#/ Tập đoàn xăng menyek VN ((Petrolimex) bahrau ba tabiak harak pathau khan jien padai dalam Quý IV song abih thun 2016. Tui nan, yaom lac abih tih yaom jien pablei pandap song pabak dịch vụ di Tập đoàn trun khang, min kein liba hadei thuế di tập đoàn ni jeng dok hu labaih 5.100 tỷ đồng, tagok jang 1.700 tỷ đồng dut song thun 2015. Dalam kein liba labaih 5.100 tỷ đồng, ye kein liba hadei thuế di cổ đông Công ty mẹ labaih 4.600 tỷ đồng.  

#/ Langik daok pandiak thu, mbuan hu khuah glai. Meng dom jalan daok kham merat peih ngak, huyện Đam Rông saong dom labik karei di tỉnh Lâm Đồng daok caga ngak siam bruk pacang cakak khuah glai bilan pandiak thun ini.   

#/ Rilo taneh ngak padai Đông xuân di tỉnh Điện Biên dok njauk halak halin palai kaik. Bruk njauk dut hatai nan lac dom harei jiak di ni, mboh halak hu rilo. Anak bruk ni, Chi cục khik caga phun pala tỉnh Điện Biên hu harak payua tal dom jabat chuyên môn di dom puk palei dalam tỉnh jhul pakhang dom jalan pacang caga, piah patrun beir di abih dom khat lihik.

 #/  Hadei di rilo khat lahik meng dom vụ dahlau, dom harei akaok thun, urang nông pala tamekai di dom huyện gah selatan Gia Lai daok bui sambai kayua tamekai gam hu năng suất gam hu yaom glaong jang ralo mbang duk saong vụ dahlau. Urak ini, yaom tamekai di dom huyện yau Đăk Pơ, An Khê, Phú Thiện lac 9.500 đồng/ sa kg, glaong jang 4 mbang duk saong vụ tamekai puac thun bloh. Meng năng suất saong yaom yau urak ini, dom po bein laba hu labaih kurang 200 triệu đồng sa ha.        

#/ Gah ngak nong tỉnh Trà Vinh hu8 panuac ieu dom boh sang rong hadang di bhum ia mbak, tapen tasik di 4 huyện, Duyên Hải, Cầu Ngang, Trà Cú song  Châu Thành cang langik siam lagaih meng palao pajaih. Ngak yau nan piah patrun jit ruak di angaok hadang song patrun khat lihik dalam tuk rong kayua langik oh tani tanat, lingik daok liar, ia mbak tagok suai oh siam ka bruk rong hadang.

#/ Mesup harei 20/2, di palei Bình Thắng, xã Phan Hòa, huyện Bắc Bình, tỉnh Bình Thuận rah tabiak bruk rò rỉ  bếp ga. Tapa nan ngak ka amuk Tạ Thị Em  pandung abih rup, njauk tame sang iek ruak. Yau yaok harei, amuk Tạ Thị Em medeih avar nao tame ging peih ga riak ia, kayua oh thau ga rò rỉ nan ye tuk peih ging pui nyu mbang amuk. Mehit sap preo, urang dalam sang saong mikva jaik taphia mai padam pui saong ba amuk nao tal sang iek ruak. 

#/ ĐN lac sa dalam dom tỉnh, ban hu tapon menuk ada rilo di abih dalam negar ngan song 16 triệu drei, dalam nan labaih 70% lac rong công nghiệp. Anak bruk jit ruak menuk da dok rah tabiak di dom tỉnh di CPC, jiak tapen VN, ĐN dok tagok bruk pacang cag jit ruak. Dahlau tết,  Chi cục Thú y tỉnh Đồng Nai hu klauk vac xin pacang caga ruak ka 1,5 triệu drei menuk daa di dom boh sang rong sit sot. Urak ni, dom bilac thú y di dom huyện, ban sit dalam tỉnh dok peih bruk pruh jru pametai anek ruak di val ro, dom labik pablei salih sik ngak menuk daa piah pacang caga jit ruak.

Patui di ini dom khau tin dunya:

#/ Dom thượng nghị sỹ Mỹ daok kuhria ba tabiak sa dự luật piah patagok trừng phạt Iran, taphia di nan ndom lac taneh ia ini ngak suan dom nghị quyết di Hội đồng Bảo an Liên hợp quốc hadei di tuk cuh iek tên lửa đạn đạo saong ngak brei srau kadau bhum Trung Đông.

#/  Akaok Mintri xăng menyek Iraq, Jabal al-Luaibi brei thau ka trữ lượng menyek di negar ni tagok tal 153 tỷ thùng, dut song panuac khan dahlau di nan lac 143 tỷ thùng. Trữ lượng menyek tagok khang peih tabiak jalan ka Iraq jhul patagok KT jang yau padang ngak veik  cơ sở hạ tầng klak, khut hadei di dom pluh thun srau kadau song dom lệnh trùng phạt di dunya.

10/ Ngoại trưởng Iran Mô-ha-mét Ja-vát Za-ríp brei thau, gah Săn-ni di Xyri mesruh veik haong gah rajaei taneh ia ini daok pandar vũ khí hóa học saong ini lac bruk oh klak tapa hu./.