#/ Meng harei 10 tal 12/3 anak tal, di labik bein bingu rup patau Lý Thái Tổ, Hà Nội hu rah tabiak hu rah tabiak dom bruk taom gaok ilamu Nhật Bản song parang iek bingu anh đào. Tui kuhria, mban peih bruk meda parang iek di bein bingu rup patau Lý thái Tổ 20 phun song 10 ribau dhar bingu anh đào hu ba meng negar Nhật Bản, gam song dom janih bingu đặc trưng di VN song NB.

#/ Tỉnh Bắc Giang daok kham merat kuhria caga ka bruk taduan mek bằng xếp hạng inem krung pakat negar đặc biệt baha Bổ Đà (daok di xã Tiên Sơn, huyện Việt Yên) saong peih hội baha Bổ Đà di harei 13/3 (nan lac 16 bingun bilan 2 tui saka ia bulan). Di tuk taduan mek bằng,  hu sa danak dak daoh tamia praong hu angan ieu lac “Mai labik taneh siam gireih”.

#/ Kapul pasang iek Hải Quan, Cục Hải quan tỉnh Lào Cai bahrau duah mboh song chap mek 137 kg rilaow athur liar song 30 kg chả iakn ngak li-an nhập lậu. Pandap nan yaom abih tih labaih 10 triệu đồng. Tong abih pandap nan hu asar mai meng TQ, hu nhập lậu tame VN song oh ka thau po di nyu.

 #/ Bruk pakacah khoa học kỹ thuật pakat tỉnh Ninh Thuận brei ka anek saih trung học thun bac 2016 – 2017, hu 25 dự án di 42 anek saih tut angan tame. Tapa nan, hu 5 dự án di 9 anek saih mek hu giải, dalam nan hu 2 giải dua saong 3 giải klau. Dom dự án mek hu giải hu sở pato megru tỉnh Ninh Thuận palih ruah nao pakacah khoa học kỹ thuật pakat negar brei ka anek saih trung học thun bac 2016 – 2017 hu rah tabiak di bilan 3 tal. 

#/ Tui chi cục khik caga phun pala tỉnh Bình Thuận, langik salih tapa bilan thu, nan ye ruak thán thư daok tamuh tabiak song ngak khut dom bein paaok blait di dom huyện Tánh Linh, Hàm Tân song ban sit La Gi. Piah pacang caga ruak urang nong brei puh ramik bein, ngak saat hareik, cakak dom dhar ngak lanieng ka bein. Lingiu di nan, cakak dom dhar njauk ruak trak ba nao am klaak

#/ Urak ini, yaom menuk patih dom trại dalam tỉnh Đồng Nai pablei tabiak tok daok 15 tal 16 ribau đồng sa kg, trun labaih 10 ribau đồng sa kg duk saong sa bilan dahlau. Makna ngak brei menuk patih trun yaom khang lac kayua bruk pablei ralo jang urang blei. Yaom ralo menuk nhập khẩu mai pablei sỉ tok 17-20 ribau đồng sa kg, ngak ka yaom ralo menuk dalam taneh ia patun khang (biar abih dalam 5 thun jaik di ini). Urak ini sa kg menuk patih ralo pablei tabiak, urang raong khat  meng 8 tal 10 ribau đồng , dom trại raong rilo ye khat khang, hu trại khat jaik 1 tỷ đồng. 

#/ Meng akaok thun tal ni, tỉnh Sóc Trăng hu 128 urang ruak tangin takai cambuai, tagok 17 mbang dut song tuk ni thun 2016. 2 labik hu urang ruak tagok glong lac huyện Cù Lao Dung (meng 2 urang tagok 25 urang ) song huyện Mỹ Tú (meng 18 urang tagok  34 urang).Dom huyện, ban sit yau Ngã Năm, Châu Thành, Long Phú  song Mỹ Xuyên tagok meng 1  tal 6 mbang  dut song tuk vak ni thun 2016.

Patui di ini dom khau tin dunya:

#/ Quỹ Nhi đồng Liên hợp quốc (UNICEF) hu panuac brei thau dahlau lac, jaik 1 triệu 400 ribau uranaih mbuan metai eik lipa dalam thun ini di Ni-giê-ri-a, Xô-ma-li, Nam Xu-đăng saong Y-ê-men. Giám đốc Quỹ Nhi đồng Liên hợp quốc An-tô-ni Lếch hu ieu bhap bini dunya samar daong tuk ndom lac: “kol drei jeng daok tukvak piah daong hu ralo urang klah di metai”.

#/ Harei 21/2 sa boh kapan haoh sit pajeng 6 urang laik trun sa pasak pablei salih jiak mblang kapan haoh ban Men-bơn (Melbourne) di Ôxtrâylia.Urak ni oh ka thau cambaih hu hadom  menuac metai lihik song tui khau tin meng cảnh sát, urak ini hu dom urang metai

#/ Hy Lạp saong kapul dom taneh ia pandar jien ơ rô harei kabroi hu njauk gauk  brei  peih veik paok jien daong bo dom gah brei mesraiy dunya brei ka taneh ia ini. Tui nan, Hy Lạp taduan tui dom jalan ngak salih barau, tapa nan peih tabiak jalan ka bruk taduan hu dom pok jien brei mesraiy barau./.