1 # Uan harei Raya Eidil Fiitry, lac roya uan thun bahrau di bhap bani urang Cam Islam, rah tabiak meng harei 21 tal harei 23/8, Akaok Ủy ban Trung ương Mặt trận negar Việt Nam Trần Thanh Mẫn hu harak tadhau ayuh payua tal chức sắc, chức việc saong taong abih urang Islam Việt Nam. Akaok Ủy ban Trung ương Mặt trận Tổ quốc Việt Nam Trần Thanh Mẫn taong yaom glaong dom kham merat saong rik daong di ban đại diện, ban quản trị dom Sang megik - Majit, dom dom Hakim, Na-ip saong bhap bani urang Islam Việt Nam. Tadhau ayuh taong abih bhap bani urang Islam dalam negar yam tapa sa thun bahrau mek hu ralo siam mekre, gul pataom gauk, daong ba gauk, dak padang rai diuk trei sil, haniem phol.

2 #Mesup harei  22/8, di ban Đà Nẵng, Ban Tuyên giáo Trung ương peih var taom gaok dom kapul nyaom, menuac urang naih gheih dalam bruk bac megru song ngak tui jalan hadah krah siam mekre di Hồ Chí Minh bhum kreik negar - Tây Nguyên dalam  2 thun  2017  - 2018. Di var taom gaok dom urag hu pang yaih khan  ka 6 urang naih gheih dalam bruk bac megru song ngak tui jalan hadah krah siam mekre di Hồ Chí Minh.  Pagap yau  saai Nguyễn Thị Út, akaok kapul Liên hiệp urang kamei phường Thắng Lợi, ban  Kon Tum, tỉnh Kon Tum  hu dong ka dom boh sang urang kan kathaot bangsa takik ngak mbang tabiak truh kan kathaot.

3 # “Peih jalan ka năng lượng tái tạo nao tal yaok baoh sang Việt” nan lac asal kadha di Adit năng lượng tái tạo Việt Nam thun ini rah tabiak meng 21-26/8. Adit ini, hu dom bruk ginum biai pak Hà Nội saong bal raya Hồ Chí Minh piah ba tabiak diễn đàn dom gah pambuak pagam tal ginum biai duah jalan peih talaih kan kandah saong jhul pakhang năng lượng tái tạo... Tui ong Đinh Duy Phong, Cục điện lực saong Năng lượng tái tạo, Bộ Công thương, tapa peih ngak Danak dak điện khí hóa palei pala tukvak 2013-2020 brei mboh, hu jaik 98% baoh sang urang nong hu pandar điện dalam thun 2015, danak dak ba tabiak jalan ngak tal thun 2020 hu 100% baoh sang urang nong ngan haong labaih 12 ribau puk palei hu pabak điện.

4 #Ủy ban bhap bini ban Đà Nẵng bahrau njauk hatai brei peih ngak  danak dak  “Pasa melam Sơn Trà” di  bhum jiak Cầu Rồng di phường An Hải Tây, quận Sơn Trà. Danak dak hu yaom  phun jien buh ngak abih tih labaih  4,2 tỷ đồng, hu padang tui mô hình jalan nao takai, labik pablei salih pandap panda... piah ngak jeng sa labik mai rivang me-in bahrau di ban Đà Nẵng. Pasa melam hu 150 gian hàng, dalam nan hu dom gian hàng pandap mbang menyum, pandap lưu niệm, mỹ nghệ, trang sức; nyaom pandap khan aow, kadung túi xách… peih pablei meng  18h tal  24h yaok harei. “Pasa melam Sơn Trà” dong ngak ka  bruk du lịch pambuak bruk pablei salih pandap panda, dui pachreih tuia meng labik karei mai, rik daong patagok tuk vak daok veik di tuai damuai .

5 # Pahadar 73 thun cách mạng bilan 8 saong Quốc khánh 2/9, bal raya Hồ Chí Minh daok ba tabiak ralo bruk ngak hu makna piah pamere ka bhap bani saong tuai damuai. Tui nan, Thành ủy, HÐND, UBND, MTTQ bal raya peih bruk pok bingu, cuh gilau ka Chủ tịch Hồ Chí Minh saong Chủ tịch Tôn Ðức Thắng dalam page harei 1/9 di Mu-yim Hồ Chí Minh – dhal bal Hồ Chí Minh, Mu-yim Tôn Ðức Thắng saong Mblang bein rup patau Chủ tịch Hồ Chí Minh. Melam  2/9, UBND Thành phố hu cuh pháo bingu nghệ thuật di tabung hầm nao tapa kraong Sài Gòn saong Mblang bein Ðầm Sen.

# Patui di ni dom khau tin dunya:

6 # Cảnh sát Thái Lan bahrau cap hu sa bruk pajeng ba ma túy prong abih kuhria meng dahlau mai  di  tỉnh U-đon Tha-ni (Udon Thani) gah Đông bắc negar ni, chap mek hu labaih  3,2 triệu asar  ma túy tổng hợp song  170kg ma túy đá. Cảnh sát trưởng tỉnh tỉnh U-đon Tha-ni, Pi-ra-pông (Peerapong Wongsamarn) brei thau  urang jakar Thái Lan hu pasang iek  song duah mboh 19 bao tải pandauk dalam sa sruh radeih  lai xi măng di harei  21/8. 13 bao tải nan  hu tal  3,2 triệu asar  ma túy tổng hợp song 6 bao dok veik hu  170kg ma túy đá. 

7 # Jit ruak dhang trak abih dalam 20 thun tapa gilac hu mboh veik di Pháp, urak ini daok pambak prong tal 28 trang trại dalam bhum ceik Hautes-Alpes, đông-nam negar Pháp, kuhria meng bilan 6 tal ini. Tal urak ini hu 50 drei limo, pabo saong athaih metai dalam mbang jit ruak ini. Sa urang jakar brei thau, urang jakar daok ginum biai haong dom gah pambuak bruk di Âu  piah blei vaccine khik piah di dom negar nan.

8 #Harei 21/ 8, Thủ tướng Campuchia Samdech Hun Sen peih sa diễn đàn tư vấn song urang pan akaok di  16 chính đảng di negar ni  hadei di tuk đảng bhap bini KPC mek hu jayah dalam mbang palih ruah urang ka  Quốc hội mbang ka VI di harei  29-7 meng bloh. Tapa nan oh hu mbaok di 4 chính đảng, lac đảng Liên minh kayua dân chủ, đảng Dân chủ cơ sở, đảng pacang iek lipa  Khmer song  đảng Tổ quốc.  Brei panuac di  diễn đàn, Thủ tướng Campuchia Hun Sen ndom lac, bruk hu mbaok di dom  chính đảng di diễn đàn hu makna biak prong  ngan song bruk patagok di taneh ia ./.