Thuận lac sa tỉnh hu ralo urang Chăm, abih tih jaik 42.000 urang. Daok urang Cam awal hu labaih 15.000 menuac, hu  10 thang megik. Dalam dom thun tapa, ngak tui sarak bangsa di Đảng, Karja, dom danak dalam bhum urang Cam ngak hu siam lagaih. Raidiuk mbang ngui daok dang bhum urang Cam hu ralo salih bharau, hadah hadai tagok. Dalam 4 xã harat urang Cam, hu 3 xã mek hu chuẩn palei pala bahrau. Ong Xích Đại, sa urang Cam daok di palei Bình Minh, xã Phan Hòa, huyện Bắc Bình, tỉnh Bình Thuận chreih chrai lac: 
Bhap bini Chăm bui sambai lo uan raok Ramevan thun ni….

          Patui di ni dom khau tin dunya

6 # Mintri  Thống nhất Hàn Quốc mesup  15/5 brei thau Triều Tiên bahrau hu panuac ieu peih bruk ginum biai dua gah Triều Tiên pakat glong di harei  16/5. Rajaei  Hàn Quốc dok kham merat ngak ka nyu salah dom asar kadha di mbang taom gaok.

7# Ucraina saong Liên minh châu Âu (EU) meda peih nyaom biai pakat glaong mbang ka 20 di harei 09 bilan 7 di Bruc-xen (Bỉ). Urang dang akaok Phái bộ Liên minh châu Âu di Ucraina,  Hu–gơ Min-ga-re-li (Hugues Mingarelli) lac haong dom urang vak di Ki-ép lac, nyaom biai pakat glaong meda ginum biai ka bruk mesruh pacang tham nhũng di Ucraina, bruk peih ngak dom thỏa thuận Minxcơ (Minsk) saong bruk daong jien padai di Liên minh châu Âu brei ka Ucraina.

8 # Tổng thống Thổ Nhĩ Kỳ Tay-íp Éc-đô-gan (Tayyip Erdogan) ieu Ixraen lac “negar khủng bố”, hadei di tuk lin negar ni cuh metai yaok pluh urang trun jalan Palextin di bhum biên giới hong  Gaza. Dalam tuk vak ni Mỹ peih pakak sứ quán bahrau di  Giê-ru-xa-lem (Jerusalem), bruk mesruh gauk bak drah patuh tabiak di gah an ninh Ixraen song urang trun jalan  Palextin harei  14/5 di Gaza, ngak takik di abih  55 urang trun jalan  Palextin metai, 2700 urang njauk rambuac./.