1 # Page 31/7, di Phủ Chủ tịch, akaok negar Trần Đại Quang taduan raok kapul urang ngak bruk di Ủy ban Kinh tế Nhật-Việt dalam Liên đoàn dom kapul nyaom kinh tế Nhật Bản (Keidanren) tuk kapul tapa rivang saong ngak bruk di Việt Nam. Dalam van raok, akaok negar ndom lac, bruk dua negar klah rabha ralo kein laba praong haong gauk, abih di nyu lac bruk Hiệp định pambuak taong abih bruk saong Tiến bộ xuyên Thái Bình Dương (CPTPP) hu ba tabiak ngak tui dalam tukvak anak tal, Việt Nam thau lac Nhật Bản nan gah pambuak bruk praong dang akaok saong suai lavik, caong khin pambuak haong Nhật Bản patagok taong abih gah saong biak biai jang talei rohim  siam gheih ini.

2# Jeng dalam harei  31/7, Rajaei hu peih nyaom  biai  bilan  7/2018, ginum biai ka bruk padang ngakthể chế  song patagok kinh tế-xã hội. Tui pathau khan di Mintri  Kế hoạch song Đầu tư, bruk  kinh tế-xã hội dok tagok siam, kinh tế vĩ mô tani tanat, lạm phát daok pasang iek  hu dalam tuk bruk dunya hu ralo sarau kadau, patuh tabiak catang bruk pablei salih di  Mỹ song Trung Quốc. Kuhria tal tuk vak ni, oh ka salih hagait prong ka bruk pablei salih dalam negar, darak pasa ngoại hối song  tỉ giá hu  trun tagok di dom tuk vak min hu gilang pariak karja samar ramik veik, khik hu siam mekre. 

3 # Meng melam 30 tal page harei 31/7, hu 7 baoh sang angaok kraong Đà dalam bal Hòa Bình, tỉnh Hòa Bình glut trun kraong Đà saong yaok pluh baoh sang karei daok si glut jaleih, ca-ai takai. Urak ini, makna bal tal glut jaleih ini daok hu dom jabat chức năng pasang iek min tui ong Sơn, makna PRAONG lac kayua dalam tukvak tapa di labik binek Hòa Bình hu hajan luac bilan nan ye ar kraong tabum aia, kết cấu yếu ngak brei glut jaleih. Anak meta, tỉnh Hòa Bình daok panduan ba taong abih baoh sang di labik ini nao tal labik siam mekre saong meda hu daong ka dom baoh sang njauk khat lahik tui sarak daong pacang caga bala meng langik tasik. 

     4# Hu 861 boh sang di  15 chung cư klaak khut pakat D dalam ban raya HCM hu urang pal akaok  UBND ban raya pandar  paduan nao, padang bahrau piah khik siam mekre ka bhap bini, pasiam veik mbaok meta đô thị. Urang pal akaok Ubbhap bini ban raya jeng hu panuac ieu karja pak nan padang bruk bayar jien , giải phóng mặt bằng tui njauk quy định ka dom sang njauk panduan  nao; brei hu rilo jalan tái định cư piah ka dom sang palih ruah. Hu rilo bhap bini dok di dom chung cư klaak, khut trak brei mboh hatai suh sah anak bruk mehit lac ban raya peih bruk panduan ba  :

5 # Page harei (31/7), di labik pataok gilai pabah lamnge dunya Tuần Châu, tỉnh Quảng Ninh, gilai du lịch số hiệu QN - 6419 nyu karam tuk daok pataok. Di tukvak gilai karam angaok gilai oh hu tuai damuai, dom urang peih gilai samar nduac tagok ar. Makna ba tal gilai karam akaok mereip brei thau lac kayua hajan dui atah, gilai daok  bơm njuk aia ye lahik điện, dom urang peih gilai oh samar mboh nan ye caik ka aia nyu sbe tame ngak karam gilai. Ong Nguyễn Quốc Thụy – Akaok đội liên ngành Pasak daong duah urang njauk bala Vịnh Hạ Long brei thau Urak ini dom jabat chức năng di  tỉnh Quảng Ninh, saong po gilai daok duah jalan sraong veih gilai QN- 6419.

Patui di ni dom khau tin dunya:

6# Urang karja  Inđônêxia bahrau brei thau,,, labaih  500 tuai song hướng dẫn viên du lịch hu ba nao labik siam mekre hadei di tuk jalan trun ceik oh nao hu kayua glut jaleih taneh rah tabiak  hadei di sa mbang megei boh taneh khang 6,4 độ rích-te di harei  29/7 meng bloh. Tui kuhria mboh dahlau di nan di jabat duah dong urang gaok bala,,, hu labaih 560 urang gar veik dalam mbang ni, dalam nan hu tuai negar langiu mai meng  Mỹ, Pháp, Hà Lan, Thái Lan, Đức song dom negar karei karei

7  # Công ty jru cavao Hoa Hải di Chiết Giang ((Zhejiang Huahai Pharmaceutical) di akaok bilan ini brei thau lac pataom mek veik jru hu hoạt chất Van-xác-tan (valsartan) hu pablei bloh pak Mỹ, hadei di tuk jabat jru tavao châu Âu duah mboh lac janih jru ini mbuan ba tal ung thư. Ủy ban Kế hoạch gia đình saong Pren yava negar  Trung Quốc ndom lac janih jru njauk pataom mek veik, lac di hãng jru Hoa Hải Chiết Giang ngak tabiak, pakuac  pandar dalam tukvak chẩn đoán saong điều trị ruak.

   8  # Rajaei Thái Lan bahrau brei tapa danak dak dong yaom  97,95 tỉ Bạt ka urang nong dalam bilan pala thun 2018-2019. Tuk vak peih ngak danak dak  meng  bilan 09/2018 tal bilan  09/2019 dalam negar ni  ./.