1/Meng akaok thun tal ini, di dom huyện Ea Kar saong M’Đrăk, tỉnh Đắk Lắk  gam gam rah tabiak bruk co klaik cakak mek talei cáp điện. Kol co klaik nyu loa tame 5 bilai biến áp cakak mek labaih 200 mét talei ban, ngak khat lihik labaih 100 triệu đồng. Dahlau nan, dalam ban Buôn Ma Thuột, kol co klaik jeng loa tame 6 bilai biến áp, mek nao taong abih bộ tủ tụ bù hạ áp, dalam nan hu biak rilo pandap hu yaom. Bruk co klaik nan oh lac ngak khat lihik drap ar bo daok ngak kan kandah praong tal bruk pabak điện saong lihik an toàn dom pandap pandar  điện.

      2/ Piah pathau khan ka urang đoàn, dam dara hu thau cambaih dom tanut, dom bruk di negar ka padang ngak palei pala bahrau, harei 14/6 Huyện đoàn Châu Thành tỉnh Tây Ninh peih nyaom pakacah “dam dara ba gauk padang ngak palei pala bahrau”. Hu 5 kapul ngan song 30 urang lanmbaok ka  15 xã, ban sit di huyện Châu Thành, tỉnh Tây Ninh tame pakacah. 

          3/ Melam 14-6,  di Rayo ppar sap papar binguk Đồng Nai, Hội Nhà báo tỉnh hu peih pakacah daoh karaoke "Sap daoh urang ngak báo Đồng Nai mbnag ka III". Mbang pakacah ini hu 26 biên tập viên, phóng viên, urang ngak gah kỹ thuật di dom chi hội nhà báo mai meng dom jabat báo chí dalam tỉnh. Ini lac 1 dalam dom bruk ngak kayua Hội Nhà báo tỉnh peih tabiak piah pahadar 92 thun Harei Báo chí cách mạng Việt Nam (21/6/1925 – 21/6/2017).            

           4/ Huyện đoàn Xuyên Mộc tỉnh Bà Rịa -Vũng Tàu pambuak  bruk song kalup kapul halan hatain Hải Đăng Vũng Tàu peih bruk cakak mbuk brei sao, brei pandap ka urang kan dalam  xã. Di labik ni, dom đơn vị nan hu brei 10 pok jien bac ka anek saih kathaot yam tapa kan kandah bac da-a naih joi, brei  50 pok pandap ka urang taha daok sa drei, urang jaoh jo, uranaih hu rai duik kan kandah song calak mbuk brei saoh ka 150 urang. 

         5./Dalam 6 bilan akaok thun ini, mBan tacei jalan jak ba brei darah halan hatian tỉnh An Giang pambuak bruk haong sang iek ruak Huyết học truyền máu Cần Thơ  taduan hu labaih 8 ribau đơn vị darah, lac labaih 42% bruk ba tabiak. Thun bloh,  An Giang jak ba hu labaih 23.000 urang tut angan brei darah, taduan hu labaih 13 ribau đơn vị darah (samu 88,17% bruk hu jao brei).

6/ Sở Công Thương tỉnh Sóc Trăng pambuak bruk song Công ty Điện lực Sóc Trăng peih bruk  “pandar  điện siam mekre, pacang caga khuah patuh song khik caga hành lang an toàn lưới điện” thun 2017.  Meng thun 2015 mbiah tal ni, di tỉnh Sóc Trăng hu 78 mbang khuah patuh, 24 mbang bala kayua điện, ngak brei 35 urang metai, drap ar khat labih labaih 7,5 tỷ đồng. 

        7./Di Bến Tre, gah chức năng tỉnh hu ba nao am cuh klaak rilo pandap jả nhập lậu hu: pakao, bột ngọt, bình gas mini, jru prang... Mbang am cuh klaak ini hu dom janih pandap ja bahrau mboh nan lac: jru prang ngak ja angan TERPINE GONNON labaih 40.000 vỉ (yaom labaih 1 tỷ đồng).  Jru pasiam môi trường hiệu Poly Aluminnium Chloride oh thau meng halei mai.

 Patui di ni dom khau tin dunya:

            8/ # Bahrau ni, Thủ tướng Anh hu panuac sinya brei duah thau cambaih makna ba tal khuah chung cư glong 24 tal di  Luânđôn, ngak takik di abih  12 urang metai, yaok pluh urang njauk rambuac. Yaok rituh urang lin pandam pui hu mbaok tame pacang pandam, dong hu  65  urang min hu labaih

           9./Kuhria tal urak ini, hu takik di abih 125 urang metai saong yaok rituh baoh sangkhut tayah dalam mbang glut jaleih taneh di bhum Đông Nam Băng-la-đét (Bangladesh). Dom urang metai meda hu rilo jang kayua daok hu rilo menuac daok lam dalam haluk patau

        10 # Kadung jien "Save the Children" (Khik caga uranaih) hu panuac lac jit aik chraoh daok pambak praong dalam negar Yemen dok yam tabiak truh bruk tui iek hu, song yaok minite hu sa uranaih njom ruak ni. Harei 14/6, ba panuac khan di "Save the Children" brei thauyaok ribau urang mbuan si metai dalam dom bilan anak tal song dom urang ruak bahrau tui kuhira meda tagok tal  300.000 urang dalam tuk bruk njom mbak daok tagok jang 3 mbang dalam 2 adit tapa./.