1# Di pagaiy harei 22/3, bruk kubo dar ong Phan Văn Khải, dahlau daih ngak Thủ tướng hu peih ngak praong prang di sang ông daok di xã Tân Thông Hội, huyện Củ Chi tui hatai caong khin di ong dahlau di tuk metai. Urang dang akaok  Ðảng, karja, Mặt trận saong rilo urang jakar, bhapbini ban raya HCM saong dom tỉnh, ban hu truac gilau mbang pauc abih saong buh haluk ba ông Phan Văn Khải nao padheih padhaiy dalam taneh muk kei.

2 # Rilo bhap bini dok di ban raya HCM song dalam negar brei mboh hatai anit ranam saong iek praong, iek glaong tuk hadar tal urang anek , sa kreih camin hadah krah song rik daong praong ka bruk salih bahrau di ong Phan Văn Khải, urang dahlau deih  ngak Thủ tướng. Amuk Nguyễn Mộng Lương, dok  Quận 1, ban raya HCM khan lac

Khol hulin biak pandik harao , kayua nan lac  ayuh biak siam, biak  abih hatai song duik pasang hulin. Pandik harao lo, dom ayuht sahabah siam dok ba gauk nao abih.

3#  UB bhapbini tỉnh Thừa Thiên - Huế barau padang Hội đồng Tư vấn du lịch di tỉnh. Ini lac Hội động Tư vấn du lịch pakat tỉnh akaok meti dalam taneh ia piah tư vấn ka puk palei ka dom bruk dalam patagok du lịch. Hội đồng hu 14 urang lac dom chuyên gia saong urang khik ramik gah lữ hành, lưu trú, kapar haok, truyền thông halan hatian pataom mbaom tame.. Hội đồng meda brei thau dahlau, ba tabiak jalan patagok du lịch, khik caga patagok kajap.

 4 # Hội  Chữ thập đỏ tỉnh Khánh Hòa dok pambuak bruk song dom puk palei pasang iek, taong yaom, padang ngak  120 boh sang brei ka urang gaok bala kayua ribuk ka 12 di puac thun bloh. Ni lac dom boh sang dalam  300 boh sang kayua danak dak patagok  Liên hợp quốc - UNDP dong ka urang gaok bala di  3 tỉnh.  120 boh sang ni hu  Uỷ ban bhap bini  tỉnh Khánh Hòa  dong ka urang di  5 huyện, ban njauk khat lihik trak kayua ribuk ka  12 meng bloh. Yaok boh sang hu dong 50 triệu đồng.

5# Kapul khik ramik darak pasal tỉnh Đồng Nai barau duah mboh, cap mek sa sruh radaih tải pajeng 500 kg ralo menuk mbau bruk, caga ba nao pablei. Tài xế khan lac dom drei menuk ini hu blei meng tỉnh Bình Dương, kuhria ba mai libik darak Tam Hòa (ban sit Biên Hòa) piah pablei. Gah khik ramik darak pasal hu ngak biên bản, mek khik saong ba nao cuh abih ralo menuk, tài xế gaok xử phạt 10 triệu đồng.

 Patui di ni dom khau tin dunya

 6 # Yaok ribau mbang par njauk  klak nao di  bhum đông bắc negar  Mỹ tuk hangin khang, tuyết liar di mbang ribuk khang  ka  thứ 4 dalam bilan ni di bhum taneh nan. Dom hãng kapan haoh brei klak labaih  4 ribau 400 mbang par nao song par meng negar Mỹ. Labaih 2 ribau 600 mbang par karei brei padei. ngak kan kandah  khang tal bruk nao mai di dom tuai damuai, dom mbang ribuk ni jeng ngak ka dom hãng kapan haoh khat lihik yaok triệu đôla Mỹ.

7# Karja Đức barau khan lac hu sa urang njaom kum menuk ada H5N6 di sa trang trại daok di Slis-uých Hôn-xten (Schleswig-Holstein), gah Brak taneh ia Đức. Tui urang jakar iek gah ngak nong, 57 drei menuk, menuk prang, ada saong likhen di sa trang trại angaok đảo  Ha-lích Su-đê-rog (Hallig Suederoog) gaok njaom virus kum. Dom janih menuk ada dalam trang trại hu ba nao cuh. Ini lac urang njaom kum menuk ada H5N6 mbang akaok meti dalam sa trang trại di Đức.

8 # Nyaom biai dom akaok mintri  Jien padai song Thống đốcGilang pariak Trung ương dom nền  kinh tế patagok song bahrau tagok dang akaok dunya  (G20) bahrau tamat bloh. G20 hu tabiak panuac lac njauk gauk brei peih ngak sarak thuế ka nyu siam, lagaih haong bruk patagok, saong hu panuac sinya ưu tiên bruk  đầu tư hu  chất lượng piah mek hu bruk tagok khang,  kajap, samu gauk song abih gah./.